Amosi 6:1 - Amazwi Yakwe Leza 2013

¹ Kalanda kuno muli mwemuno mwaiteeka katungalala kuko ku Zioni, na kuli mwemuno mutakwaziwa mu myenzo kuko ku Samaliya. Kalanda kuno muli mwe akama pakasi ka ina Izlaeli, mwemuno antu yonsi yakaiza kunomuli kuti muyazwe!

Amosi 6:1 ပူးပေါင်းရင်းမြစ်များ

1 Yamwene 16:24

Wene wakazile umulundu wa Samaliya kuli Syemeli pa mpiya zyakwe siluva ukulingana amakilogalamu 6,000. Alino akuula umusumba pa mulundu ulya nga autemela ni zina ati a Samaliya, apakwiusizya kweneko Syemeli uwali umweneco wa mulundu uwa uno wakazile.

Masamu 123:4

Apa nsita ntali, twaculisya muno uku misowe ya akama, nga nu kusuulwa uku antu ya vilumba.

Mapinda 1:32

Pano ukupumboka kwa mbulwamano kukayaletela imfwa, nga nu kuzenzemba kwa viwelewele kukayatwala sile ukwilovyo.

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Yelemiya 2:3

Izlaeli wali uwakwane nene sile nenga. Wene wali icuma cane camuzilo. Wiyo wensi wino cala cakumba wamuzanza, ala wene wailetelela sile wenga. Ivyalanda Yawe.”

Yelemiya 48:11

Yawe wavwanga wati, “Moabu ukutandikila sile ku wance wakwe wikalanga ku matwi cele. Atatazile asendwepo ku uzya. Impanga ya Moabu yaya wakwe waini, umwikalilile, wino yatatala yitulwila umu nkolo zyuze. Fwandi nu kununkila kwakwe kutatala kusila. Kwaya sile mumu kwene muno kwayela.”

Yelemiya 49:31

Katukini mukalwisye umutundu utakwata isakamiko, uno wikala ku matwi cele. Uno utakwata impongolo nanti imikolongelo, wikala sile pwanku onga mpo. Ivyalanda ne Yawe.

Yelemiya 5:5

Acino namaya ku ntunguluzi kuti nkazilandile. Cumi kwene zyene zimanyile inzila zyakwe Yawe, na vino wene akalonda kuti zyacita.’ ”

Yelemiya 7:4

Tiini ukutaila mu mazwi yalya ausomvi nu kuvwanga muti, “Sweswe yacingililwe! Ii, ili Ng'anda ikulu yakwe Leza, ii ili Ng'anda ikulu yakwe Leza, ii ili Ng'anda ikulu yakwe Leza!”

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Amosi 3:2

“Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”

Amosi 3:9

“Upundilile ku antu akaikala umu malinga aku Asyidodi, nu ku antu akaikala mu malinga aku Eguputo. Uyanene kuti yakongane ku myamba iyazinguluka Samaliya, alino mulole icimvulunganya icili kweneko, ni vyaukakasi nu lufyengo ivikucitikila aikazi ya mwenemo.

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Amosi 5:27

Caleka nemo ndamuzingila uku uzya, ukutali ukupuzya umusumba wa Damasiko.” Avino Yawe wavwanga, wino izina lyakwe a Leza Wamaka yonsi.

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

Amosi 9:10

Yakaifya yonsi amu antu yane yalakomwa umu nkondo, yayo yonsi yano yakati, ‘Uzanzo utalatuponela nanti ukutupalamila.’

Mika 3:1

Lyene imvwanga nti, “Uvwini mwe ntunguluzi zyakwe Yakobo, mwemuno mukateeka amu luko lwakwe Izlaeli! Uzye yayo alinzile kumanya ulungami asi amwemwe,

Zefaniya 1:12

Apa nsita iyo ndatoola ulukozyo ince nje mukunengula umusumba wa Yelusalemu. Ndavunuka antu atasakamalapo nanti cimwi, akaikala mu musango uno aeneco yakulondelamo, yao akaelenganya iyati, ‘Awe Leza atalacitapo icintu nanti cimwi, icisuma nanti iciipe kwene.’

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

Yakobo 5:5

Umi winu muno nsi uwa kuipakizya mu vintu vyamutengo. Lelo ndakai mukoline wa ng'ombe ziine zino zikusendwa ku kukomwa.

1 Petulo 5:7

Ikini masakamiko inu pali Leza, pano wene akamusakamala.

Yakapingula 18:7

Acino aonsi yalya yasano pali pakukatuka nga iyaya ku musumba wa Laisyi. Yaweni vino antu ya kweneko yakaikala umu kucingililwa wa ina Sidoni. Yene antu atemwa umutende, aikala ku matwi cele, nupya yasicita ivikanza nu muntu. Antu yaa yatulilwe ivintu vino yalondanga. Yene yikalanga ukutali nu kwali aina Sidoni nupya yatakweti kapitilo na antu yauze asyala.