Ayebulai 11:36 - Amazwi Yakwe Leza 2013

³⁶ Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.

Ayebulai 11:36 ပူးပေါင်းရင်းမြစ်များ

Utandiko 39:20

Alema Yosefu amwika mu ng'anda yaminyololo kuno umwene wasungilanga anyepwe akuno Yosefu aikala.

1 Yamwene 22:24

Lyene Zedekiya umwana umonsi wakwe Kenaana, apalama pipi nga apama Mikaya ulupi api tama ati nu kuti, “Uzye Mupasi wakwe Yawe afumile nsita cii muli nene pakuti aize alanda muli wewe?”

1 Yamwene 22:27

Uyanene yamusunge mu ng'anda yaminyololo, nga mulinzile mwamupeela cakulya cinono na manzi yanono suka sile ince imbwele umutende.”

2 Yamwene 2:23

Lino wafuma kuku Elisya aya ku Betele. Nga lino akupita mu museo, alumendo yamwi yafuma mu musumba uo nga yamusoweka yati, “Fuma pano, cilipala we! Fuma pano, cilipala we!”

2 Milandu 16:10

Cii calenzile kuti umwene Asa asokele kasema cakuti amwika umu ng'anda yaminyololo. Kufuma lilyo kwene umwene Asa atandika kuteeka antu uluku uluku.

2 Milandu 18:26

Muyanene yamunyepe umu ng'anda yaminyololo. Uwamupeela sile amanzi ni cakulya suka ince mbwele umutende.”

2 Milandu 30:10

Intumi ali vino zyasalanganile umu misumba ni mizi yonsi ukutandikila umu mpanga yakwe Efulemu na yakwe Manase, mpaka ukufika nu ku mutundu wakwe Zebuluni. Lelo antu kuku yayasoweka nu kuyatumfya.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Yelemiya 20:2

wene apeela ilamulo kuti yangume nu kunyepa mu minyololo apipi ni Mpongolo yakwe Benjamini ino yayela lwa papela ya Ng'anda ikulu yakwe Leza.

Yelemiya 20:7

Iye mwe we Yawe! Avino wandyongwisye nani ala nkuzumila. Wemo wanduta amaka, nu kunyata wanyata. Cila muntu akunseka. Yonsi kwene yakunsoweka uwaca nu wila.

Yelemiya 29:26

“Yawe wakusolwile wewe ukuya simapepo apa cifulo cakwe Yeoyada apakuti waangalila ing'anda yakwe Yawe, nu kuti unganyepa cipena wensi mu minyololo wiyo uwaituntumba ukuya wakwe kasema.

Yelemiya 32:8

Awe na cendi ndi muno Yawe wavwangile umwinane Hanameli wizile kunodi mu musolo wakwe yakalinda, wiza wanena kuti inkale icalo cakwe caku Anatoti, pano nene nkweti sile insambu ya kucikala nu kucikombola. Nani ali pakwiluka ukuti uli mulandu ulya uno Yawe wankonkomizye.

Yelemiya 36:6

Fwandi nkulonda ukuti wewe ukanjiile kweneko apa wanda ulya lino antu yalata ukulya. Uce ukalemasye apa kuwelenga amazwi yaa, pakuti yace yuvwe vyonsi vino Yawe wayanenyile ndi muno nkunenile ukulemba. Uce ukasolole pamwi apatumpuke apakuti yonsi yace yakuuvwa, kumwi na Ayuda yonsi yano yalafuma mu misumba yao ya mumbali mbali.

Yelemiya 38:28

Na Yelemiya wikalanga mu musolo wakwe yakalinda mpaka nu wanda uno yaposile Yelusalemu.

Yelemiya 39:15

Lino Yelemiya acili akusungwa mu musolo wakwe yakalinda, Yawe wavwanzile kunoli ati,

Danieli 11:33

“Intunguluzi zya antu zyamano zilapandana amano na antu yauze avule. Lelo pa kasita kanono yamwi muli alio yalakomwa umu nkondo nanti ukuyoca mpaka yafwe, nga na yamwi yalayiila ivintu nu kuyasumbila mu ng'anda ya minyololo.

