Ayebulai 10:33 - Amazwi Yakwe Leza 2013

³³ Nsita zimwi antu yamutusile pa lwalala nu kumucuzya. Nsita zimwi mwali aiteyanye kuilundanya kuli yao acuziwanga mu musango ndi uu.

Ayebulai 10:33 ပူးပေါင်းရင်းမြစ်များ

Masamu 69:9

Pano umuzonda uno nakwata apa ng'anda yako umandya. Imisuula ino yakakusuula, yakailozya muli nene.

Masamu 71:7

Antu aingi yakazunguka kuli nene, lelo nemo awewe nkazina mwenemo, wewe wamaka umu cumi.

Masamu 74:22

Katuka we Leza, uipokolole we mweneco! Wiusye nu kuti iviwelewele vikakusausya umusanya onsi.

Masamu 79:12

We Mwene, ala apa misuula yonsi ino ainamasi yakusuula, wemo uyawezezye amaila cinimbali.

Masamu 89:51

We Yawe ala lola vino anisi yako yakunsoweka nene nemuno wasolola ukuya kateeka. Konsi sile kuno nati kampitile awe pasi pakunsuula.

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Naumi 3:6

Ndakwitila ivyawinyi, nu kukusausya, nga ndaleka antu yonsi yakulole nu kuzunguka,

Zakaliya 3:8

“ ‘Caleka uvwa kunondi, we Yoswa. Wemo wewe Simapepo Mukulu, alino namwe mwe yasimapepo yauze uvwini kunondi. Mwemo mwemwe cimanyililo icakumanyila ivilaya kweneko. Mu cumi indi nu kusokolola umuomvi wane akaamwa ukuti Musambo.

1 Kolinto 4:9

Pano kunondi caloleka ukuti Leza wapela cifulo cakusyalikizya kuli sweswe swe atumwa. Tuli wa antu avunukwa ku kukomwa pa swe, nupya tuli akutambwa ni viumbwa, asi antu yatupu, lelo na angeli kwene.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Filipi 4:14

Lelo mwacisile cisuma pa kungazwa lino nali mu nsita ya ntazi.

1 Tesalonika 2:14

Mwe ina itu, ivintu ivyamucitikile, ivili vimwi ni vyacitikile amu mauvi yakwe Leza mu Yudeya, azumila Klistu Yesu. Mwemo mwacuzile pamulandu wa kuzunyiwa na akazi kinu ndi vino Ayuda yayazunyizye.

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

Ayebulai 11:26

Wene welenginye ukuti kusulwa pamulandu wakwe Mesiya kwacindama kuluta vyuma vyonsi vyamu Eguputo, pano wene walolekesyanga pa cilambu cilapelwa mu manda akwiza.

Ayebulai 11:36

Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.

Ayebulai 12:4

Pano mukulwisya maifyo lelo mwemo mutacili mulwisye kufika ku musinku wa kukomwa.

Ayebulai 13:13

Lyene lekini tufumile kunoli kunzi ya nsakwe nu kukumako kukuzewana kwakwe.