Amosi 7:17 - Amazwi Yakwe Leza 2013

¹⁷ Caleka Yawe akuvwanga ati, “Umuci wako alaya cizelele mu musumba kwene uu. Alino ana yako aonsi na anaci kwene yalakomwa mu nkondo. Impanga yako alayankanya nu kuipeela ku antu yauze. Wemo wemwisikulu ulafwila ku mpanga ya antu atamanya Leza. Alino umucumi aina Izlaeli yalasendwa kuku umu uzya, ukutali ni mpanga ya kumwao.”

Amosi 7:17 ပူးပေါင်းရင်းမြစ်များ

2 Yamwene 17:6

uo uwali ali mwaka uwalenga fundimbali uwa utesi wakwe Hosyea, umwene waku Asilya apoka Samaliya nu kusenda aina Izlaeli uku Asilya wa yanyepwe. Yamwi yayatwazile umu musumba wa Halaa, mu pipi nu ku luzi lwa Haboli mwi boma lyaku Gozani. Alino yamwi umu misumba yaku Medi.

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Ezaya 13:16

Yalalyatola yao ale yakulola ntontonto. Yalasampa ivyuma mu mang'anda, nu kuyembuka na aci yao umu kuyapatikizya.

Ezaya 22:18

Angakuzingulusya sile wa mupila nu ku kuvwintila umu mpanga ikulu. Ali muno ungaca ufwile na maceleta yako kwene yano yakucindamika, vilasyala izewanya uku ng'anda ya musambazi wako.

Yelemiya 14:16

Nupya antu yano yakasemelako yalasumbwa umu miseo yamu Yelusalemu. Lilyo ale yatiyafwa ntangali ntangali uku lupanga nu kucipowe nu wakuyaziika aluula. Vintu vii vilacitikila alio na aci yao, ana yao aonsi na anaci kwene. Pano ndalandula uyi apa uyi wao.”

Yelemiya 20:6

Nawe, Pasyuli, wewe kumwi na ang'anda yako kwene mulasendwa umu uzya ku Babiloni. Kuku akuno mulafwila nu kuzikwa, wewe kumwi na yacuza yako kwene yano wasemile vyaufi.’ ”

Yelemiya 28:12

Papisile sile kasita kanono pano kasema Hananiya wakontolwile ikoli lino Yelemiya wazwite mu nsingo, ni zwi lifika kuli Yelemiya lyakuti,

Yelemiya 28:16

Caleka fwandi Yawe umweneco kwene amakufumya panonsi, umafwa umwaka kwene uu pano watusambilizya antu ivyakutalamila Yawe.”

Yelemiya 29:21

Yawe Wamaka yonsi, Leza wa ina Izlaeli walanda pamulandu wakwe Aabu umwana wakwe Kolaiya na Zedekiya umwana wakwe Maaseya, yano yakasema vyaufi mwi zina lyakwe, wavwanga wati, “Ndayapeela mu makasa yakwe Nebukadineza umwene waku Babiloni. Nawe alayakoma, nu kuilolela mulailolela mwe eneco.

Yelemiya 29:25

Yawe Wamaka yonsi, Leza wa ina Izlaeli, walanda ukuti waitandikile sile wenga ukutuma kalata ku antu aku Yelusalemu kuli simapepo Zefaniya umwana wakwe Maseya, na kuli yasimapepo yonsi. Wavwanzile kuli Zefaniya simapepo uti,

Nyimbo zya ndosya 5:11

Aci itu yayalema pa maka umu Zioni, nga nu mu misumba yonsi yamu Yuda akazyana yayalemanga ku maka nu kupatikiziwa kuyembuka.

Ezekelo 4:13

Nga alino nupya Yawe wanenyile ati, “Umu musango uo, aina Izlaeli yalalya icakulya icikowele umu mpanga zino ndayazingila mwenemo.”

Oseya 9:3

Mutalikala mu mpanga yakwe Yawe. Mwe aluko lwakwe Efulemu, mulaswilila ku Eguputo, mu mpanga ya Asilya amuno mulalya cakulya icaindwa.

Amosi 6:7

Caleka mwemwe mulakolela ukusendwa ku uzya. Alino ivimulo nu kuzanganzila kwinu kulaputuka.

Amosi 7:11

Wene Amosi akuvwanga ati, “Yeloboamu alafwila mu ulwi, nga aina Izlaeli yalasendwa mu uzya, uku mpanga ya kutali nu kumwao.”

Amosi 8:1

Navyuze vino Yawe Simwandalali wandangizye mu cilolwa aivi: Pali umuse wa viseekwa ivice.

Amosi 9:1

Naweni Yawe ala aimi apipi na kavuwa. Wene wavwanzile ati, “Kunulini incesi zya Ng'anda ikulu yakwe Yawe, kuti umufula wakweyo utente. Muziongolwele pa mitwe ya antu. Yayo asyala ndayakoma umu nkondo. Kusi umwi wino alaleuka. Kusi umwi wino aluutuka.

Amosi 9:8

“Cumi kwene, ne Yawe Simwandalali, nkulolekesya apa wene ulya umuzile amaifyo. Ndonona uwene uo apa mpanga ya pansi. Lelo ntalalovya ang'anda yakwe Yakobo. Avino Yawe wavwanga.

Mika 1:16

Mwe antu aku Yuda, pelini inyele, pakulanga ukuti mukulosya ana inu yano mwatemwa. Mule mupele ulukuzu mpaka muloleke wa makozi, pamulandu wakuti ana inu yalasendwa uku uzya.

Zakaliya 14:2

Ndakonganinka antu amu nko zyonsi kuti yize ku kuzanza umusumba wa Yelusalemu. Yene yalapoka umusumba uo nu kunyenkana ivyaya mwenemo nga nu kulema pa maka anaci aya mwenemo. Citika wa antu amu musumba ulya yalayasenda mu uzya, alasyalapo yene yatalayazinga mu musumba foo.