Ayebulai 11:38 - Amazwi Yakwe Leza 2013

³⁸ Mpalume zi, kunoyali insi itayalingine kwikalamo! Yene yapitananga wa mbutusi mu lwanga nu mu myamba, ala yakufisama mu macele nu mu mimba.

Ayebulai 11:38 ပူးပေါင်းရင်းမြစ်များ

1 Yamwene 17:3

“Fuma kuko, yanga ku ufumondaka akuno uye ukafisame ku luzi lwa Keliti, ku ufumondaka wa Yodani.

1 Yamwene 18:13

Uzye watala uvwa ukuti lino Yezebele wakomanga yakasema yakwe Yawe nemo nafisile yakasema yamwi umwanda onga mu macele? Umwi cele lyonga mwali yakasema amakumi yasano, nu mulyuze namo amakumi yasano. Nupya anene nayatwalilanga ivyakulya na manzi.

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

1 Yamwene 19:9

Lino wafika ku Mwamba wa Sinai, Eliya alala kuku kwene mwi cele. Alino Yawe alanda kunoli ati, “Uzye icani cino ukulonda kuno, we Eliya?”

Ezaya 57:1

Umuntu mololoke akafwa, lelo kusiya nanti wenga uwakuti ailuke nanti ukusakamala foo. Antu yololoke lino yasendwa, ala yakululwa uku ui, apakuti iyaya yikala umu longo.

Yelemiya 41:9

Icifula muno Isumeli wasumbile ivyala vya antu yonsi yano wene pamwi na Gedaliya yakomile, icifula cimwi icikulu, cino Asa umwene wimvile apakuitasya kuli Baasya umwene wa ina Izlaeli. Ali cino Isumeli umwana wakwe Netaniya wazuzya mwenemo ivyala.

Yakapingula 6:2

Aina Midyani yali amaka ukuluta aina Izlaeli, nga na ina Izlaeli iyafisama ukufuma ku manso yao mu macele nu mu ncende zyuze mu twamba.

1 Samueli 22:1

Davidi afuma ku Gati nga apuukila kwi cele lyaku Adulamu. Lino aina yonsi pamwi na ang'anda yakwe yuvwa pali cii, iyatentemukila kunoli kuku kwene.

1 Samueli 23:15

Lino Davidi wali ku Holesyi umu lwanga lwa Zifu, amanya ukuti Saulo wataiza ku kumukoma.

1 Samueli 23:19

Antu yamwi afumile ku Zifu iyaya kuli Saulo ku Gibeya nga iyamunena iyati, “Davidi afisime umu mpanga itu ku Holesyi apa mwamba wa Hakila, lwaku kaeya ka lwanga lwa Yudeya.

1 Samueli 23:23

Londelezini incende zyonsi zino akafisama mwenemo nga muweluluke kunondi mwize munene. Lyene ndapita kweneko pamwi namwe, nga ndi cakuti acili mu ncende iyo, indamuzana, nanti angala indalondalonda umu mwiko wakwe Yuda onsi.”

1 Samueli 26:1

Aina Zifu yaile kuli Saulo ku Gibeya nga yamunena iyati, “Ala mwine Davidi wafisama umu Mwamba wa Hakila, uwaya lwaku mpela ya Yesyimoni.”