Amosi 7:3 - Amazwi Yakwe Leza 2013

³ Acino lyene Yawe aya na mizu, nga avwanga ati, “Vyonsi vii vitalacitika konsi awe.”

Amosi 7:3 ပူးပေါင်းရင်းမြစ်များ

Utandiko 6:7

Caleka avwanga ati, “Namaonona antu yonsi pyu yano nauumba, ni nyama, ni vikasela, ni vyunyi ivikapapuka. Pano vyandenga ulanda pa kuviumba.”

1 Milandu 21:15

Lyene Leza atuma umungeli wakwe kuti akonone umusumba wa Yelusalemu. Lelo ala umungeli acili akonona, Yawe amunena ati, “Ta! Calingana!” Apa nsita kwene ilya walanga umungeli wilya wakwe Yawe acili aimi pa lwano lwa kupuulila lwakwe Alauna umwina Yebusi.

Masamu 106:45

Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.

Masamu 78:38

Nga lelo Leza wene wayayelelanga uluse. Wene wafutanga uyi wao nga atayalovizye foo. Amaila sile aingi, wasokolokanga nu kuwezya umwenzo.

Masamu 90:13

Ala, siwatala usuula kweneko, we Yawe! Nga fwandi ukali wako ungapelela pii? Sungala uyelele aomvi yako uluse!

Kufuma 32:14

Caleka Yawe awezya umwenzo atalenzile kuti uzanzo ucitike uno wakasi kuti acite pa antu yakwe, aina Izlaeli.

Yelemiya 26:19

Umwene Hezekiya wa Ayuda pamwi na antu yonsi yatakomile Mika foo. Uzye yene yatoofile Yawe nu kumupapata apakuti atayaletela isyamo lino walanga wapanga ukuyacitila? Uzye swemo twifye imyenzo itu uku uyi ukulu ndi uu?”

Yelemiya 42:10

‘Ndi cakuti mukasi ukwikala umutende umu mpanga ino, ndamukuula ntalamuongolola pansi. Ndamulema ntalamwipa foo, pasi pano nimutezela apa uyi uno namucitile.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Amosi 7:6

Acino lyene Yawe aya na mizu, nga avwanga ati, “Vyonsi vii vitalacitika awe.”

Yona 3:10

Lyene lino Leza walola vino antu yacita na vino yazenzwike uku misango yao yankota, aya na mizu kunoyali nga atayaponyezizye uwononesi uno walanzile ukuti alayaponyezya.

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.