Amosi 6:14 - Amazwi Yakwe Leza 2013

¹⁴ Lelo Yawe Leza wa maka yonsi akuti, “Indamutumila antu amu mutundu uze kuti yize yamuponyezye inkondo, mwe ina Izlaeli. Yene yalamuzunya nzila yonsi ukutandikila sile ku Lebo Hamati mpaka ukufika nu ku cifoloma ca Alaba.”

Amosi 6:14 ပူးပေါင်းရင်းမြစ်များ

1 Yamwene 8:65

Kuku kwene, uku Ng'anda ikulu yakwe Yawe, ali kuno Solomoni na antu yonsi aina Izlaeli aizile ukufuma ku mupunda waku Lebo Hamati ukuyafika nu ku luzi lwa Eguputo, yazevizye Cimulo ca Nsakwe pa manso yakwe Yawe apa manda cinimbali.

2 Yamwene 14:25

Yeloboamu umwana wakwe Yeowazi nawe wapokolwile impanga yonsi iyo iyali iya ina Izlaeli mpiti, ukutandikila sile uku nzila yaku Lebo Hamati lwaku katutu, ukufika na kuli Yemba wa Musilya. Ali vino Yawe, Leza wa ina Izlaeli walavile umuomvi wakwe, Yona umwana wakwe Amitai, kasema waku Gati Hefeli.

2 Yamwene 15:29

Mu manda yakwe Peka umwene waku Izlaeli, Tigilati Pilesa umwene wa ina Asilya, wizile apoka imisumba ya Iyoni, Abeli Beti Maaka, Yanowa, Kedesyi, na Hazoli. Apoka na Gileadi na Galile, ukwika penepo ni mpanga yonsi ya Nafutali. Nga azingila aikazi ya mwenemo ku mpanga ya Asilya.

2 Yamwene 17:6

uo uwali ali mwaka uwalenga fundimbali uwa utesi wakwe Hosyea, umwene waku Asilya apoka Samaliya nu kusenda aina Izlaeli uku Asilya wa yanyepwe. Yamwi yayatwazile umu musumba wa Halaa, mu pipi nu ku luzi lwa Haboli mwi boma lyaku Gozani. Alino yamwi umu misumba yaku Medi.

Ezaya 7:20

“Mu wanda ulya Yawe alaya uku mbalama ya luzi lwa Yufulate, uku kuyasenda umuntu umwi, umwene waku Asilya, wiyo wamanya ukupela inyele. Wiyo aliza amupele ku mutwe nga apele ni pipi ku makulu inu, kumwi ni vilezu vinu kwene.

Ezekelo 47:20

“Ku uwondaka ali kuno Yemba wa Adiliya alaya umupaka, ukufika apa lungatana nu wingililo waku Hamati. Uo ulaya ali mupaka waku uwondaka.

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Amosi 3:11

Caleka Yawe Simwandalali wavwanga wati, “Anisi yalalizizya impanga ilya, nu kuongolola amalinga yakweyo, nu kupokolola vyonsi ivyaya mwenemo.”