Amosi 8:14 - Amazwi Yakwe Leza 2013

¹⁴ Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

Amosi 8:14 ပူးပေါင်းရင်းမြစ်များ

1 Yamwene 12:32

Alino Yeloboamu wateinye uzevyo pa wanda uwalenga ikumi na yasano mu mwezi wakwe cinani, ukulingana nu wanda uno yateinye ku Yuda, nga apeela ni mpolelwa pa kavuwa. Wacisile ivintu vii ku Betele, ala akupeela impolelwa ku twana twa ng'ombe utuluwi twakwe zaabu tuno wapanzile. Nupya ku Betele kuko aikako na yasimapepo akutumikila pa ncende zino yakapepela mwenemo zino wakuula.

1 Yamwene 14:16

Acino Yawe alatazyela aina Izlaeli pamulandu wa maifyo yano Yeloboamu wacita, yaya kwene yano walenzile kuti na ina Izlaeli kwene yifye.”

1 Yamwene 16:24

Wene wakazile umulundu wa Samaliya kuli Syemeli pa mpiya zyakwe siluva ukulingana amakilogalamu 6,000. Alino akuula umusumba pa mulundu ulya nga autemela ni zina ati a Samaliya, apakwiusizya kweneko Syemeli uwali umweneco wa mulundu uwa uno wakazile.

2 Yamwene 10:29

Lelo Yeu atatelelile ukucita iviipe vino umwene Yeloboamu umwana wakwe Nebati wacitanga, vivyo vino walenzile kuti na ina Izlaeli yacita. Atatiile kupepa utwana twa ng'ombe twakwe zaabu ku Betele nu ku Dani.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Masamu 140:10

Leka amakala ya moto yayaponele, uyasumbile umu ciwina ca manda pe.

Masamu 36:12

Yakacita ya viipe yatiyalukuta nu kuilopola pansi. Nupya yene yatalatala yakatuke foo.

Mapinda 24:16

Umuntu musuma nanti angapumikiziwa ni vintu iviipe amaila nyanya, wene alasyala aimi sika. Aipe yene isyamo lilayaponela uyi uyi.

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Ezaya 24:20

Insi yonsi imapempezyokanga ungati umuntu wilya, wino watakoleka waini. Imasunkananga ungati akamusakuta kano icipunga cikupunganya. Insi yonsi yatiyinamila sile apa nsi pamulandu nu uyi wakwe iliyo, imaifwanta sile pansi icinzamba, icakuti nu kukatuka italatala ikatuke foo. Akasita kamwi kamafikila lino Yawe amapezya.

Ezaya 43:17

Ali muno natungulwile ni umba lya vita ilikalambane, ilya maceleta ni mfwalasi, mpaka ndyonona, ndikunta na pansi ukwaula kukatuka, mpaka yazima wa utambi.

Yelemiya 25:27

Nga alino lyene Yawe avwanga kunondi ati, “Nena antu ukuti ne Yawe Wamaka yonsi, Leza wa ina Izlaeli nayanena ukuti yamwe yakoleke yaluke nu kuluka. Yasuke yapona na pansi cakuti yaposiwe nu kukatuka apamulandu ni nkondo ino nkutuma kunoyali.

Yelemiya 51:64

Uvwange nu kuti, ‘Ali vino Babiloni alalowa. Atalatala nupya azyuke kwi syamo lino ndamuletela.’ ” Apa pelela amazwi yakwe Yelemiya.

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Oseya 13:16

Samaliya alinzile kuvunukwa, pamulandu wakuti yasangukila Leza wao. Aikazi ya mwenemo yalasendwa umu nkondo, ana yanono yalapololwa apa musili, na anaci asenda indilwa yalatumbulwa.”

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

Amosi 5:1

Mwe luko lwakwe Izlaeli uvwini amazwi yaa, yano namamunena umukuilizyanya kunomuli.

Amosi 5:2

“Izlaeli, umwanaci atamanya umonsi, nupya asi namikatukile awe. Wapona nu kwililika panonsi ponsi pano wikala. Pasi umuntu nanti wenga uwakumukatusya.”

Amosi 5:5

Lelo mutakongana ku Betele ku kupepa, nanti ukwingila mu Giligali ku kundonda, nanti ukuya pa lwendo ku Belisyeba. Cumi kwene aina Giligali yalasendwa umu uzya, nu musumba wa Betele ulaongolokela limwi.”

Mika 1:5

Vyonsi vii vilacitika pamulandu wa kwifya kwakwe Yakobo, pamulandu wa maifyo ya amu mupanda wakwe Izlaeli. Uzye aweni angapeelwa umulandu pa kwifya kwa ina Izlaeli? Uzye asi aina Samaliya? Uzye aweni angapeelwa umulandu pa kwifya kwa ina Yuda? Uzye asi ina Yelusalemu?

Zefaniya 1:5

Ndonona yayo akakwela apa mapaala yao nu kupepa ilanzi, umwezi ni ntanda, yayo akati yakapepa Yawe nu kulapa umwi zina lyakwe, lino yene yakulapa mwi zina lyakwe Moleki.

Milimo 18:25

Muntu wii wasambiliziwe pamulandu wa nzila ya Mwene, nupya wali umukampuke mu kukosola ala akusambilizya ningo ivisinka vya pali Yesu. Lelo, nanti cali vivyo, wamanyile sile uluwatizyo lwakwe Yoane.

Milimo 19:23

Cali pa nsita kwene ii lino kwali cimvulunganya mu Efeso pamulandu ni nzila ya Mwene.

Milimo 19:9

Lelo yamwi yali akome myenzo, yakana ukutaila, yavwanga viipe pamulandu na mazwi ya Mwene pa manso ya antu onsi. Paulo ayasya apita pamwi na alondezi yaya, nga cila wanda ala yakukomana nu kulanzyanya mwi sukulu lyakwe Tilano.

Milimo 24:14

Lelo nkuzumila cii pa manso inu, ukuti nkapepa Leza wa vikolwe vitu pa kulondela inzila ilya ino yakati iyaufi. Lelo nataila na muli vyonsi ivyalembwa mu Masunde yakwe Mose, nu mu mpapulo zyakwe yakasema.

Milimo 9:2

kuti angamupeela ya kalata akuimanyisya ku ntunguluzi zya Ciyuda mu mang'anda ya mapepo ku Damasiko, pakuti ndi wazanyileko yamwi akalondela nzila ya Mwene, akwate maka aku yalema onsi, aonsi na anaci, ayatwale ku Yelusalemu.

Malango 33:11

We Yawe, si leka umutundu wao ukomeleke. Si leka imilimo yao ino yakuomba yakuzanzya. Vungola anisi yao. Utaleka yace yakatuke nupya.”

Malango 9:21

Natoozile ni cintu cicya iciipe, unkolanya wa mwana wa ng'ombe wino mwapanzile ni cela, nga imoca mu moto. Alino lyene imuvungola nu kumusyuta mpaka aya ulukungu nga nsumba lukungu lulo mu kaluzi akapongolokanga kwisika lya mwamba.