Amosi 9:4 - Amazwi Yakwe Leza 2013

⁴ Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Amosi 9:4 ပူးပေါင်းရင်းမြစ်များ

Utandiko 44:21

“Musambazi, wemo watunenyile kuti tungaleta muto witu kuno kuti wize umulole.

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Masamu 34:17

Antu asuma ndi cakuti yapunda yati, “Tutulwe!” Yawe akayuvwa nu kuyatulanya ku macuzi yao yonsi.

Kufuma 14:24

Ku macaca Yawe wino wali mwi kumbi nu mu cimbilimbili ca moto alolekesya pa vita vya ina Eguputo, alenga kuti yuvwe intete nga yalonda kupuuka.

Yelemiya 12:12

Antu yali yacilinganya imilundu yonsi yamu lwanga nu kwiza mu kuzanza impanga ii. Nemo ninjakatusizya inkondo ya konona impanga yonsi. Kusi nanti wenga wino amasyala aikalile umweneco ku matwi cele.

Yelemiya 21:10

Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Yelemiya 24:6

Ndasumba amanso yane pano yali apakuyacitila ivisuma. Ndayaswilizya kuno yafuma. Ndayakuula, ntalayaongolola, awe. Ndayalema, ntalayatukula, awe.

Yelemiya 39:12

“Umusende nu kumuwaka. Utamucuzya, lelo umucitile icili consi ndi muno akulondela.”

Yelemiya 39:16

“Yanga ukanene Ebedimeleki umwina Kusyi wilya uti Yawe Wamaka yonsi, Leza wa ina Izlaeli akuti, ‘Nasya mfikilizye vino navwanzile ivikumile musumba uu, nga ivintu vivyo iviipe, kusi ulongo awe. Apa nsita ilya ivintu vivyo vilafikiliziwa apa manso yako.

Yelemiya 44:11

“Caleka fwandi ne Yawe Wamaka yonsi, Leza wa ina Izlaeli, ndamulovya, ndonona ni mpanga yonsi yakwe Yuda.

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Ezekelo 5:2

Lino ukuzanzwa kwa musumba kwaya umukusila, tola akamutumba konga uye ukakocele pakasi ka musumba. Alino utoole akamutumba kakwe ciili, uye ufume ukukacentola nu lupanga lino ukuzinguluka umusumba. Akamutumba kakwe citatu, kene ukakanyunye umu muza, nga nani namafuma nkulondela apacisila nu lupanga.

Aina Levi 17:10

“‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Amosi 9:8

“Cumi kwene, ne Yawe Simwandalali, nkulolekesya apa wene ulya umuzile amaifyo. Ndonona uwene uo apa mpanga ya pansi. Lelo ntalalovya ang'anda yakwe Yakobo. Avino Yawe wavwanga.

Zakaliya 8:10

Lino insita iyo itacili yafika, kutalolekanga umuntu nanti wenga uwakulembwa uku ncito iyo pakuti sile alipilwa penepo, nanti sile ukwazima iciteekwa conga pakuti caombapo nu kulipila umweneco wa citeekwa, foo. Na antu yakuposiwa kuomba imilimo yao pamulandu wakoopa anisi yao, pasi pano anene nasongelekanyanga antu yonsi.