Ayebulai 10:26 - Amazwi Yakwe Leza 2013

²⁶ Pano ndi tukwifya ku mufulo nalino cumi cati cimanyikwa kunotuli lyene kutangaya impolelwa yakufumya maifyo itu.

Ayebulai 10:26 ပူးပေါင်းရင်းမြစ်များ

Aina Levi 4:13

“Ndi iuvi lyonsi lya ina Izlaeli liifya, nupya yamanya ukuti yatiyavuna isunde limwi mu masunde yakwe Yawe kusi kumufulo,

Aina Levi 4:2

“Nena aina Izlaeli ukuti pali vyonsi vino Yawe walesya, umuntu ali wensi ndi wifya kwaula kumanya, wacita icintu cimwi icaindwa, alinzile ukucita vii:

Luka 12:47

“Muomvi wino uwamanyile vino mwene wakwe akasi, lelo ataiteinye nanti kucita kulonda kwakwe, wene alumwa vikoti vingi.

Yoane 13:17

Ndakai mwati mumanya vintu vii, nga ndi mukuvicita mulaya alongo.

Yoane 9:41

Yesu ati, “Ndi mwali mwemwe mpafu, nga musi nu mulandu. Lelo pano mukuti mukulola, caleka mucili nu mulandu.”

Malango 17:12

Umwi ndi wacita imisuli kuli kapingula nanti kuli simapepo wino ali pa luti, wene alinzile ukukomwa. Umu kucita cii ali muno mungafumya ulukota luu mu ina Izlaeli.

2 Tesalonika 2:10

Wene alaomvya inkota pa kusomba yao yano yalalowa. Antu yao yalalowa pamulandu wakuti yatazumile nu kutemwa cumi pakuti yatuulwe.

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

1 Timoti 2:4

wino akalonda umuntu wensi kuti atuulwe nu kumanya cumi.

Yakobo 4:17

Caleka, umuntu wino asyacita cisuma cino amanyile ukuti alinzile kucita ala ali nu mulandu uwa kwifya.

1 Yoane 5:16

Ndi walola umunyonko akwifya, iifyo lino lisyatungulula ku mfwa, ulinzile kupepa kuli Leza, wino alamupeela umi. Cii cikumile yao yano maifyo yao yasyatungulula ku mfwa. Lelo kwaya iifyo lino likatungulula ku mfwa, nga nani nsyakuti mulinzile kupepa kuli Leza pi iifyo lilyo.

1 Samueli 2:25

Ndi umuntu umwi wifya ku muntu muze, Leza angamuvwangila. Lelo ndu muntu wifya kuli Yawe, uzye aweni angamupapatila?” Lelo ana yakwe yatatezizye ukukalipa kwakwe isi wao, pano cali ukulonda kwakwe Yawe kuti ayaponyezye imfwa yafwe.