Amosi 7:10 - Amazwi Yakwe Leza 2013

¹⁰ Ku Betele kwali simapepo umwi uwi zina lyakwe Amaziya. Wene watumile inkombe kuli Yeloboamu, umwene waku Izlaeli na mazwi akuti, “Amosi akukatusya intazi apa kutunkola antu amu Izlaeli kuti yakusangukile. Antu yatange yasuule sile amazwi yonsi yano akuvwanga.”

Amosi 7:10 ပူးပေါင်းရင်းမြစ်များ

Utandiko 37:8

Lyene aina yamukanya yati, “Ele yasole! Uzye welenganya ukuti wewe ulatuteeka? Uzye wewe ungaya umwene witu?” Nga yamupata ukuluta pamulandu wa viloto ni milandile yakwe.

1 Yamwene 13:33

Pacisila ca milandu yonsi iyo, Yeloboamu umwene waku Izlaeli atatiile imisango yakwe iipe. Wene watwalilile ukwika na antu pali usimapepo apa ncende zino yakapepela mwenemo, yao atalinzile. Wensi wino umweneco watemwa amupeela usimapepo wa pa kavuwa.

1 Yamwene 18:17

Lino Aabu walola Eliya, amunena ati, “Uzye asi awewe, we muntu kacita wa vimvulunganya ku ina Izlaeli?”

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Yelemiya 36:16

Walanga sile wamala kuyawelengela, yatandika kulolekesyanya ntete ntete. Alino yanena Baluki yati, “Umulandu uu tulinzile twaufisya ku mwene Yeoakimu.”

Yelemiya 38:4

Lyene amakombe yaya yanena umwene yati, “Umuntu wii, alinzile ukufwa. Pano kwene kuvwanga kwakwe kwatikunenula ivita ivisiile mu musumba uu, pamwi na antu yonsi. Umuntu wii itonsya! Kulanda kwakwe kusi kwakuzipila umutundu uu, suka sile ivyakuusyamika.”

Amosi 1:1

Yaa, amazwi yakwe Amosi, wenga uwamuli yakacema aku Tekoa. Leza wamupile icilolwa ca vintu ivyacitikile aina Izlaeli umu manda yakwe Uziya, umwene waku Yuda, nga nu mu manda yakwe Yeleboamu, umwana wakwe Yeoasyi, umwene waku Izlaeli, lino kwasile imyaka iili kuti icilundumusi ciyeko.

Amosi 3:14

Pa wanda uno ndavunuka aina Izlaeli pamulandu wa uyi wao, ndatamola utuvuwa twaku Betele, nga ni mpembe zyatuko zilavunolwa nu kupona pansi.

Amosi 5:10

Mwemo mukapatana na apinguzi asi na kasoozi, mukasokela yayo akavwanga icumi umu matengo.

Amosi 5:5

Lelo mutakongana ku Betele ku kupepa, nanti ukwingila mu Giligali ku kundonda, nanti ukuya pa lwendo ku Belisyeba. Cumi kwene aina Giligali yalasendwa umu uzya, nu musumba wa Betele ulaongolokela limwi.”

Amosi 7:11

Wene Amosi akuvwanga ati, “Yeloboamu alafwila mu ulwi, nga aina Izlaeli yalasendwa mu uzya, uku mpanga ya kutali nu kumwao.”

Mateo 21:23

Lino wingila mu Ng'anda ikulu yakwe Leza, yasimapepo akalamba na aikolo ali ntunguluzi zya antu iiza kunoli ala akusambilizya, yamuzya yati, “Uzye maka cii yano ukweti akucita vintu vii? Uzye aweni uwakupeela maka kwene yaa?”

Luka 23:2

Alino yatandika kumulongwela, yati, “Twazana ukuti umuntu wii akutunkola antu amu luko lwitu kuti yatasonka musonko kuli Kesa nu kuilanda vino wene ali Katuula uwalavilwe.”

Milimo 24:5

Twazana ukuti umuntu wii umutalinkane cuze. Akatandika kucita mpanzela mu Ayuda amu nsi yonsi nupya wene intunguluzi ya kaungwe ka ina Nazaleti.

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”

Milimo 7:54

Lino inkombe zya mwi Tengo zyuvwa kuli Sitivini, zikalipa cuze zilumanya incecete ku ukali.