Ayebulai 10:27 - Amazwi Yakwe Leza 2013

²⁷ Icingasyala kweneko ukulolela nu koopa upinguzi uno ukwiza nga nu moto uwipisye uno ulonona antu, yano akana Leza.

Ayebulai 10:27 ပူးပေါင်းရင်းမြစ်များ

Masamu 21:9

Nga waca waloleka sile, alayonona wa cininkwa camoto. Yawe alayalovya uku ukali wakwe, nu moto nao ulayamalilila.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Ezekelo 36:5

Nemo ne Yawe ninkalipila wakwe cimwi antu ya mitundu iyaya umu mbali, maka maka Edomu awino nacizyapo. Antu pamulandu ni cilumba cao ni misula yao yapoka impanga yane, ni ncende zya kucemelamo iviteekwa zyasanguka izyao.

Ezekelo 38:19

Umu cipyu cane, mu uzuwa wane, nu mu ukali wane navwanga nati, “Nalapa ndi vino umu wanda ulya mulaya icimvulunganya wakwe cimwi umu mpanga ya Izlaeli.

Danieli 5:6

Alino wene afinya pa manso nupya intete zimulema wakwe cimwi cakuti atandika kuzakaza umu nteo.

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Yowelo 2:30

Ndacita ivinjelengwe umwiyulu nga ni vilangililo pano pansi, kulaya uwazi, umoto, ni cifutika ca cunsi.

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Mpendwa 16:35

Alino Yawe aponya umoto pa antu 250, yao apeelanga ubani, nga iuyoca mpaka iyasila.

Mateo 13:42

Lyene pacisila alayasumbila mwi lungu lya moto, muno yalalila nu kulumanya ncecete.

Mateo 13:50

nga yasumbe aipe mwi lungu lya moto, mumo muno yalalila nu kulumanya ncecete.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 3:10

Na ndakai kwene impasa iteyanyiziwe kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Mateo 8:29

Yakomanya Yesu, nga yapunda yati, “Yesu, we Mwana wakwe Leza, uzye ukulonda cani kunotuli? Uzye wati wiza kuno kuti utucuzye lino kasita katali kafike?”

Luka 16:24

Lyene alaizya ati, ‘Tata Abulaamu, uye na mizu panondi, untumile Lazalo atimpike insongo ya munwe wakwe mu manzi kuti aiize azusye ululimi lwane. Pano nkucula cuze mu moto uu.’

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”

Luka 21:26

Antu yalafwa mutombo pamulandu wa ntete lino yakulolela vintu vino vilaponela insi yonsi, pano maka amu lwelele yalatenta.

Luka 23:30

Lilyo alino antu yalanena imyamba yati, ‘Tuponelini,’ nga nu kunena twamba yati, ‘Tufisini.’

Yoane 5:29

Yano acitanga visuma yalazyukuka yaye nu umi. Na yano acitanga viipe yalazyukuka nu kuvunukwa.

Malango 32:43

“Mwe antu amu nko zyonsi, mulinzile mwalumbanya antu yakwe Yawe, pano wene alavunuka yonsi yao alayakoma. Wene akacita cilanduzi pa anisi yakwe. Nu kwelela amaifyo ya mpanga na ya antu yakwe.”

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 12:29

Tulinzile kucita cii, pano cumi kwene Leza umoto uno ukaonona.

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Ayebulai 9:27

Muntu wensi alinzile ukufwa lyonga nga pacisila apingulwe na Leza.

Yakobo 5:3

Zaabu pamwi na siluva winu kwene vyonsi vikweti ngalawa, nga ngalawa kwene zii zilaya a kambone wa kumusinila nu konona mili inu ndi vino moto ukaonona. Mwemo mwaitulikila cuma mu manda kwene yaa a mpelelekezyo.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

1 Samueli 2:25

Ndi umuntu umwi wifya ku muntu muze, Leza angamuvwangila. Lelo ndu muntu wifya kuli Yawe, uzye aweni angamupapatila?” Lelo ana yakwe yatatezizye ukukalipa kwakwe isi wao, pano cali ukulonda kwakwe Yawe kuti ayaponyezye imfwa yafwe.