Ayebulai 12:27 - Amazwi Yakwe Leza 2013

²⁷ Mazwi akuti, “Nupya kwene” yakulanga paswe ukuti vintu ivyaumbwa vilatensiwa nu kufumiziwapo, pakuti vintu vino vitangatensiwa visyale.

Ayebulai 12:27 ပူးပေါင်းရင်းမြစ်များ

Ezaya 34:4

Ilanzi, umwezi ni ntanda vyonsi kwene vilasunguluka. Iyulu lilavungana nu kongoloka wi pepala lino umuntu akupomba. Intanda zilapona wa mafwa yano yakulukuta uku mutingi nanti umusamvu.

Ezaya 54:10

Pano imyamba ingasunkana nu twamba tungatenta, lelo icitemwiko cino nakukwatila citalatala cifume kunuli. Nanti sile upangano walongo uno napangana nawe utalatala utelengane foo.” Yayo ali mazwi yano ne Yawe nkukutezela.

Ezaya 65:17

Nupya Yawe avwanga ati, “Mwalola, nemo namaumba iyulu lipya ni nsi ipya. Ivyampiti vyonsi vilililika, yatalaviusya nupya.

Ezaya 66:22

“Pano vino iyulu lipya ni nsi ipya vilayelelela ku maka yane, ali vino umutundu winu kumwi ni zina linu vilayelelela pee.

Ezekelo 21:27

Kalanda kasikolo we ononyi we! We ononyi we! Ee, umusumba nkambucite itongwa. Lyene awe kacitale ciye sile, mpaka ace asuke aize wino nasolola ukuti akize akafulule umusumba uu.

Hagai 2:21

“Umunene Zelubabeli umulasi waku Yuda ukuti indi nu kutensya iyulu kumwi ni nsi yonsi iya pansi.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Loma 8:19

Pano uumbo onsi ukalolela kasita kano Leza alasokolola ana yakwe.

Loma 8:21

upaalilo wakuti wanda umwi uumbo ulakululwa ku uzya wa kuola, kuti ukakume ku untungwa wa lulumbi lwa ana yakwe Leza.

1 Kolinto 7:31

na yao akaculuzya vintu, yalinzile kwikala kwati yatiikako myenzo yao. Pano insi ii, ndi vino ndakai ili, italikalilila.

Ayebulai 1:10

Nupya ati, “We Mwene, ku utandiko wewe waumvile insi, nupya wewe wapanzile mayulu ku makasa yako.”

Ayebulai 13:14

Pano kusi musumba ukulu pano pansi uwakuti twikalililemo. Swemo tukulonda musumba ukulu uno uliza.

Ayebulai 9:11

Lelo Klistu wiza wakwe Simapepo Mukulu wa vintu visuma vino vili pano. Itaalu muno wene akutumikila ilikulu nupya ilifumaluke cuze. Lyene litapanzilwe nu muntu. Kuli kuti lyene lisi lya pano nsi.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 21:1

Nupya ndola iyulu lipya ni nsi ipya. Iyulu lyankolelo ni nsi yankolelo vyati vipita, na yemba nawe atakuloleka.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”

Umbwilo 21:5

Lyene wino atenzi pa cilimba ca wene avwanga ati, “Ndakai vintu vyonsi nkuvicita ivipya!” Alino anena ati, “Lemba vii, pano mazwi yaa acumi nupya yalinzile kutailwa.”