Amosi 9:14 - Amazwi Yakwe Leza 2013

¹⁴ “Ndawezya antu yane aina Izlaeli ku mpanga yao. Yalakuululula imisumba ino yononeka nu kwikala mwenemo. Yalalima vyalo vyamatingi nu kumwa waini wakwevyo. Yalalima imiyanda nu kulya ivyakulya vyakweyo.

Amosi 9:14 ပူးပေါင်းရင်းမြစ်များ

Masamu 107:37

Mpaka iyasuka iyakomela ni mbezu umu vyalo vyao iyalema na matingi nu kusyukila uzombozi usuma.

Masamu 53:6

Owe mwe! Aweni fwandi angafuma uku Zioni uwakwiza pususya aina Izlaeli? Lino Leza alaswilizya antu yakwe kumwao, alino Yakobo alazanga, nga alino na Izlaeli alasansamuka.

Ezaya 60:4

Tumpula amanso, celecensya konsi konsi. Lola vino yonsi yakolongana kunuli. Ana yako aonsi yafuma ukutali. Ana yako anaci yatiyayasendela pa lutungu, apa lumani.

Ezaya 61:4

Yamakuululula cipya cipya ivitotela vya myaka ntanenwa nu kututulula apali ponsi pano pononike, kumwi ni misumba yonsi iyaongolwike, nga ni vitalang'anda vya myaka ni myaka.

Ezaya 65:21

Yalaakuula amang'anda ya kwikala mwenemo, yalaalima ni vyalo vya matingi nu kulya iviseekwa vya mwenemo.

Yelemiya 12:15

Lelo alala lino nayafumyamo, ndayakwatila uluse, ndawezya na cila muntu uku mpanga yakumwao nu mu vifoloma vyao.

Yelemiya 16:15

Lyene yalasenuka yalanda yati, “Umwi zina lyakwe Leza wa umi, wino wafumizye aina Izlaeli mu mpanga yaku katutu nu mu mpanga zyuze zyonsi muno yasalanganile. Pano ndayawezezya umu mpanga yao ino napiile ivikolwe vyao.”

Yelemiya 23:8

Suka sile ukulapa mwi zina lyakwe Leza wa umi wino wafumizye aina Izlaeli umu mpanga yayela ku kayeya, mu mpanga zyuze muno wayasalanganyizizye. Alino lyene yalikala mu mpanga iyakwao.”

Yelemiya 24:6

Ndasumba amanso yane pano yali apakuyacitila ivisuma. Ndayaswilizya kuno yafuma. Ndayakuula, ntalayaongolola, awe. Ndayalema, ntalayatukula, awe.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Yelemiya 31:23

Yawe Wamaka yonsi, Leza wa ina Izlaeli wavwanga wati, “Lino ndayawezezya isyuko lyao, alino yalaswilizya ukuvwanga umu mpanga yakwe Yuda nu mu misumba yao yati, ‘Yawe kapuute ulutembo pali wewe, we cifulo caulungami, we mwamba ucindami!’ ”

Yelemiya 31:28

Wakwe vino nkulolelanga ukwipa, apa kuwisya, apakuongolola, apakonona na pa kuleta ulanda, ali vino ndakolelela ukukuula na pa kulima. Ivyalanda Yawe.

Yelemiya 31:5

Ulalema nupya amatingi, pa myamba yaku Samaliya. Alimi nayo yalalema nu kulya iviseekwa vyakweyo.

Yelemiya 32:15

Pano Yawe Wamaka yonsi, Leza wa ina Izlaeli wavwanga wati, ‘Umu mpanga ii, antu yalakala nupya amang'anda, ivyalo ni miyanda ya matingi.’ ”

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Yelemiya 33:7

Ndawezezya Yuda na Yelusalemu isyuko nu kuyasimpa nupya ndi vino nacisile mpiti.

Ezekelo 16:53

Nalyuze Yawe wanenyile Yelusalemu ati, “Nemo ndalenga ukuti Sodoma ace asyuke pamwi na ana yakwe, na Samaliya nawe kwene akasyuke nupya, pamwi na antu. Icacumi, nawe kwene we Yelusalemu ndalenga ukuti ukasyuke nalyuze.

Ezekelo 28:26

Yalikalamo ukwaula cakoopa, yalakuula amang'anda nu kulema amatingi, yalaikala ku matwi cele. Nupya lino ndafulula amu mbali mbali zyao yonsi, yano yayasuula, alino yalamanya ukuti nene indi Yawe Leza wao.’ ”

Ezekelo 37:21

Yanene ukuti ne Yawe ndafumya Aina Izlaeli umu mitundu ya yantu yauze muno yaya nu kuyakolonganika pamwi, nga alino nkayaswilizye umu mpanga yao.

Ezekelo 39:25

“Yawe Simwandalali wavwanga wati, ‘Fwandi lyene namawezezya amu mupanda wakwe Yakobo, aina Izlaeli, namasakamala ang'anda yakwe Izlaeli yonsi, namasakamala ni zina lyane lyamuzilo.

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.

Zefaniya 1:13

Ala ivyuma vyao vilasampwa, nga na mang'anda yao yalaongololwa. Amang'anda yano yakuula yatalikalamo foo. Na matingi yano yalima yatalamwako waini wayako, awe.”

Zefaniya 2:7

Amu mutundu wakwe Yuda asyala yalikala mu mpanga inu. Yene yalacemelamo iviteekwa vyao nu kusendama mu mitanda ya ina Asyikeloni. Yawe Leza wao alayasakamala nu kuleka yaye nu longo nupya kwene.