Amosi 8:13 - Amazwi Yakwe Leza 2013

¹³ “Mu wanda ulya akazyana ayembe na alumendo yamaka nayo kwene yalawa ulwezwe uku lusala.

Amosi 8:13 ပူးပေါင်းရင်းမြစ်များ

Masamu 63:1

We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.

Ezaya 40:30

Alumendo na akazyana yangacepelwa amaka yangatonta, yangapempezyoka nu kupona yangapona.

Ezaya 9:17

Ali cino Yawe atalaleka nanti wenga apa alumendo yayo kuti apusuke. Wene atalatezela nanti ana asyale, yano yalasya kumwi na yamukamfwilwa. Pano umutundu onsi ukapontela Leza nu kwifya. Ukavwanga ni vya uwelewele. Ali cino fwandi muli vyonsi vivyo Yawe atalezya ukuta ukusoka nanti ukuzunzula ikasa lyakwe.

Yelemiya 48:18

Ika papo apa cilimba cako caucindami, uivwenteke apa citumba, we mukazyana mwana Diboni, we muno watenzi lyonsi umu mutende. Pasi pano lyene umononyi wakwe Moabu wiza ku kulwisya. Wene wataonona na malinga yako.

Nyimbo zya ndosya 1:18

“Lelo Yawe walungika, pasi pano natalamile amasunde yakwe. Munguvwwe mwe antu mwensi. Lolini vino nkuwaikwa. Alumendo na akazyana yane yasendwa umu uzya.

Nyimbo zya ndosya 2:10

Aikolo amu Yelusalemu lyene yakwikala sile pansi nu kukungumala. Yakuuivusya ivu ku mitwe nu kuzwala ivisamu. Akazyana amu musumba nayo yakukontamika sile imitwe pansi.

Nyimbo zya ndosya 2:21

Akote na ance ayaya yatuzi mu miseo, yatiyafwa. Anisi yatiyakomola alumendo na akazyana ku malupanga. Awewe wayakomozile ukwaula nu luse, uwanda uno wasosile ukali ukali.

Oseya 2:3

Ndi cakuti atacisile cico, ale lyene ndamuzula, pakuti aikale tupu ndi vino wali lino wavilwe. Ndaleka aye wa lwanga, nupya alaya wa musili uumalale, nga ndamukoma ku lusala.

Oseya 2:5

Nyina nawe acizelele asi na nsonyi. Wene wayaviile mu kucita vyansonyi. Wavwanzile ati, ‘Ndalondelela akambwe yane yayo akampeela icakulya na manzi, na pamba, ni nsalu itelepelele, na mafuta ya miolivi nga na waini.’ ”

Zakaliya 9:17

Iye mwe vino mpanga ilya ilaloleka kuyemba! Ingano zilaleka alumendo yakula na amaka, na waini wa matingi umupya alaleka akazyana yakula ayembe

Malango 32:25

Inkondo ilayaletela imfwa mu miseo, mu mang'anda yao mulaya ingofyo. Alumendo na akazyana yalafwa. Kutalaya twana utunya nanti akoloci alapusuka.