Amosi 6:6 - Amazwi Yakwe Leza 2013

⁶ Mukamwela waini mu mbakuli izizule, nupya mukapakala amafuta amununko usuma, lelo musiuvwa ulanda pa ononesi wa mpanga yakwe Yosefu.

Amosi 6:6 ပူးပေါင်းရင်းမြစ်များ

Utandiko 49:22

“Yosefu akoline wa muti uno ukaseeka, muti ukaseeka uno uli pipi ni ntulo ya manzi. Misambo yakweo ikatambilizya pa lung'umba.

2 Yamwene 15:29

Mu manda yakwe Peka umwene waku Izlaeli, Tigilati Pilesa umwene wa ina Asilya, wizile apoka imisumba ya Iyoni, Abeli Beti Maaka, Yanowa, Kedesyi, na Hazoli. Apoka na Gileadi na Galile, ukwika penepo ni mpanga yonsi ya Nafutali. Nga azingila aikazi ya mwenemo ku mpanga ya Asilya.

Esita 3:15

Apa mulandu wakuti ilamulo lyafuma uku mwene Aasuwelo, yakapaso nayo iyakalauka zuwazuwa nu kuitela apa museo. Nakuno yatandikile ukufisya ilamulo uku musumba ukalamba kwene uku Susa. Lino ilamulo likufika, ale umwene na Hamani yatiyikala na pa matebulo yakulya nu kumwa, ali cino umusumba wakwe Susa wali umu cimvulunganya cimwi iciipisye.

Ezaya 28:1

Kalanda ku ng'anda ya cilumba ya akolesi, aina Efulemu nu kwi luwa lyalokota. Ucindami wakwe uyembe, uno watongomala pa mutwe wa nyika ivunde, ya akolesi yakwe waini, auwo ulambalile papo.

Ezaya 5:12

Musitala imusumba na mano ku kucita ivikalonda Yawe. Lelo mukasumba amano ku viila nu kulizya ivyakulizyalizya.

Yelemiya 30:7

Iye mwe vino uwanda uu wakulisya! Kusi uwanda nauze uno wakolana na uu. Insita imwi iya ulanda kuli Yakobo, lelo wene alakululwa.

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Oseya 3:1

Yawe wanenyile ati, “Yanga, nupya ukalange icitemwiko ku muci wako cizelele wino akucita ulenzyo nu monsi muze. Umutemwe wakwe vino Yawe watemwa aina Izlaeli, nanti angala yene yakaya ku kupepa tuleza tuze nu kutemwa ukupeela amawila ya mukate ku tuluwi.”

Amosi 2:8

Antu yakulala cilalelale na pa ncende yakupepelapo, na pa vizwalo kwene vino yapokolola ku apina vyakwe kamukole. Mu ng'anda yakwe Leza amuno yene yakamwela waini wino yapokolola kuli yasimilandu.

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Yoane 12:3

Alino Maliya atoola amafuta ya nadi kulingana na citika wakwe lita, amafuta acinunu nupya amutengo ukome cuze. Alino ayapongolwela pa ngazo zyakwe Yesu, nga amukumbula ingazo ni nyele zyakwe. Lyene ing'anda izulamo kununkila kusuma kwa mafuta.

Loma 12:15

Muzange pamwi na yao akuzanga, losyini pamwi na yao akulosya.

1 Kolinto 12:26

Ndi cilundwa conga ca mwili cacula, ni vilundwa vyuze navyo vikaculila pamwi naco. Ndi cilundwa conga ca mwili catasiwa, ni vilundwa vyuze navyo vikakumako ku luzango lwakweco.

1 Timoti 5:23

Utamwa sile manzi, lelo uwamwa na waini munono kuti akwazwe munda, pano lili lingi wemo ukalwala.