Amosi 6:4 - Amazwi Yakwe Leza 2013

⁴ Kalanda kuno muli mwemuno mukalala pa misanzi inu iyembe, ino yapangilwa ku mino ya nzomvu, mwemuno mukasalala pa mipando inu, nu kuipakizya iminyefu ya ana ya mfwele asuma na ana ya ng'ombe anone.

Amosi 6:4 ပူးပေါင်းရင်းမြစ်များ

Utandiko 37:25

Lino yatenzi yakulya, iukila mulongo wa alendo aina Isumeli yakupita ukufuma ku Gileadi, yakuya ku Eguputo. Ngamila zyao zyasenzile iviya vivule nupya ivyamutengo, ivinyamuti vinunkile na mafuta yakupangila milembo, na mafuta yakulesya ukuola, ala yakuvitwala ku Eguputo.

Esita 1:6

Umusolo onsi uwa mukasi kisano, yauyemvizye ni nsalu izitiswe ni zya cifungo. Yazinyepelelile ni myando uku ntambo izisuma iziyenzulukile. Yakulikila kweneko nu tumipeto twakwe siluva, tuno twali uku ncesi zya mawe atiswe nupya ayengese. Nga nupya umusolo kwene uwa walanga yaumilila nu tumawe ututiswe utuyengese. Kwali utumawe natuze utukoline wa lwili nga natuze utwa misango misango utwamutengo ukome. Nga ala yatiyateyanya nu kuluka ivilako ni vitala ivisuma ivyakulala nu kwikala penepo apa kulya. Ivintu vivyo vyali vyakwe zaabu na siluva.

Masamu 73:7

Mu myenzo yao mukazwa sile iviipe, na mano yao lyonsi yaya apamviwe nu kwelenganya amapange akucita ivitazifile.

Ezaya 22:13

Lelo mwemo kuno muli kwali sile ukusansamuka nu kucina. Mwakomile ing'ombe, yacipambasi nu kufyula imfwele. Nga muvwanga, muti, “Lekini twalya nu kumwa, pano mutondo limwi tulafwa.”

Ezaya 28:1

Kalanda ku ng'anda ya cilumba ya akolesi, aina Efulemu nu kwi luwa lyalokota. Ucindami wakwe uyembe, uno watongomala pa mutwe wa nyika ivunde, ya akolesi yakwe waini, auwo ulambalile papo.

Yelemiya 16:8

Nupya utakezye ukwingila mu ng'anda ya maliila. Utakezye kwikala nu kulya nu kumwa pamwi nayo.

Ezekelo 16:49

Sodoma na ana yakwe yayuvwanga pamulandu wakuti yene yakwatisye ivyakulya, nu kwikala ningo, nanti angala yatasakamalanga ukusunga alanda na apuzi.

Ezekelo 23:41

Nga lyene uwikala pa usanzi ukankala nu kwika itebulo pa nkolelo yakweo, apano utantika ubani wane na mafuta yane.

Amosi 3:12

Yawe wavwanga wati, “Ndi vino kacema akalombola imyendo iili sile, nanti ikutwi lya mfwele iyatiliika kuli cisama, vili vino aina Izlaeli yanono sile yalatuulwa, yayo aikala ku Samaliya pa vilimba vyao vyakupemwililako na pa miceka yao mu Damasiko.

Amosi 8:3

“Mu wanda ulya inyimbo zyamu Ng'anda ikulu yakwe Leza zilasenuka ziye inyimbo zya ndosya. Ivyala vilavula wakwe cimwi, nga vilaya ntangali ntangali monsi monsi, Kulaya cele!”

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Luka 16:19

“Kwali umuntu mukama uwazwalanga insalu ziyenzulukile zyamutengo, uwalyanga ningo nupya watenzi mu luzango lwa manda pe.

Yakobo 5:5

Umi winu muno nsi uwa kuipakizya mu vintu vyamutengo. Lelo ndakai mukoline wa ng'ombe ziine zino zikusendwa ku kukomwa.