Amosi 7:2 - Amazwi Yakwe Leza 2013

² Lino naweni ukuti makanta wilya walya ivimelwa vyonsi vyamu mpanga ilya, imvwanga inti, “We Yawe Simwandalali, si ungala uwelele antu yako! Uzye antu yakwe Yakobo yangaposya uli? Yene anono nupya atembokele.”

Amosi 7:2 ပူးပေါင်းရင်းမြစ်များ

Masamu 12:1

Ntuule we Yawe! Kusi antu asuma asile penepo, nanti sile antu afumaluke yasila.

Kufuma 10:15

Makanta alimba pa musili ponsi ipafita paya na fititi. Alya vyonsi vino vitononyilwe ni mvula ya mawe, kumwi ni viseekwa vya miti kwene. Kutali ifwa nanti limwi ilyasile ku muti. Asinkitula vimelwa vyonsi mu mpanga ya Eguputo yonsi.

Kufuma 34:9

Avwanga ati, “Yawe, ndi ukazangila munondi, nkukulenga kuti upite naswe. Antu yaa, yakomya imyenzo, lelo wemo utwelele inkota zitu na maifyo itu nupya utupokelele kuti tuye antu yako.”

Ezaya 37:4

Umwene mukalamba wa ina Asilya walatumile umukalamba wa vita vyakwe apakuti aize atukole Yawe Leza waumi. Umwene Leza wenga ale auvwe intusi zizi pakuti angalyotola antu yaya yano yali yakutukana. Wemo ungala upapatile sile kuli Yawe, antu yako yano yasyalapo apakuti yace yapusuke.”

Ezaya 51:19

Apa mipamba iyo iili ino yakuponile, umwi auwa uwakononekelwa kwa mpanga uku ulwi wa nkondo. Uze nao auwa uwakulola kuno antu yako yakucula ku cipowe. Fwandi kutalolike nanti wenga uwa kukuvwila uluse awe.

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.

Ezekelo 11:13

Lyene mwalola, nalikwene lino nkusema, Pelatiya umwana wakwe Benaya awiyo wafwa. Nga nani inkupama pansi indaizya ni zwi ilikalamba inti, “Kalanda we, we Simwandalali Yawe! Uzye umala umalile ni nsyazi kwene izyasyalapo umu ina Izlaeli?”

Ezekelo 9:8

Nga lino yakukomola antu, nemo ne Ezekelo nsyala nimilile sile nenga. Awe mukwai niza naifwanta icinzamba pansi ufupime, indila inti, “Kalanda we Yawe, uzye icani cino wasokela umusumba wa Yelusalemu, cakuti ukomole aina Izlaeli yonsi yano yasyala mu mpanga ii?”

Danieli 9:19

We Mwene, ule utuvwe! Mwene utwelele! Mwene, uvwa kunotuli nu kucitapo cimwi! Si cincila apakuti umuntu wensi amanye ukuti wewe uli Leza! Umusumba uu uwakwako kumwi na antu kwene yaa.”

Yowelo 2:17

Lekini yasimapepo, yao akatumikila Yawe, nayo yalosye apakasi ka musolo wapa wingililo na kavuwa. Lekini yavwange yati, ‘We Yawe, su ngala uye nu luse pa antu yako. Utazumilizya kuti umwi asausye antu yako asololwe.’ Utaleka ainamasi yayaseke apa kuvwanzyanya yati, ‘Uzye Leza wao ali kwi?’ ”

Amosi 4:9

“Anene nalenzile kuti imbezu zinu zyonsi zyume uku ndwala nga nu kuvuvuma, mu miyanda inu nga nu muvyalo vinu vyonsi vya matingi. Makanta ononyile imisamvu kumwi ni miolivi inu kwene. Lelo mwemo mutawezile kunondi. Avino Yawe wavwanga.

Amosi 7:5

Lyene nemo mvwanga inti, “We Yawe Simwandalali, nalanguluka nawe, nkukulenga ule ute. Uzye antu yakwe Yakobo yangaposya uli? Yene yasi na maka nanti panono.”

Zakaliya 4:10

Umu cumi, antu yasikusansamuka pakulola vino Zelubabeli akwangalila umulimo wa kunkuulila Ng'anda yane ikulu.” Umungeli wanenyile ati, “Inyali ali manso cinimbali yakwe Yawe yano akalolelako insi yonsi.”

Umbwilo 9:4

Makanta yamunena kuti atonona isote nanti imiti nanti cimelwa cili consi. Lelo yamuzumilizya sile konona antu yano atakweti cimanyililo cakwe Leza pa mausyu yao.