Ayebulai 12:29 - Amazwi Yakwe Leza 2013

²⁹ Tulinzile kucita cii, pano cumi kwene Leza umoto uno ukaonona.

Ayebulai 12:29 ပူးပေါင်းရင်းမြစ်များ

2 Samueli 22:9

Icunsi icifutumuka ukufuma mu mpuno zyakwe, icimbilimbili ca ononyi na makala ati yaloka ivifumfumuka ukufuma mu mulomo wakwe.

Masamu 50:3

Awiyo Leza witu akwiza, asikwiza cimyamya foo. Cimbilimbili ca moto caticimukolelela, alino cipunga ca muza icimulizizya.

Masamu 97:3

Umoto ukamukolelela nu koca anisi yano yamulilizya.

Kufuma 15:7

Watuzana umucinzi ukulu cuze pakucimvya anisi yako nu kuyonona yonsi. Ukali wako ukaaka ngati cimbilimbili ca moto, nupya anisi yako ukayoca ngati insaawa.

Kufuma 24:17

Ku ina Izlaeli uluswepo lwakwe Yawe iluloleka wa cimbilimbili ca moto icikwaka papela ya mwamba.

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Ezaya 66:15

Nemo ne Yawe ndizila umu moto, ndiza nkupitila muli nkungulupya, lino ndiza mukufulula yano nasokela.

Yelemiya 25:37

Amacemelo yao amulemvwe azipisye, yatiyononwa.

Ezekelo 38:19

Umu cipyu cane, mu uzuwa wane, nu mu ukali wane navwanga nati, “Nalapa ndi vino umu wanda ulya mulaya icimvulunganya wakwe cimwi umu mpanga ya Izlaeli.

Danieli 7:9

Lino ncili lolekesya, ivilimba vya wene iviteekwa apa ncende ilya. Alino wiyo uwaliko ku katalili aikala pa cilimba conga. Vyakuzwala vyakwe vyali mpee wa mula, nga ni nyele zyakwe zyali mpee wa mavumbu ya mfwele zitiswe. Cilimba cakwe ca wene catesilwe pa mipeto ya moto, nga calunkumanga nu moto.

Mpendwa 11:1

Awe antu iyatandika kuilizyanya pa ntazi zyao. Lino Yawe uvwa vino yakuilizyanya, asoka cuze nga atuma umoto iuyaponela nga woca nu lutwe lumwi ulwa nsakwe.

Mpendwa 16:35

Alino Yawe aponya umoto pa antu 250, yao apeelanga ubani, nga iuyoca mpaka iyasila.

2 Kolinto 5:11

Twamanya vino cikasenula koopa Mwene, caleka tukaezya kukonkomezya yauze kucita cii. Leza watumanya mu ufumaluke, nupya nkupaalila vino mu myenzo inu naswe kwene mwatumanya.

Malango 4:24

pamulandu wakuti Yawe Leza winu akoline wa cimbilimbili ca moto. Wene asizumilizya kupepa tuleza tuze.

Malango 9:3

Lelo ilelo mumasininkizya ukuti Yawe Leza winu aliwe akamukolelela wa cimbilimbili ca moto icikaonona. Wene ali nu kuyacimvya cakuti mulayazinga nu kuyonona pyu zuwazuwa, wakwe vino wene walavile.

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Ayebulai 10:27

Icingasyala kweneko ukulolela nu koopa upinguzi uno ukwiza nga nu moto uwipisye uno ulonona antu, yano akana Leza.

Ayebulai 10:31

Kufumbatwa mu makasa yakwe Leza wa umi cintu cimwi ca koofya cuze.

2 Petulo 3:7

Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.