Ayebulai 10:29 - Amazwi Yakwe Leza 2013

²⁹ Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Ayebulai 10:29 ပူးပေါင်းရင်းမြစ်များ

2 Yamwene 9:33

Yeu ali pakuyanena ati, “Fwantini umwanaci wiyo pansi.” Nayo ali pakumuzukuza pansi na mpa! Awe mukwai papo kwene nu wazi iusantokela uku lung'umba nu ku mfwalasi. Vyonsi ivikandana. Yeu ali pakupisya ni celeta apa cala cakwe.

Masamu 143:10

Unsambilizye ukucita ukulonda kwako, pano wewe uli Leza wane. Uye umusuma kunondi, untungulule umu nzila ilungamane.

Masamu 91:13

Ulalyatola yacisama na yamufi, ulalyatola yacisama akalipisye ni nondo kwene.

Kufuma 24:8

Lyene Mose atoola uwazi uwamu ngeso nga akanyila antu, alino avwanga ati, “Uwazi kwene uu, cili cisininkizyo ca upangano uno Yawe wapangana namwe pa kumupeela malamulo yaa.”

Ezaya 14:19

Lelo wemo yakusumbila ukunzi yi lindi, ungati wewe vikona vya muselu. Yatiyakukupilizya uku vyala vya vita, vino yakomile umu nkondo, nu kukusumbila mu ciwina ca mawe nu kucilyatola.

Ezaya 28:3

Ivingala vya maluwa ivyacilumba, ivikazwala intunguluzi zizya zicakolwa, vili nu kulyatolwa.

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Yelemiya 1:5

“Nakusolwile lino ntacili nkuumbe mu ndilwa yakwe mayo wako, Lino utali uvyalwe ala nakusonta mpiti, kuti uce uye kasema wa mitundu yonsi.”

Nyimbo zya ndosya 1:15

“Asilika itu yonsi aakama, Yawe wayasuuzile wakwe cimwi. Wene ali pakutuma ivita vyakwiza komola alumendo itu. Antu itu yonsi ampomvu wayavungola pyu wa matingi mu cifenelo cakwe.

Ezekelo 16:6

“Lelo nemo, napitile lwakuno yakusumbile. Nga nuvwa kuno ukupantoka, ukuivumvunya umu wazi wako. Nga nalino ucili uizi mumu kwene, niza nakuvwanzya nati, ‘Samalale, ungala uye nu umi ukakule uye wi sote lya mu mpanga.’

Danieli 8:13

Lyene nuvwile umungeli wenga akuuzya umuze ati, “Uzye ivintu vii ivyalolike mu cilolwa vimatwalilila ukufika lilaci? Uzye ukufika lilaci lino uyi wakofya ulatwalilila umu cifulo ca kupeela impolelwa zya cila wanda? Uzye amu mayulu kumwi ni Ng'anda ikulu yakwe Leza yalalyatolwa ukufika lilaci?”

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Mateo 26:28

Uu uwazi wane, uno Leza watama insimbi pa upangano, uno wapongololwa pamulandu wa antu aingi, kuti maifyo yao yelelwe.

Mateo 7:6

“Mutapela yasimbwa vintu vyamuzilo, pano yalaseleukila kunomuli yamulume. Mutapela yakapoli vintu vicindame wa mawe yamutengo, pano yene yalavilyatola.

Mako 7:2

Yalola kuti alondezi yakwe yamwi yalyanga ni minwe ya mifitalila.

Luka 12:10

“Wensi wino alavwanga izwi liipe pa Mwana wa Muntu Leza alamwelela, lelo wino wensi alavwanga mazwi ya misuli pali Mupasi Wamuzilo wene Leza atalamwelela.

Yoane 10:36

Nemo Tata wansolola nu kuntuma mu nsi. Uzye lyene mungati uli nkuvwanga mazwi ya misuli kuli Leza, pano inavwanga vino nene Mwana wakwe Leza?

Yoane 17:19

Pamulandu wao nemo naitula kunuli kuya uwakwako, kuti nao kwene yaitule kunuli yaye akwako mu cumi.

Milimo 7:51

Sitivini atwalilila kuyanena ati, “Mwe antu akoma myenzo mwe! Mutamanya Leza! Mwe yankoma matwi mwe. Mukoline ni vikolwe vinu kwene: namwe kwene mukukanya u Mupasi Wamuzilo lyonsi!

Loma 16:20

Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.

1 Kolinto 11:27

Acino ndu muntu ali wensi walya umukate wa Mwene nanti kumwa mu lwako lwakwe mu musango utalinzile uwakumuzewanya, ala wene wailetelela mulandu uwa kusaalula mwili nga nu wazi wa Mwene.

1 Kolinto 11:29

Pano ndi atangalooka vino cii cikusenula lino akulya umukate nga nu kumwa mu lwako, ale wene akuiletelela upinguzi panoli umwisikulu lino akulya nu kumwa.

1 Kolinto 15:25

Pano Klistu alinzile kuteeka kufika lino alacimvya anisi yakwe onsi.

1 Kolinto 15:27

Pano calembwa mu malembelo cati, “Watu wika vintu vyonsi pisika lya ngazo zyakwe.” Camanyika ningo ukuti mazwi yakuti “Vintu vyonsi” yatalemenkinyeko Leza umwisikulu uwalenzile kuti Klistu acimvye vintu vyonsi.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.

Efeso 5:26

Wene wacisile iuvi kuya ilyamuzilo kupitila mu kuliswefya na manzi nga na mazwi yakwe.

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Ayebulai 2:11

Wene akaswefya antu ku maifyo yao, nga aliwe pamwi na yao aswefiwa yonsi kwene Isi a wenga mpo. Uli mulandu uno Yesu asi ni nsonyi zya kuyama ukuti aina yakwe.

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Ayebulai 4:14

Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

Ayebulai 6:4

Pano uzye yao afutatila utailo wao yangaweziwa uli nu kuzenzuka? Yene yapisile mu luswepo lwakwe Leza, nupya yapokelile uwila kufuma kwiyulu nu kuyankanyako Mupasi Wamuzilo.

Ayebulai 6:6

Alino yene yafutatile utailo wao! Cili citale ukuyawezya ku kuzenzuka nupya pano yene yakutana Mwana wakwe Leza pa lupanda nupya nu kumuzewanya paswe.

Ayebulai 9:13

Wazi wa mbuzi na yacipambasi ya ng'ombe nga ni twi lya ndama vyonsi vikakanyiwa pa antu akowele kulingana ni mipepele ya Ciyuda. Mu musango uu amuno yakaswefiwa ku kukukowela kwa ku mwili.

Ayebulai 9:20

Avwanga ati, “Uu uwazi uno Leza watama insimbi ya upangano namwe uno wamunena kuti mwayela.”

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu