Amosi 8:10 - Amazwi Yakwe Leza 2013

¹⁰ Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Amosi 8:10 ပူးပေါင်းရင်းမြစ်များ

Utandiko 21:16

Nawe aya aikala katalamukila manye amamita ikumi, aivwanzya ati, “Ntangenalola kuno umwana wane akufwa.” Lyene lino acili atenzi papa, atandika ukulila.

Yobo 20:23

Apa kasita kaka kwene kano wakwatisya icuma, ali lino Leza nawe akamuvungatila nu kumupamola.

Yobo 3:5

Si mfinzi ile ipoke uwanda ulya, nupya wandatilwe ni cinzingwa, na kungwi nawe auvimbe. Si akanda kale kapoke uluswepo lwauko.

Yobo 30:31

Nuvwanga inyimbo zya nsansa, awe cumi lyene nkauvwa sile impooma nukulosya.”

Ezaya 3:24

Apali icinunu icisuma, palaya akafungo. Apanyepwanga umusipi, palaya umwando. Apali ulunyele ulutelepe, palaya ulukuzu. Apali insalu zyamutengo, palaya ulusamu. Apali ukuyemba kwa mwili palaloleka ivyawinyi ivyakuleta insonyi.

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Yelemiya 48:37

Cila muntu lyene watapela ulukuzu ku mutwe nga apeela ni vilezu. Iminwe yakwe ali wensi yaticembolwa. Yonsi yatiyapeteka ivyakuzwala vya ndosya mu misana.

Yelemiya 6:26

Yawe wavwanga ku antu yakwe ati, “Mwe antu yane zwalini vizwalo vya ndosya munyepe ni mipango mu mitwe. Losyini, pomolini impooma wakwe vino yakaloosya umwana umonsi uwavyalwa sile wenga mpo. Pano umononyi amaiza amwiukizye.

Nyimbo zya ndosya 5:15

Insansa zyamu myenzo itu zitacilipo. Ukucina kwitu kwasenuka indosya.

Ezekelo 7:18

Yalazwala masaka, yalazakaza imili yonsi. Pa mausyu yao palaya insonyi na pa mitwe yao yonsi palapelwa inkuuzu.

Ezekelo 7:2

“We mwana wa muntu vwanga uti, Yawe Simwandalali wanena impanga yakwe Izlaeli ukuti awe lyene casila, lyene ali kusila kwa mpanga yonsi.

Oseya 2:11

Namalesyanya ukuzevya kwakwe konsi pyu, ukwa vimulo vya cila mwaka, nu kwa ndoleko ya mwezi.

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Yowelo 1:8

Mwe antu, si lilisini, wakwe mwali uwatazwala umupango. Wino akulila pamulandu wa mfwa yakwe lumbwe uwamutaisye.

Aina Levi 13:40

Muntu ndi wapanyoka inyele, waya ni pala, umuntu wiyo muswepe.

Amosi 5:21

Yawe wavwanga wati, “Amanda inu a vimulo vyamapepo nayapata nupya nsizangila mu ukongano winu uli onsi uwa mapepo.

Amosi 5:23

Mutanganola ni nyimbo zinu zya mapepo! Ntakasi nu kuvwa ku nyimbo zinu zya mazeze.

Amosi 8:3

“Mu wanda ulya inyimbo zyamu Ng'anda ikulu yakwe Leza zilasenuka ziye inyimbo zya ndosya. Ivyala vilavula wakwe cimwi, nga vilaya ntangali ntangali monsi monsi, Kulaya cele!”

Naumi 1:10

Wa myunga ipombane nupya wa vipelele, mwe antu akolesi mulociwa nu moto!

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Malango 16:14

Muce mwasansamuka pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano yakaikala mu misumba inu.