Ayebulai 11:26 - Amazwi Yakwe Leza 2013

²⁶ Wene welenginye ukuti kusulwa pamulandu wakwe Mesiya kwacindama kuluta vyuma vyonsi vyamu Eguputo, pano wene walolekesyanga pa cilambu cilapelwa mu manda akwiza.

Ayebulai 11:26 ပူးပေါင်းရင်းမြစ်များ

Masamu 37:16

Utunono tuno umuntu mololoke wakwata, twaluta apavyuma ivingi ivya mwipe.

Masamu 69:20

Intusi zyao, nemo zikundepola umwenzo, na kazwa nemo ntakwata. Nemo ntakwata. Nemo natailanga ukulola uwakundilila kweneko ulanda, awe cumi ntamuweni. Nanti uwakumyalalika umwenzo nawe kwene atalolike.

Masamu 69:7

Ala nemo, apali wewe, apano yansuulila, ni nsonyi zyandema.

Mapinda 11:18

Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

Mapinda 23:18

Cumi kwene insita iliiza, lino ivintu vino ukapaalila vilafikiliziwa.

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Mateo 10:41

Wino wensi alazengela kasema pamulandu wakuti akasema, alapeelwa cilambu cakwe kasema. Na wino wensi alazengela umuntu umololoke pano wene akacita ivyawololoke pa manso yakwe Leza, alapeelwa cilambu ca muntu umololoke.

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Mateo 6:1

“Mutacita milimo isuma kuti mwalolwa na antu. Pano ndi mumacita vivyo ale musi ni cilambu kuli So winu uwa mwiyulu.

Luka 14:14

Lyene ulapolelelwa, pano yasi na maka akuti yakakuwezezye. Leza alakuwezezya pa wanda uno alalenga antu aololoke yazyukuke kufuma ku afwe.”

Luka 14:33

Mu musango uli onga, namunena vino pasi umwi uwa munomuli angaya mulondezi wane, suka wasya vyonsi vino akweti.”

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

2 Kolinto 6:10

Yakati sweswe ya ulanda, lelo tukazanga lyonsi. Yakati sweswe apina, lelo tukalenga antu aingi kuya akama. Yakati tutakweti nanti cimwi, lelo tukweti vyonsi.

Efeso 1:18

Nkulenga kuti Leza akozya luswepo mu myenzo inu na kuti mumanyikisye upaalilo uno wamwamilako nga nu kumanya ukama wa lulumbi lwa kupyana vintu vino Leza walaya antu yakwe,

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Filipi 3:7

Lelo vintu vyonsi ningapenda kuya vyasilesile, pamulandu wakwe Klistu.

Ayebulai 10:33

Nsita zimwi antu yamutusile pa lwalala nu kumucuzya. Nsita zimwi mwali aiteyanye kuilundanya kuli yao acuziwanga mu musango ndi uu.

Ayebulai 10:35

Lekini kuposya kwinu kutanenuka, pano kulamuletela cilambu cikulu.

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Ayebulai 13:13

Lyene lekini tufumile kunoli kunzi ya nsakwe nu kukumako kukuzewana kwakwe.

Ayebulai 2:2

Ilandwe lino Leza wavwangile mu angeli lyali lya cumi, icakuti wiyo atalyuvwile nanti uwalisuzile, wavunwikwe ndi vino camulingine.

1 Petulo 1:11

Yalondelizye kuti yamanye nsita nga nu musango uno cii cilacitikilamo. Mupasi wakwe Klistu, uno wali munoyali, uwasowile macuzi yano Klistu wali nu kucula nga nu lulumbi ululalondelela.

1 Petulo 4:14

Alongo amwemwe ndi cakuti antu yamutuka pamulandu wakulondela Klistu. Cii cikulanga ukuti Mupasi wa lulumbi, Mupasi wakwe Leza ali namwe.

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.

Luti 2:12

Si Yawe angala akulambule sile pali vino wacita. Si Yawe, Leza wa ina Izlaeli angala akulambule, wino watuwiza ku kuzina munoli.”