Amosi 9:9 - Amazwi Yakwe Leza 2013

⁹ “Pano ndapeela ilamulo, alino ndapukanya aina Izlaeli ku na ku pakasi ka mitundu yonsi ya antu ndi vino yakapukanya imbezu mu lunyungo, nga kutalaya akaliwe konga akalaponela pansi.

Amosi 9:9 ပူးပေါင်းရင်းမြစ်များ

Ezaya 27:12

Mu wanda ulya Yawe alakolonganika antu yakwe ukutandikila sile ku luzi Yufulate, ukuyapelela kuli nande waku Eguputo. Wene alayapaatulula wenga wenga ndi vino yakaelulula ingano ukufuma mu vinkapala.

Ezaya 28:28

Asionona ingano zyakwe umu kuzifwantola sile ukwaula ukuta, awe. Wene wamanya ivyakusokola ingano, akapisya ningo iceleta penepo ukwaula kuzyonona.

Ezaya 30:28

Apa kwiza, Leza atatuma cipunga cino cikwiza ungati ukuzuula kwa manzi ya mvula yano yafika umu nsingo. Alino nawe akukumbulula sile antu ya mitundu yonsi nu kuyalovya apa kuyamalila ku viipe vyonsi vino yapanga ukuti yangacita.

Yelemiya 31:36

Ivipope vino natantika ndi vyafuma pa manso yane, ale uluko lwa ina Izlaeli nalo kwene lwalowa, lwata ukuya umutundu wane.” Ivyalanda ne Yawe.

Yelemiya 46:28

Yawe walanda wati, “Utoopa we muomvi wane Yakobo, pano nemo ndi nawe. Ndalovya imitundu yonsi ya antu amu nko zino namusalanganyizizyeko. Lelo wemo ntalakulovya. Ndakusunda sile ukulingana ni nsambu. Ntalakutapo sile, lelo ndakukalipila.”

Yelemiya 49:36

Ndaletela Elamu imiza ini, ukufuma ku mpela ziini zya mwiyulu. Ndasalanganyizizya aina Elamu ku miza kwene iyo. Kutalaya umutundu ulasyala ukwaula kuti imbutusi zyutukile kweneko zyaku Elamu.

Ezekelo 20:38

Pali mwemwe kwene ndafumyapo yacisanguka antalamila. Kwene ndayafumya mu mpanga muno yacili yakwikala, lelo ntalayata ukuti yakawelele mu mpanga ya ina Izlaeli foo. Lyene alino mulasininkizya ukuti nene indi Yawe.

Ezekelo 36:19

Nayapile umulandu pa mikalalile yao, na pamicitile yao, alino kuyasalanganya na yasalanganyizizye umu mpanga zya antu ya mitundu yuze.

Ezekelo 39:28

alino yalamanya ukuti nene indi Yawe Leza wao. Lilyo lino ndapususya azya ku mitundu nu kuyakolonganika mu mpanga yao ukwaula kusya nanti wenga.

Ezekelo 5:10

Munuli wemo we Yelusalemu, ali muno akwasi yalaalya ana yao, nga na ana nayo yalaalya akwasi yao. Ala ndakufulula na alasyalapo apuma nayo ndayasansantila monsi.

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Luka 22:31

“Simoni, Simoni! Lola Ciwa watazumiliziwa na Leza kuti amweele mwensi, wakwe vino antu yakaela ingano.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.