Mateo 20:19

Alakoopelwa ku Akulukuwa yano alamusaalula, yalamuma ivikoti nga nu kumutana pa lupanda. Lelo pa wanda wakulenga yatatu alazyukuka aye umumi.”

Mateo 21:35

Alimi yalema aomvi yakwe, yuma wenga, yakoma muze, nga wakwe citatu wene yamutama na mawe.

Mateo 23:34

Caleka, ndatuma yakasema, na antu yamano na yakasambilizya. Mulakoma nu kutana pa lupanda yamwi munoyali. Yauze nao mulayanyambola nu kuyuma mu mang'anda ya mapepo nu kuyazinganya kufuma mu muzi onga nu uze kwene.

Mateo 27:26

Lyene ayasapwila Balaba, lelo apingula kuti yume Yesu vikoti, nga ayapeela kuti yamutane pa lupanda.

Mako 10:34

Yalamusaalula, yalamuswila mati, yalamuma ivikoti, nu kumukoma, lelo pa wanda wakulenga yatatu alazyukuka aye umumi.”

Luka 18:32

Wene alakoopelwa ku Akulukuwa, nao yalamusaalula, yalamutuka, nu kumuswila mati.

Luka 23:11

Lyene Helodi na asilika yakwe yatumfya Yesu nu kumusaalula. Alino lyene yamuzwika umwingila uyembe cuze, yamuswilizya kuli Pilato.

Luka 23:36

Na asilika kwene iiza kunoli, yamusaalula, yamuletela waini musasalume, yati,

Milimo 21:33

Lyene musika mukalamba aya kuli Paulo, amulema, nga apeela ilamulo kuti yamunyepe mu minyololo iili. Lyene auzya ati, “Uzye umuntu wii, aweni, nupya icani cino watacita?”

Milimo 24:27

Pacisila ca myaka iili, Polokia Fesito atoola cifulo ca ulasi wakwe Felikisi. Lelo pano Felikisi walondanga kutasiwa na Ayuda, asya Paulo mu ng'anda yaminyololo.

Milimo 4:3

Caleka yayalema yayayalila mu ng'anda yaminyololo kufika katondo, pano cali amanguzi lino ilanzi lyatemba.

Milimo 5:18

Lyene yalema atumwa yayayalila mu ng'anda yaminyololo.

Milimo 5:40

Lyene yaama atumwa kwingila nga, yayuma vikoti, yayapeela ni lamulo kuti yatakezye nupya kuvwanga mwi zina lyakwe Yesu. Alino yaleka yapita.

Milimo 8:3

Lelo Saulo aezya ukonona iuvi. Wayanga ing'anda ni ng'anda, ala akulema yano ataila, aonsi na anaci, akuyaleta kuti yayayalile mu ng'anda yaminyololo.

Efeso 3:1

Caleka ne Paulo, munyepwe pamulandu wa kutumikila Klistu Yesu nkumupepela kuli Leza mwe Akulukuwa.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

2 Timoti 1:16

Mwene aye na mizu ku amu ng'anda yakwe Onesifolasi, pano wene wansansamusyanga maila aingi. Wene atali ni nsonyi pamulandu wakuti nemo nali mu ng'anda yaminyololo.

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.

Ayebulai 10:34

Mwemo mwakumileko ku kucula pamwi na anyepwe. Nalino yamuposile vyuma vinu vyonsi, mwemo mwacipokelile ni nsansa, pano mwamanyile ukuti mucikweti cuma cisuma cuze cino cikaikalilila manda pe.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Yakapingula 16:25

Lino yazanga mu myenzo yao, iyapunda yati, “Kaletini Samusoni aize atusansamusye.” Acino iyama Samusoni ukufuma mu ng'anda yaminyololo, nga nawe acita iviila pa manso yao. Nga lino yamwimika pakasi ka ncesi ziili,