Ayebulai 10:21 - Amazwi Yakwe Leza 2013

²¹ Tukweti Simapepo Mukulu wino akaangalila ng'anda yakwe Leza.

Ayebulai 10:21 ပူးပေါင်းရင်းမြစ်များ

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

1 Timoti 3:15

Lelo ndi cakuti ningacelwa kwiza, ale mazwi amuli kalata wii yalakumanyisya vino micitile itu mwi uvi ilinzile kuya. Antu amu ng'anda yakwe Leza lili uvi lyakwe Leza wa umi kwene, nupya yene yakoline wa lupanda mu kutungilila iuvi.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ayebulai 6:20

Yesu watukolelela kwingila, nupya wene ali Simapepo Mukulu manda pe mu mwata wa usimapepo wakwe Mekisedeki.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Ayebulai 8:1

Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.