Amosi 6:2 - Amazwi Yakwe Leza 2013

² Yangini ku musumba wa Kaline mukailolele. Alino muye ku musumba ukulu ulya uwa Hamati, nga lyene mutentemukile ku Gati ku ina Filisti. Uzye antu amu mawene yaa yalusile amu Yuda nu mu Izlaeli? Uzye impanga yao ikulu kuluta impanga inu?

Amosi 6:2 ပူးပေါင်းရင်းမြစ်များ

Utandiko 10:10

Pa kutandika kwa wene wakwe Nimulodi wateesile imisumba ya Babeli, Eleki, na Akadi, na yonsi itatu yali mu mpanga yaku Syinala.

2 Samueli 8:9

Umwene Tou uwaku Hamati auvwa ukuti Davidi watacimvya ivita vyonsi vyakwe Hadadezeli.

1 Yamwene 8:65

Kuku kwene, uku Ng'anda ikulu yakwe Yawe, ali kuno Solomoni na antu yonsi aina Izlaeli aizile ukufuma ku mupunda waku Lebo Hamati ukuyafika nu ku luzi lwa Eguputo, yazevizye Cimulo ca Nsakwe pa manso yakwe Yawe apa manda cinimbali.

2 Yamwene 17:24

Pacisila cakwe vii umwene waku Asilya wasenzile antu ukufuma mu misumba ii: Babiloni, Kuta, Ava, Hamati, na Sefalavaimu. Ayaleta kuti yize yikale mu misumba yaku Samaliya, umwikalanga aina Izlaeli yano yasenda uzya. Yakukile umu misumba ilya amuno iyaikala.

2 Yamwene 17:30

Aina Babiloni nayo yaipangile utuluwi twakwe tuleza Sukoti Benoti. Aina Kuta nayo yapanga utuluwi twakwe tuleza Nelegali. Aina Hamati nayo yapanga kaluwi ka Asyima.

2 Yamwene 18:34

Ale yali kwi pali ndakai? Yaleza aku Hamati nu ku Alipadi? Yali kwi yaleza aku Sefalavaimu, Hena nu ku Iva? Uzye kuli uwatazile atuula aina Samaliya?

2 Yamwene 19:13

Uzye umwene uwaku Hamati, nanti uwaku Alipadi, nanti uwaku Sefalavaimu, nanti uwaku Hena, nanti uwaku Iva ali kwi?”

2 Milandu 26:6

Apa nsita imwi Uziya waile ku kulwa inkondo na ina Filisti, nga awisya ilinga lyakwe Gati, na lyakwe Yabine, alino na lyakwe Asyidodi. Alino akuululula imisumba iyali mu pipi nu musumba wa Asyidodi nga nu mu ncende zyuze izya mpanga ya ina Filisti.

Yelemiya 49:23

Apa lwa musumba wa Damasiko, Yawe wavwanga wati, “Aikazi amu Hamati na Alipadi, amano yatiyayapeela. Pasi pano yene yatiyuvwa ululumbi ulwipe. Imyenzo yao yafwa cipafi. Yasi yakutekeziwa foo.

Naumi 3:8

Uzye tumati we Ninive ulusile Teebesi? Uzye usi uli musumba uwali umu mbali ya luzi lwa Nailo, uno amanzi yalizizizye? Amanzi ayano yaucingilile, nupya yali wi linga.

1 Samueli 17:23

Lino akulanda nayo, Golyati icipombolo ca ina Filisti, icina Gati, iciza cifuma mu ina Filisti. Icitandika nu kulanda amazwi ali yamwi kwene yano caomvizye pa kutandika. Lilyo ale na Davidi akuuvwako.

1 Samueli 17:4

Umu nsakwe zya ina Filisti imwiza mufuma icipombolo ca muntu conga, ukufuma ku Gati. Izina lyakwe a Golyati, wiyo uwali amamita yatatu mu utali.

1 Samueli 5:10

Acino iyatuma Mbokosi ilya iya Upangano yakwe Leza ku Ekiloni. Lino yakwingizya Mbokosi ilya mu musumba wa Ekiloni, aikazi ya mwenemo iyapunda iyati, “Yatuletela Mbokosi ya Upangano yakwe Leza wa ina Izlaeli kuno pakuti yatukome kumwi na antu itu!”

1 Samueli 5:8

Acino iyakonganika intunguluzi zyonsi zya ina Filisti nga iyayuzya iyati, “Uzye tumacita cani ku Mbokosi ii iya Upangano yakwe Leza wa ina Izlaeli?” Nayo iyaasuka iyati, “Tumini akuti yaitwale ku Gati.” Acino iyatwala Mbokosi ilya ku Gati.