Amosi 6:12 - Amazwi Yakwe Leza 2013

¹² Uzye pa mawe imfwalasi zingasimulapo? Uzye pali yemba umwi angalimapo ni ng'ombe? Lelo mwemo mwasenula ulungami waya a sumu, nga ni vyaololoke vyonsi mwavicita ivyakutitikizya nu kuzunya antu.

Amosi 6:12 ပူးပေါင်းရင်းမြစ်များ

Ezaya 48:4

Namanya ukuti mwakoma imitwe, nupya yakoma wa cela. Mwaya aumalale wa cela ca mukuwa.

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Oseya 10:13

Lelo mwemo mwakomile ukakasi, nu kuzombola inkota. Mwalya iviseekwa ukufuma mu ntumpu zinu. Pamulandu wakuti mwasintilile mu maka inu, nu mu wingi wa vita vinu,

Oseya 10:4

Yamwene yayo yakalaya amaila aingi, nu kucita imilapo yaufi nu kupangana vipangano vyasilesile. Caleka ulungi wati usanguka ulufyengo lulo luno lukukula kwati ivikona iviipisye mu calo.

Amosi 2:3

Indakoma kateeka wao kumwi ni vilolo vyakwe, kumwi nu mwisikulu kwene.”

Amosi 3:10

“Yene yatamanya ukucita vyaololoke yayo akazuuzya ivisampwe vino yapokolola mu kwiya.” Avino Yawe wavwanga.

Amosi 5:7

Kalanda kunomuli mwemuno mukanyonganika ulungami, mwemuno mukakonya vyaololoke.

Mika 7:3

Yene a yafundi apakucita iviipe. Intunguluzi zikalenga amawila, na yakapingula nayo yakalonda amafukakanwa. Antu yamaka nayo yanena antu iviipe vino yakasi. Avili vino yene yakaumana akapi.

Yakobo 3:18

Lyene usuma uli uzombozi uno ukafuma ku mbezu zino yakacita ya mutende yakakomela.