Ayebulai 13:15 - Amazwi Yakwe Leza 2013

¹⁵ Lyene muli Yesu amuno lyonsi tulumbanyizizye Leza. Nupya lekini cii ciye wa kupeela impolelwa kunoli, ino tungati uli wila uno ukapelwa pa milomo ino ikamwama ukuti Mwene.

Ayebulai 13:15 ပူးပေါင်းရင်းမြစ်များ

2 Milandu 29:31

Lyene Hezekiya avwanga ati, “Ndakai mwatimuiswefya mweisikulu kuti muombe umulimo wakwe Yawe. Acino palamilini kuno, mulete impolelwa na mawila inu akutaizya uku Ng'anda ikulu yakwe Yawe.” Nga antu yonsi yano imyenzo yao ikasi yaleta amawila yakoca.

2 Milandu 33:16

Ali pa kukuula kavuwa kakwe Yawe cipya cipya, apano apeelela nu wila wa utandano, nu kutaizya. Ali pakukonkomezya Ayuda ukuti yapepa sile Yawe, Leza wa ina lzlaeli.

2 Milandu 7:6

Yasimapepo yimilila umu ncende zino yapilwe ukwimilila mwenemo. Aina Levi ala nayo yatiyalolenkanya amanso na kuko ala yakulizya nu kulumbanya Yawe umu vyakulizizyako inyimbo vino Davidi wasile. Vivi kwene vino waomvyanga apa kwimbila Yawe umu lwimbo ala akuti “Ukutemwa kwakwe kusisila, lelo ukwamuyayaya.” Yasimapepo ala yimilile umu mbalimbali zyao yakulizya intandala. Aina Izlaeli asyala yonsi nayo kwene ala yatiyimilila.

Ezila 3:11

Yimba inyimbo zya kulumbanya nu kutaizya Yawe, yala yakuti, “Yawe umusuma. Uluse lwakwe pa ina Izlaeli ulwa manda pe.” Alino antu yonsi ala yakutolelela nu kupunda apapezile amaka yao yonsi, iyalumbanya Yawe pamulandu wakuti umufula wa Ng'anda yakwe Leza watandike ukukuulwa.

Neemiya 12:40

Acino amaumba yoili yakwe yakiimba yao yataizyanga kuli Leza yafika apipi nu ku Ng'anda ikulu yakwe Leza. Ukulunda penepo apa ntunguluzi izyali pamwi nani,

Neemiya 12:43

Pa wanda kwene ulya yapeela impolelwa izingi wakwe cimwi, nga yazanga pamulandu wakuti Leza aliwe wayalenga ukuzanga. Anaci pamwi na ana nayo kwene yazanga. Icongo cakuzanga cino yacisile cuvwikanga ukufuma ukutali.

Masamu 118:19

Njulilini kweneko impongolo zyamu ncende yamuzilo muleke inje mwenemo nkataizye Yawe!

Masamu 119:108

We Yawe, pokelela ipepo lyane ilyakukutaizya, nupya unsambilizye amalamulo yako.

Masamu 18:49

Ali cino fwandi namakuwanzyanga we Yawe, pakasi ka antu amu nko zyuze, nu kwimbilila inyimbo zyakulumbanya izina lyako.

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Ezaya 57:19

Nemo naletela yonsi pyu ulongo, yayo yano yali umupipi, nga na yayo ali ukutali kwene! Ala nemo ndapozya antu yane.”

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Yelemiya 33:18

Nupya insita ili yonsi, kulaya lyonsi yasimapepo aina Levi akwimilila apa mulola wane, nu kuntuula amawila yakoca yakwe wiyo umusuma, nga ni mituulo ya vilyo pamwi na mawila yauze asyala.”

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Aina Levi 7:12

Muntu ndi wapeela uwila uu kuti uye uwila wakutaizya kuli Yawe, apeelele inyama yakoca impolelwa pamwi nu mukate utikame usi na citutumusi, uno uwapangilwa nu usu utikinkanye na mafuta, nanti umukate wa mpanda upapatale usi na citutumusi nupya upake amafuta ya miolivi, nanti yakeke yano yapangwa nu usu utonyoleke, utikinkanye na mafuta.

Mpendwa 7:62

Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Luka 10:21

Pa kasita kaka Yesu azanga cuze kupitila mu maka ya Mupasi Wamuzilo, nga avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile. Endi Tata, cii acino walondanga kuti cicitike.

Yoane 10:9

Nene mulyango! Wino wensi uwingila pali nene, alatuulwa. Wene alingila, alafuma nu kuzana vyakulya.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 6:19

Nkuomvya cilangililo ca uzya lino nkulanda kunomuli kuti muvwikisye vintu vii. Apa nsita imwi mwaipelisye ku kuya azya amicitile ikowele nga nu ukakasi pamulandu wa melenganyo inu aukakasi. Vivyo kwene, ndakai muipelesye ku kuya azya akacita vyawololoke pakuti mwatumikila Leza mu vyamuzilo.

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Kolose 1:12

taizyini Leza Tata, wino uwamucita kuya alinge kukumako ku wankanyo wa upolelelo uno Leza wasungila antu yakwe mu nsi ya luswepo.

Ayebulai 12:28

Lekini tutaizye Leza ndakai, pano twapokelela uwene uno utangatensiwa. Lekini twataizya nu kupepa Leza umu nzila ino ingamuzanzya nu mucinzi ni coopo kunoli.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.