Amosi 8:12 - Amazwi Yakwe Leza 2013

¹² Antu yalakawala konsi konsi ukutandikila sile kuli yemba wenga mpaka kuli yemba muze, nga yafume yakulondalonda amazwi yakwe Yawe ukufuma ku katutu mpaka ku ufumondaka. Lelo yatalayazana, awe.

Amosi 8:12 ပူးပေါင်းရင်းမြစ်များ

Mapinda 1:28

Ali lino mulangama lelo ntalamwasuka. Mulandondelezya lelo mutalanzana.

Mapinda 14:6

Katumfya wa yauze angalondelezya amano ukwaula kuyazana, lelo umuntu mufuke wene akalooka ivintu visuma muli zuwazuwa.

Mapinda 29:18

Ukusi umbwilo wakwe Leza, antu yakapita cipitepite. Lelo alongo ayayo akawaka amasunde.

Ezekelo 20:3

“We mwana wa muntu, unene antu ukuti Yawe Simwandalali wavwanga wati, ‘Uzye mwemo mwizile mu kuuzya vino nkalonda? Awe, nemo nsikuleka muzye penepo nanti cimwi. Ivyalanda ne Yawe Simwandalali.

Ezekelo 20:31

Na pilelo kwene mwemo mucili mukatula amawila ali yamwi kwene, nupya mucili mukuikowezya ku tuluwi tuli tumwi kwene, mukututuula impolelwa zyakoca ana inu? Uzye pacani cino mwemo mwe ina Izlaeli ningamuzumilizya ukwiza mukunguzya vino nkalonda? Nalapa, ne Yawe Simwandalali, nemo ntange ntale muzumilizye kwiza mukunguzya.

Danieli 12:4

Lyene wene anena ati, “Lelo wemo, we Danieli, kupika ulupapulo nu kwikapo icimanyililo ukufika uku nsita ya mpela ya nsi. Pali ndakai, antu avule yamaezyanga ukumanya ivikucitika.”

Oseya 5:6

Lino antu yasenda imfwele zyao ni ng'ombe zyao kuti yakapele impolelwa apa kulondalonda Yawe, yene yatalamuzana, pano wene watayasya.

Mateo 12:30

“Wino wensi aakumpazya ala asi nani. Na wino wensi asingazwa kukolonganika ala akusalanganya.

1 Samueli 3:1

Umulumendo Samueli watumikilanga Yawe ala akwangalilwa na Eli. Mu manda kwene yalya inkombe zyakwe Yawe zitavuzile, nupya ni vilolwa kwene ivyakufuma kunoli vitavuzile.