Ayebulai 12:24 - Amazwi Yakwe Leza 2013

²⁴ Mwati mwiza kuli Yesu wakukundanya antu na Leza mu upangano upya nga nu ku wazi wakwe wapongolwilwe nu kukanyiwa muno mwaya vintu visuma cuze vyalavilwe kuluta, ivyamu wazi wakwe Abeli.

Ayebulai 12:24 ပူးပေါင်းရင်းမြစ်များ

Utandiko 4:10

Alino Yawe amuuzya ati, “Uzye pacani cino wacita icintu cii ciipisye? Uwazi wa munyonko ukulila kunondi ukufuma mu musili, wi zwi ilikulilila cilanduzi.

Kufuma 24:8

Lyene Mose atoola uwazi uwamu ngeso nga akanyila antu, alino avwanga ati, “Uwazi kwene uu, cili cisininkizyo ca upangano uno Yawe wapangana namwe pa kumupeela malamulo yaa.”

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Aina Levi 1:5

Alino umuntu wiyo afyule cipambasi pa manso yakwe Yawe. Lyene yasimapepo ana yakwe Aaloni aonsi yatole uwazi wa ng'ombe iyo yaukanyizye ukuzingulusya kavuwa kano kali ulunga nu mulyango wi Taalu lya Ukongano.

Mateo 23:35

Pamulandu kwene uu, Leza alamuvunuka pa kukomwa kwa antu yonsi yano ali akaele, kutandikila pa kukomwa kwakwe Abeli uwakaele, kufika na pa kukomwa kwakwe Zakaliya mwana Belekiya, wino mwakomile mu Ng'anda ikulu yakwe Leza pakasi ka cifulo camuzilo na kavuwa.

Mateo 26:28

Uu uwazi wane, uno Leza watama insimbi pa upangano, uno wapongololwa pamulandu wa antu aingi, kuti maifyo yao yelelwe.

Mako 14:24

Yesu avwanga ati, “Uu uwazi wane, uno Leza watamapo insimbi pa upangano, uno wapongololwa pamulandu wa antu aingi.

Luka 11:51

Kutandikila pa kukomwa kwakwe Abeli kufika na pa kukomwa kwakwe Zakaliya, wino wakomilwe mu Ng'anda ikulu yakwe Leza pakasi ka kavuwa ni cifulo camuzilo. Endi, namunena, vino mukulo uu ulapelwa cilanduzi.

Luka 22:20

Mu musango uli onga kwene, lino yamala ukulya ayapeela lwako, avwanga ati, “Lwako luu ulwa upangano upya uno Leza watamapo insimbi nu wazi wane, uno wapongololwa pamulandu winu.”

Galatiya 3:20

Kwaya sile Leza wenga, nga Masunde nayo yatapilwe kwaula umuntu wakukundanya.

1 Timoti 2:5

Pano kwaya Leza wenga sile, nga kwaya nu wakukundanya wenga sile pakasi kakwe Leza na antu. Muntu wiyo a Klistu Yesu.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 11:28

Utailo uwalenzile kuti Mose acite Ucilo nu kupeela ilamulo ku antu lyakukanya uwazi pa mema kuti mungeli wino wali nu kukoma mayeli atakoma mayeli ya ina Izlaeli.

Ayebulai 11:4

Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Ayebulai 7:22

Lyene kulapa kuu kukalenga kuti Yesu aye cisininkizyo ca upangano usuma ukuluta.

Ayebulai 8:13

Lino Leza akulanda pa upangano upya, wene akusenula ukuti upangano wankolelo wakota. Pano cino icakota ala cacucuka nupya cili nu kusila zuwa.

Ayebulai 8:6

Lelo Yesu wapelwa mulimo wa usimapepo uwaluta pa mulimo wakwe yasimapepo yalya a mpiti, pano ali muntu wakukundanya antu na Leza mu upangano upya uwazipa kuluta uwa mpiti, pano upangano upya mwaya malayo asuma kuluta.

Ayebulai 8:8

Lelo Leza wazana mulandu mu antu yakwe, lino wavwanga wati, “Manda yakwiza lino nemo ndapanga upangano upya na amu luko lwakwe Izlaeli nga na amu luko lwakwe Yuda.

Ayebulai 9:15

Pamulandu kwene uu, Klistu ali muntu wakukundanya antu na Leza mu upangano upya pakuti yao yano Leza waama yangapokelela upolelelo wape uno Leza walavile. Cii cingacitwa pamulandu wakuti Klistu wafwile, ni mfwa yakwe ikakulula antu ku maifyo yano yacisile lino upangano wankolelo waombanga.

Ayebulai 9:19

Nkolelo Mose wanenyile antu masunde yonsi ndi vino Leza wamupile. Lyene atoola wazi wakwe yacipambasi ya ng'ombe nu wa mbuzi, atikanya na manzi, nga ausansa pa lupapulo lwa Masunde, na pa antu onsi, ala akuomvya kamuti kakwe isopu na mavumbu ya mfwele ayenzu.

Ayebulai 9:21

Mu musango uli onga Mose asansa wazi pi Taalu lya Upangano nga na pa vintu vyonsi vino vyaomviwanga mu upefi.

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.