Ayebulai 10:14 - Amazwi Yakwe Leza 2013

¹⁴ Mu mpolelwa yonga kwene amuno wene walenga ukuti antu yano aswefiwa kufuma ku maifyo yaye afumaluke manda pe.

Ayebulai 10:14 ပူးပေါင်းရင်းမြစ်များ

Milimo 20:32

“Lyene ndakai namwika mu makasa yakwe Leza, mwikale nu mwi Landwe lya cikuku cakwe, ilili nu kumukuula nu kumupeela upolelelo uno Leza wasungila antu yakwe onsi.

Milimo 26:13

Cali mu nzila, Mwene wa kwisaci, lino ilanzi lyafika umutwe papela indola luswepo luyengese kuluta ilanzi lufuma mwi yulu, lunzinguluka pamwi na yano twali nao.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

Efeso 5:26

Wene wacisile iuvi kuya ilyamuzilo kupitila mu kuliswefya na manzi nga na mazwi yakwe.

Ayebulai 10:1

Masunde yakwe Mose yalanga umusango uzimantukile uwa vintu visuma vikwiza. Yene yali sile unkolanya wa vintu vikwiza. Acino nanti mpolelwa zyapeelwanga cila wanda na cila mwaka, lelo Masunde yakwe Mose yaposiwa ku maka ya mpolelwa kulenga antu yaye afumaluke.

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Ayebulai 13:12

Pamulandu kwene uu, Yesu nawe kwene wafwilile kunzi ya musumba ukulu, kuti aswefye antu nu wazi wakwekufuma ku maifyo yao.

Ayebulai 2:11

Wene akaswefya antu ku maifyo yao, nga aliwe pamwi na yao aswefiwa yonsi kwene Isi a wenga mpo. Uli mulandu uno Yesu asi ni nsonyi zya kuyama ukuti aina yakwe.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Ayebulai 9:10

Cili vivyo pamulandu wakuti vyene vikaomviwa mu malamulo ya milile, nu kumwa nga ni misango ipusanepusane iya kuswefiwa. Vii vyonsi amalamulo ya pa vintu vino vikaloleka, yano yakuomba kufika lino Leza alaleta utantiko upya.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.