Ayebulai 12:25 - Amazwi Yakwe Leza 2013

²⁵ Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 12:25 ပူးပေါင်းရင်းမြစ်များ

1 Yamwene 12:16

Lino antu yalola ukuti umwene Leoboamu wakana ukuti ayuvwe, nayo ali pakupunda yati, “Davidi na ang'anda yakwe kayaliyali. Uzye icani fwandi cino yatucitila? Mwe ina Izlaeli mwe sikatukini twapita kumwitu! Ata see! Mutini Leoboamu alali! Lyene we mwana wakwe Yese, nawe uilolele wemwisikulu pa akazi kako.” Acino aina Izlaeli iyakatuka nu kupita ku mang'anda yao.

2 Milandu 7:19

“Lelo ndi cakuti wewe na antu yako mwakana ukulondela amasunde yano namupeela, nu kuya ku kutumikila nu kupepa tuleza tuze,

Kufuma 16:29

Mwiusye ukuti Nene, ne Yawe, namupeela uwanda wi Sabata. Cili cino pa wanda uwalenga mutanda nkamupeela ivyakulya vivule vya manda yaili. Muntu wensi alinzile aikala kunoli pa wanda uwalenga cinimbali. Atafuma pa ng'anda yakwe.”

Kufuma 20:22

Lyene Yawe apeela ilamulo kuli Mose kuti akanene aina Izlaeli ati, “Ndakai mwatimuvwa vino Ne Yawe natimvwanga kunomuli ukufuma mwi yulu.

Mapinda 1:24

Apakuzana ukuti namwamile namwe mwakana ukuyela, namusinizyanga namwe mwansuuzile,

Mapinda 1:32

Pano ukupumboka kwa mbulwamano kukayaletela imfwa, nga nu kuzenzemba kwa viwelewele kukayatwala sile ukwilovyo.

Mapinda 13:18

Upina wene waya ukuzewana kuli yayo akatalamila malango, lelo umuntu wino akafuukila amasunde akacindamikwa.

Mapinda 15:32

Wiyo akasuula amasunde, ala waisuula umweneco. Lelo umuntu akauvwa kuli yano yakumukalipila, akaloonka amalango.

Mapinda 8:33

Mwatezya ku mazwi yane autunguluzi, kuti muye na mano. Mutasuula amazwi yane foo.

Ezaya 48:6

“Vyonsi vii wavyuvwa, acino uvilole ningo. Uzye lyene wemo utacili usininkizye? Ukutandika sile ndakai mpaka nu ku nkolelo namakunenanga ivintu ivipya, ivintu ivifisame vino utamanyile.

Ezaya 64:9

Ali cino fwandi, utaasoka vivyo nanti kwelenganyapo sana apa uyi witu. Swemo sweswe antu yako, wemo watuyelelako sile uluse.

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Ezekelo 5:6

Lelo Yelusalemu wii, wene wakana ukulondela amasunde yane, waipisya ukuluta imitundu yuze, watalama ukuluta ni mpanga zyuze zino zyamuzinguluka. Yelusalemu wakana ukusunga vipope vyane na masunde yane.

Zakaliya 7:11

“Lelo antu nayo ku mufulo sile yakana ukuuvwa, yene ku kutalama kwao sile, yakana ukwika amano kuli vii vyonsi.

Mpendwa 32:15

Ndi mwala mwatalamila Yawe, nupya kwene wene alatazyela antu ya yonsi mu lwanga, nga mwemwe mulalenga kuti yalowe”.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mateo 8:4

Yesu amunena ati, “Utanena umuntu nanti umwi pali cii. Lelo yanga kuli simapepo kuti akakulole, upele impolelwa ino Mose wamunenyile, pakuti yonsi yasininkizye vino watupoziwa.”

Milimo 7:35

“Mose ali wino aina Izlaeli yakanyile lino yavwanzile yati, ‘Uzye aweni uwakucita kuya intunguluzi na kapingula panotuli?’ Wene ali wino Leza watumile ku kutungulula antu nu kuyakulula kufuma mu uzya nu wamwazwanga u mungeli wino uwalolike kunoli mu cimpuza icapyanga.

Malango 18:19

Ndi umwi ataluvwa nu kuyela amazwi yano kasema wiyo alavwanga umwi zina lyane, nene kwene nemwisikulu ndavunuka umuntu wiyo.

Malango 30:17

Lelo kwene ndi cakuti imyenzo inu yumalala mwakana nu kuyela, nupya ndi cakuti mwakoopelwa ku kupepa tuleza tuze,

Malango 4:36

Wene walesile kuti muvwe izwi lyakwe ukufuma ukwiyulu pakuti angamusunda. Alino pano nsi napo walesile kuti mulole umoto wakwe uwamuzilo, imuvwa nakuno akumuvwanzya mwenemo.

1 Tesalonika 5:15

Mwasakamala ukuntacitilana cilanduzi. Lelo nsita zyonsi mulinzile kukwata simwililo lya kucita cisuma kuli cila wenga nga nu ku antu onsi.

2 Timoti 4:4

Yene yalafumako ku kuuvwa cumi nu kusumba mano ku tulai.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

Ayebulai 11:7

Utailo uwalenzile kuti Nowa auvwe kusokwa kwakwe Leza pa vintu vino vyali nu kwiza, vino atatazile alola. Wene wayelile Leza nu kupanga cange muno aliwe na amu ng'anda yakwe yatuuzilwe. Cii calenzile kuti antu amu nsi yavunukwe, nga Nowa nawe apokelele uwila wa wololoke uno ukapelwa kuli yao ataila.

Ayebulai 12:19

kulila kwa ntandala nu kuvwika kwi zwi. Pacisila cakuuvwa izwi, antu yapapata kuti yatuvwa izwi nalyuze,

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.

Ayebulai 3:17

Uzye aweni yano Leza wasokile pa myaka makumi yani? Ayaya kwene aifizye, yano afwilile mu lwanga.

Ayebulai 8:5

mulimo uno yasimapepo yakaomba wene ukukolanya nupya ulangililo wa vintu vya mwiyulu. Cili ndi vino cali mu manda yakwe Mose. Lino wene wali pipi nu kukuula Itaalu lya upangano, Leza wamunenyile ati, “Sininkizya ukuti umapanga vyonsi kulingana nu musango uno nakulanzile pa mwamba.”

Yoswa 22:15

Lino yiiza ku Gileadi kuli Lubeni, na Gadi nu ku mutundu pakasi wakwe Manase, iyayanena yati,

Yoswa 22:16

“Iuvi lyonsi lyakwe Yawe likuilizyanya iliti, ‘Uzye pacani cino mwacitila ulukota luu, pa kutalamila Yawe Leza wa ina lzlaeli? Uzye ndakai mukasi mute ukulondela Yawe, pa kuikuulila kavuwa kuti mumukane apaswe?

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Umbwilo 22:9

Lelo wene wanenyile ati, “Utacita cico! Nene muomvi muzo nupya mwina wako mu utailo wakwe yakasema nga na onsi yano akayela mazwi amu lupapulo luu. Uwapepa Leza!”