Amosi 9:8 - Amazwi Yakwe Leza 2013

⁸ “Cumi kwene, ne Yawe Simwandalali, nkulolekesya apa wene ulya umuzile amaifyo. Ndonona uwene uo apa mpanga ya pansi. Lelo ntalalovya ang'anda yakwe Yakobo. Avino Yawe wavwanga.

Amosi 9:8 ပူးပေါင်းရင်းမြစ်များ

Utandiko 6:7

Caleka avwanga ati, “Namaonona antu yonsi pyu yano nauumba, ni nyama, ni vikasela, ni vyunyi ivikapapuka. Pano vyandenga ulanda pa kuviumba.”

Utandiko 7:4

Ndi papita sile amanda cinimbali indi nu kutuma imvula pansi, ilatonya mu nsi yonsi amanda makulu amakumi yani, nu konona consi ca umi cino naumvile.”

1 Yamwene 13:34

Imicitile iyo iya kwifya vivyo iyalenzile nu kuti akazi kakwe yononeke, yaye aipe. Nupya iyalenzile kuti yaloviwe pyu panonsi.

Mapinda 15:3

Amanso yakwe Yawe yaya mpanga yonsi, yakalola aipe nga na asuma kwene.

Mapinda 5:21

Yawe akaceceta imipitile ya muntu cila nsita, ni nzila zyakwe akazilolekesyapo zyonsi pyu.

Yelemiya 30:11

Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Yelemiya 44:27

Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Yelemiya 46:28

Yawe walanda wati, “Utoopa we muomvi wane Yakobo, pano nemo ndi nawe. Ndalovya imitundu yonsi ya antu amu nko zino namusalanganyizizyeko. Lelo wemo ntalakulovya. Ndakusunda sile ukulingana ni nsambu. Ntalakutapo sile, lelo ndakukalipila.”

Yelemiya 5:10

Yangini musalale mu vyalo vyao vya matingi, Vyononini lelo mutavimalila. Putulini insaala pano zisi zyakwe Yawe.

Oseya 1:4

Lyene Yawe anena Oseya ati, “Umutemele izina lyakuti Yezileele, pano apacisila ca nsita inono sile nasya imvunuke ang'anda yakwe Yeu pamulandu wakuti wene wakomile antu avule uku Yezileele, nga ndalenga uwene wa Izlaeli ukwiza uku mpela.

Oseya 1:6

Gomeli nupya kwene asenda indilwa nga aca avyala umwana umwanaci. Lyene Yawe anena Oseya ati, “Umutemele izina uti, ‘Atatemwikwa,’ pano aina Izlaeli ntalayatemwa nupya nanti ukuyelela amaifyo yao.

Yowelo 2:32

Lyene alino wensi wino alaama pi zina lyakwe Yawe alatuulwa. Pasi pano uku Mwamba wa Zioni nu ku Yelusalemu, na muli yayo yamwi asyala palazanwa yamwi yano Yawe alaama.”

Amosi 3:12

Yawe wavwanga wati, “Ndi vino kacema akalombola imyendo iili sile, nanti ikutwi lya mfwele iyatiliika kuli cisama, vili vino aina Izlaeli yanono sile yalatuulwa, yayo aikala ku Samaliya pa vilimba vyao vyakupemwililako na pa miceka yao mu Damasiko.

Amosi 7:17

Caleka Yawe akuvwanga ati, “Umuci wako alaya cizelele mu musumba kwene uu. Alino ana yako aonsi na anaci kwene yalakomwa mu nkondo. Impanga yako alayankanya nu kuipeela ku antu yauze. Wemo wemwisikulu ulafwila ku mpanga ya antu atamanya Leza. Alino umucumi aina Izlaeli yalasendwa kuku umu uzya, ukutali ni mpanga ya kumwao.”

Amosi 9:10

Yakaifya yonsi amu antu yane yalakomwa umu nkondo, yayo yonsi yano yakati, ‘Uzanzo utalatuponela nanti ukutupalamila.’

Amosi 9:4

Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Malango 4:31

Pasi pano Yawe Leza winu a Leza uwa mizu. Wene atalamutazyela nanti ukumonona, nupya atalilila upangano uno umwisikulu wacisile ni vikolwe vinu.

Malango 6:15

Ndi cakuti mwapepa tuleza tuze, ukali wakwe Yawe ulamukatukila umonone pyu, pamulandu wakuti Yawe Leza winu, wino ali pakasi kinu a Leza wino asilonda uwakucimvyanya nawe.