Ayebulai 10:19 - Amazwi Yakwe Leza 2013

¹⁹ Inane, swemo lyene tukweti untungwa umalilike uwakwingila mu Ncende Yamuzilo Kuluta, pano Yesu watufwilile.

Ayebulai 10:19 ပူးပေါင်းရင်းမြစ်များ

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Loma 8:15

Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Efeso 3:12

Muli Klistu nu mu utailo witu munoli akatupeela kuposya nga nu kuntatwisika, pakuti tungiza kuli Leza nu kupama.

2 Timoti 1:7

Pano Mupasi uno Leza watupeela wene usyatulenga kuya antete. Lelo Mupasi wakwe wene ukatupela maka, kutemwa nga nu kuikanya.

Ayebulai 10:18

Caleka lino vii vyelelwa, mpolelwa yakufumya maifyo isyakulondekwa.

Ayebulai 10:35

Lekini kuposya kwinu kutanenuka, pano kulamuletela cilambu cikulu.

Ayebulai 12:28

Lekini tutaizye Leza ndakai, pano twapokelela uwene uno utangatensiwa. Lekini twataizya nu kupepa Leza umu nzila ino ingamuzanzya nu mucinzi ni coopo kunoli.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

Ayebulai 4:16

Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Ayebulai 9:12

Lino Klistu wingile lyonga mwitaalu, nu kwingilila limwi mu Ncende Yamuzilo Kuluta wene atasenzile wazi wa mbuzi na yacipambasi ya ng'ombe kuti apeele impolelwa. Lelo wene wasenzile wazi wakwe umwisikulu nu kutulonkela ukuluzi.

Ayebulai 9:3

Kucisila ca cisalu ca kucinga kwali Ncende Yamuzilo Kuluta.

1 Yoane 4:17

Ndu kutemwa kwakwe Leza kwaya ukufumaluke munotuli lyene tulaposya pa Wanda wa upinguzi, pano vinoli avino naswe tuli mu nsi.