Amosi 6:8 - Amazwi Yakwe Leza 2013

⁸ Yawe Simwandalali akulapa mwi zina lyakwe umwisikulu ati, “Nasoka icilumba ca ina Izlaeli nu kupata ivimang'anda vyao vikulu. Endi, ndapeela umusumba wao na vyonsi ivyayamo ku anisi yao.”

Amosi 6:8 ပူးပေါင်းရင်းမြစ်များ

Utandiko 22:16

nga amunena ati, “Ivyalanda ne Yawe: Nalaya umwi zina lyane ukuti ndakupolelela cuze, pano wazumila ukupeela kunondi umwana wako umonsi ali sile wenga.

Masamu 106:40

Caleka Yawe asokela antu yakwe, nga wene yali wa cintu camuselu kunoli.

Masamu 47:4

Ali wino watusolwela ni mpanga ino tukaikalamo, ino tukamekelapo swe antu yakwe, swe yano watemwa.

Masamu 50:12

Inzala nga yanduma, ntange munene foo, pano insi ni vyaya mwenemo, vyonsi ivyakwane.

Masamu 78:59

Leza pasi pakusoka apakulola ivyamusango uo, nu kuyasuula nawe ayasuula.

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

Ezaya 28:1

Kalanda ku ng'anda ya cilumba ya akolesi, aina Efulemu nu kwi luwa lyalokota. Ucindami wakwe uyembe, uno watongomala pa mutwe wa nyika ivunde, ya akolesi yakwe waini, auwo ulambalile papo.

Yelemiya 12:8

Antu yane asololwe yatiyamfutatila, kwati a yacisama mu mutengo vino yakung'anzila. Ali cino nani ninjapata.

Yelemiya 22:14

Wene akati, “Nkuikuulila ing'anda ikulu ino ikweti miputule ivunguluke ya papela.” Acino aikamo inzota izikulu, nga nu ku malung'umba nako aikako imbao zya mikelide, nu kuzikupawila ni langi liyenzu.

Yelemiya 22:5

Lelo ndi cakuti mwakana amazwi yaa, lyene ala nalapa kuno muli ukuti isano lii lilaongoloka liye icitotela. Ivyalanda nene ne Yawe.’”

Yelemiya 44:26

Lelo kwene mungala muvwe ukwizwi lyakwe Yawe mwe ina Yuda mwensi, mwemuno mukaikala umu Eguputo. Yawe akuti, ‘Nalapa umwi zina lyane ilikulu ndi vino, monsi sile umu mpanga ya Eguputo, yatalatala yalumbule izina lyane uku mwina Yuda nanti wenga yati, “Nalapa umwi zina lyakwe Yawe wa umi wa pee.”’

Yelemiya 49:13

Pasi pano nalapa nemweneco ukuti Bozila alasanguka icitala ng'anda, nupya icintu cimwi icakoofezya, camuzewanya nu lutipu. Nupya imisumba ya mwenemo ilasyalilila amatongwa pee.”

Yelemiya 51:14

Yawe Wamaka yonsi walaya umwisikulu ukuti alavuzya antu avule wakwe makanta mu Babiloni, lelo yalakuta impooma yaluzango apa kukulwisya.

Nyimbo zya ndosya 2:5

Yawe wataonona Izlaeli ungati umwanisi wakwe. Wataongolola amasano yakwe yamwene kumwi na malinga aya mwenemo. Wataletela antu amu Yuda ulanda uno utangasila.

Ezekelo 24:21

‘Nena ang'anda yakwe Izlaeli uti Yawe Simwandalali uwavwanga wati lola namakowezya incende yane yamuzilo, cilumba ca maka inu, insansa zya manso inu nga ni ciluka ca myenzo inu. Ana inu aonsi na anaci yano mwasya ku cisila yalafwa ku lupanga.

Oseya 11:6

Inkondo ilonona imisumba yao. Anisi yalavuna imilyango ya mpongolo zyao nu kuyonona, pano aisikulu yalondela sile amapange yao.

Aina Levi 26:11

Nkaiikala namwe mwi Taalu lyane lya Ukongano, nupya ntalatala mufutatile.

Aina Levi 26:30

Ndonona incende zinu zino mukapepela penepo pa twamba, nomoole nu tuvuwa twinu tuno mukaocelapo ubani. Ndasumbila ivyala vinu pa tuluwi twinu twaula umi. Nupya ndapatana namwe. Mu ukali wane

Amosi 3:10

“Yene yatamanya ukucita vyaololoke yayo akazuuzya ivisampwe vino yapokolola mu kwiya.” Avino Yawe wavwanga.

Amosi 3:11

Caleka Yawe Simwandalali wavwanga wati, “Anisi yalalizizya impanga ilya, nu kuongolola amalinga yakweyo, nu kupokolola vyonsi ivyaya mwenemo.”

Amosi 4:2

Yawe Simwandalali mu muzilo wakwe ulya, walapa ati, “Cumi nkumunena ukuti insita iliza lino antu yalamukweta na maswelo wa nswi. Yalamuswela na maswelo wenga wenga mpaka nu wakusyalikizya.

Amosi 5:21

Yawe wavwanga wati, “Amanda inu a vimulo vyamapepo nayapata nupya nsizangila mu ukongano winu uli onsi uwa mapepo.

Amosi 8:3

“Mu wanda ulya inyimbo zyamu Ng'anda ikulu yakwe Leza zilasenuka ziye inyimbo zya ndosya. Ivyala vilavula wakwe cimwi, nga vilaya ntangali ntangali monsi monsi, Kulaya cele!”

Amosi 8:7

Yawe, Leza wa ina Izlaeli, watalapa ati, “Endi, Nemo ntalatala nilile ivicitwa vyao iviipe.

Zakaliya 11:8

Lelo yakacema yatatu yano yampasile, yamansalosya ku nsingo, nani ali pakuyazinga yonsi pa mwezi onga.

Malango 32:19

“Lino Yawe walola vivyo, asoka nga afwita ana yakwe yakalume na yakaci.