Ayebulai 11:32 - Amazwi Yakwe Leza 2013

³² Uzye vyuze vino ningalanda vyani? Nati nulilwa insita yakulanda pali Gidyoni, Balaki, Samusoni, Yefita, Davidi, Samueli na yakasema.

Ayebulai 11:32 ပူးပေါင်းရင်းမြစ်များ

Masamu 99:6

Mose na Aaloni yali a yasimapepo yakwe Leza. Samueli nawe wali umuntu uwamupepanga. Ali yano yalaizyanga kuli Yawe nga nawe wayasukanga.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Luka 13:28

Lyene kulaya kulila nu kulumanya incecete lino mulalola Abulaamu, Isaki, na Yakobo, na yakasema yonsi mu Wene wakwe Leza, lino mwemo mulasumbwa kunzi!

Luka 16:31

Lelo Abulaamu amunena ati, ‘Ndi yataluvwa ivyaya mu mpapulo zyakwe Mose na yakasema, nanti umwi angazyukuka kufuma ku afwe yatangasininkizya.’”

Yoane 21:25

Kuli vintu navyuze vino Yesu wacisile. Ndi vyonsi vyalemvilwe, nkwelenganya vino pano nsi ponsi patangaya incende ya kwikamo mpapulo zino zingalembwa.

Milimo 10:43

Wii ali wino yakasema yonsi yacitile umboni pa kuvwanga vino Leza alelela maifyo ya muntu ali wensi uwataila mwi zina lyakwe.”

Milimo 13:20

Casenzile namanye imyaka myanda ini na makumi yasano lino vii vyonsi vyacitike. Pacisila, ayapeela yakapingula ya milandu, kufika na pa nsita yakwe kasema Samueli.

Milimo 3:24

Endi na yakasema onsi, kutandika pali Samueli na yonsi alondelile yasemile ivikucitika manda yaa.

Loma 3:5

Ndi twacita viipe ala cikulanga ukuti Leza wene mololoke, uzye lyene tungati uli? Uzye tungati Leza asyalungika lilyo lino akatuvunuka? Nkulanda ndi vino antu yakalanda

Loma 4:1

Uzye lyene tumati uli pali Abulaamu cikolwe citu? Uzye wazanyile cani pa lwakwe?

Loma 6:1

Uzye lyene tumati uli? Uzye tumaifyanga pakuti cikuku cakwe Leza civulileko?

Loma 7:7

Uzye lyene tumati kulondela Masunde yakwe Mose kuli kwifya? Awe, citangaya! Lelo kwene Masunde alenzile kuti imanye vino maifyo yaya. Pano Masunde yatakana kunena yati, “Utakumbwa ca muzo,” nga ntamanya na vino ulunkumbwa lwaya.

Yakobo 5:10

Inane, iusyini yakasema yano avwanzile mazwi lino Umwene wayatumile. Lekini kuteeka kwa myenzo kuno yakweti na macuzi yao viye cilangililo kunomuli.

2 Petulo 1:21

Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.

2 Petulo 3:2

Nkulonda kuti mwiusye mazwi yano yakasema amuzilo yavwanzile ku mpiti, nga ni sunde kufuma ku Mwene nupya Katuula witu, lino atumwa yamupile.

Yakapingula 13:24

Umwanaci wilya pali pakwiza vyala umwana umonsi nga amutemela izina ati a Samusoni. Umulumendo wilya akula nga Yawe amupolelela,

Yakapingula 15:20

Samusoni watungulwile aina Izlaeli pa myaka amakumi yaili mu manda ya ina Filisti.

Yakapingula 4:1

Pacisila ca kufwa kwakwe Eudi, aina Izlaeli nupya kwene yiifya kuli Yawe.

Yakapingula 6:1

Nupya kwene aina Izlaeli yiifya kuli Yawe. Caleka Yawe aleka aina Midyani iyayateeka pa myaka cinimbali.

Yakapingula 6:11

Lyene umungeli wakwe Yawe aiza ku muzi wa Ofula nga aikala mwisika lya muoko, umuti wakwe Yoasyi, uwamu luko lwakwe Abiezeli. Gidyoni umwana wakwe ala akupuula ingano mu umfisolo umwakufenela amatingi, pakuti aina Midyani yatamulola.

Yakapingula 6:14

Lyene Yawe amupeela ilamulo ati, “Katuka, pitanga na maka yako yonsi nga ukakulule aina Izlaeli ku ina Midyani. Nene nakutuma nemwisikulu.”

1 Samueli 1:20

Acino mukupita kwa nsita Hana asuka asenda indilwa nga aca avyala umwana umonsi. Alino atemela umwana wilya izina ati a Samueli, ala akuti, “Pamulandu wakuti namulenzile sile kuli Yawe.”

1 Samueli 12:11

Alino Yawe atuma Yelubaali, na Balaki, na Yefuta, na Samueli, nga amutuula ku makasa ya anisi inu, nga namwe imwikala mu mutende.

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

1 Samueli 16:13

Samueli atoola umusazi wa mafuta amupaka pa manso ya ina yakwe yonsi. Ukutandika pa wanda kwene uwo Mupasi wakwe Yawe wikila pali Davidi nga utamusile. Lyene Samueli akatuka aswilila ku Lama.

1 Samueli 17:45

Davidi nawe anena umwina Filisti ati, “Wemo wanjizila nu lupanga ni sumo, lelo nemo nakwizila sile na maka yakwe Yawe Wamaka yonsi, Leza wa vita vya ina Izlaeli, wino wemo ukasausya.

1 Samueli 2:11

Lyene Elikana aswilila ku Lama, lelo umwana wilya asyala akutumikila Yawe ala akwangalilwa na simapepo Eli.

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

1 Samueli 2:4

Amalapwa ya vita vikalawane yatiyakontoka yonsi pyu, lelo yaya yano yatali na maka ndakai yatiyakoma.