Ayebulai 12:23 - Amazwi Yakwe Leza 2013

²³ Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Ayebulai 12:23 ပူးပေါင်းရင်းမြစ်များ

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

Masamu 111:1

Namataizyanga Yawe nu mwenzo wane onsi, mwi uvi lya ukongano wa antu yakwe.

Masamu 69:28

Uleke na mazina yao yafutwe umu lupapulo lwa umi, yatakezye ukuzanwa mumu umwalembwa amazina ya antu yako.

Masamu 89:27

Wene ali yeli lyane, umukulu pali yamwene yonsi apano nsi.

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Masamu 94:2

We mupinguzi wa antu yonsi, katuka upezye avilumba, ukulingana ni vicitwa vyao!

Masamu 96:13

apa manso yakwe Yawe, pano wene wataiza uku kupingwila insi yonsi. Wene alapingula insi yonsi umu ololoke, nga na antu amitundu yonsi mu cisinka.

Masamu 98:9

apa manso yakwe Yawe, pano wataiza uku kulolwesya insi. Alapingwila insi pano yapelela umu kulungika, nga ni mitundu yonsi nayo umu ulungi wakwe.

Kufuma 13:2

“Mwampaatwila ana yonsi mayeli aonsi. Mu ina Izlaeli umwana wensi umonsi wi yeli, umwana wa muntu nanti umwana wensi wa nyama uwakwane.”

Kufuma 32:32

Lelo ndakai napapata uyelele iifyo lyao. Napapata ndi wakana ukuyelela, lyene ufute izina lyane mu lupapulo luno walembamo mazina ya antu yako.”

Kufuma 4:22

Lyene ulinzile ukuyanena Falao ukuti Nene, ne Yawe navwanga nati, ‘Izlaeli umwana wane umonsi iyeli.

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Luka 10:20

Lelo mutazanga pano mipasi yankota ikumuyela. Muzange pano mazina inu yalembwa mu lupapulo lwa kwiyulu.”

Yoane 5:27

Isi wamupeela insambu yakupingula milandu pano wene Mwana wa Muntu.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.

1 Kolinto 15:49

Wakwe vino twakolana na Adamu, wino uwaumvilwe kufuma kwi vu, vivyo kwene tulakolana na Klistu, wino uwafumile kwiyulu.

1 Kolinto 15:54

Lino mili itu ino ikaola ilasenulwa iye itangaola, na lino mili itu ino ikafwa ilasenulwa iye itangafwa, alino lyene malembelo yalafikiliziwa yano yakati, “Imfwa yati cimviwa!”

2 Kolinto 5:8

Tulinzile kuya akomeleke, pamulandu wakuti catuzipila kusya mili ii kuti tuye mu wikalo wa Mwene.

Efeso 1:22

Leza wika vintu vyonsi pisika lya maka yakwe Klistu, nga pamulandu wa kuzipilwa kwi uvi, wene wamucita kuya Mwene pali vyonsi.

Malango 21:17

Wene alinzile kwankanya lili ku mwana wakwe wilya iyeli, nanti angala wene asi umwana wa muci wino watemwisya. Umuntu alinzile kuzumila umwana umonsi iyeli lyakwe nu kumupeela icipande cino wene alinzile kupelwa.

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Kolose 1:12

taizyini Leza Tata, wino uwamucita kuya alinge kukumako ku wankanyo wa upolelelo uno Leza wasungila antu yakwe mu nsi ya luswepo.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

1 Timoti 3:5

Ndi cakuti wene atamanyile vya kusunga amu ng'anda yakwe ningo, uzye lyene angasunga uli iuvi lyakwe Leza?

Ayebulai 11:4

Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

Ayebulai 11:40

pano Leza mukuteyanya kwakwe watukwatila visuma kuluta. Ipange lyakwe lyali lyakuti yene yatangaya afumaluke suka twaya nao.

Ayebulai 2:12

Wene wavwanga wati, “We Leza, nemo ndanena aina yane ivya pali wewe. Ndakulumbanya mu ukongano wao.”

Ayebulai 9:27

Muntu wensi alinzile ukufwa lyonga nga pacisila apingulwe na Leza.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

1 Petulo 2:23

Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 6:11

Alino cila wenga wapilwe mwingila utiswe, nupya yayanena kuti yapuze pa nsita inono nayuze, suka mpendwa ya aomvi na ina yao mu utailo ilingane, yao alakomwa wakwe aliyo.

Umbwilo 6:9

Lyene Mwana wa mfwele alematula cimanyililo calenga visano. Alino pisika lya kavuwa ndola mipasi yakwe yao akomilwe pamulandu wakuti yene yakosozile mazwi yakwe Leza na pamulandu wa umboni uno yapile. Yene yapunda ni zwi likulu yati,