Amosi 5:6 - Amazwi Yakwe Leza 2013

⁶ Mwemo muzye vino Yawe akulonda, pakuti muye nu umi. Ndi mutangacita vivyo, wene alakatukila amu mutundu wakwe Yosefu ndi vino umoto ukaoca, alino umoto uo ulakomola aina Betele yonsi pyu ukwaula nanti umwi uwakuuzimya.

Amosi 5:6 ပူးပေါင်းရင်းမြစ်များ

2 Samueli 19:20

Musambazi imanyile ukuti nifya, nupya uli mulandu uno ilelo nene naya uwankolelo mu amu mutundu wakwe Yosefu ukwiza kunoli ku kukomenkanya, we mwene wakwisaci.”

1 Yamwene 11:28

Yeloboamu wali umulumendo umwi ipaka lya maka. Fwandi lino Solomoni walola kuno umulumendo akuombesya ali pakumupeela umulimo wakwangalila yonsi akwiza ku kuombela kwi sano, amu mutundu wakwe Yosefu.

2 Milandu 34:25

Nemo yansangukila, yatandika nu kocela tuleza tuze ubani. Yene yansosya umwenzo pali vyonsi vino yacita. Nani ne Yawe nasokela aina Yelusalemu nupya ntalezya nu kuwezya umwenzo.

Masamu 27:8

Watulaizya kunondi uti, “Ndanga kunondi.” Ee we Yawe, fwandi ali cino niza.

Masamu 69:33

Pano umwene, akauvwa alanda nupya asiilila nu ku antu yakwe, yayo aisumba umu milimo yakwe.

Kufuma 22:6

“Muntu umwi ndi wasonteka umoto mu calo cakwe, lyene umoto walemela nu kuyaoca ingano izili mu calo ca muze, kumwi nazino yatulika kweneko, nanti koca icalo umuli vilimwa, umuntu wiyo alinzile ukulipa pali vino vyononeka.

Ezaya 1:31

Vivi kwene vino icimbilimbili cikaoca icimuti icume, ali vino na antu yamaka yalapila pamwi ni vicitwa vyao. Nupya kutalaloleka umuntu nanti wenga alalesya ukuti antu yayo yakane ukononeka.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Ezaya 55:6

Londini Yawe apa nsita ino angazanwa, mwamini lino ali mupipi.

Yelemiya 38:20

Yelemiya wamwasuka wati, “Utalapeelwa mu makasa yao foo. Wemo ule uvwe sile izwi lyakwe Yawe ndi muno namakunenela, apakuti cikuzipile, upususye umi wako.

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Ezekelo 21:3

nena impanga yakwe Izlaeli uti, ‘Yawe wavwanga wati lola nakukatukila, namasomola ulupanga lwane mu cituwo, pakukoma umulungami pamwi ni ntalanganyi.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Ezekelo 37:19

uyanene ukuti ne Yawe Simwandalali, ndatoola intuwa iyo iyalembwapo Izlaeli, nu kuilemenkanya pamwi naino yalembwapo Yuda. Ndazisangula intuwa yonga sile, nupya ndailemela sile umwikasa lyane lyonga.

Amosi 3:14

Pa wanda uno ndavunuka aina Izlaeli pamulandu wa uyi wao, ndatamola utuvuwa twaku Betele, nga ni mpembe zyatuko zilavunolwa nu kupona pansi.

Amosi 5:14

Mwike imyenzo inu pa visuma asi pa viipe awe, kuti muye nu umi. Lyene Yawe Wamaka yonsi alikala namwe lyonsi, ndi vino mwavwanga ukuti avino waya.

Amosi 5:4

Yawe akunena ang'anda yakwe Izlaeli ati, “Izini kunondi, nga mumaya nu umi.

Amosi 6:6

Mukamwela waini mu mbakuli izizule, nupya mukapakala amafuta amununko usuma, lelo musiuvwa ulanda pa ononesi wa mpanga yakwe Yosefu.

Zefaniya 2:3

Zenzukini nu kwiza kuli Yawe, mwensi mwe ikazi ya mpanga, yano yakayela amalamulo yakwe. Citini ivyaololoke nu kuicefya pa manso yakwe Yawe. Limwi muluutuka ukuvunukwa apa wanda uno Yawe alasokolola ukali wakwe.

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

Malango 4:24

pamulandu wakuti Yawe Leza winu akoline wa cimbilimbili ca moto. Wene asizumilizya kupepa tuleza tuze.

Yoswa 18:5

Impanga ili nu kwankanyiziwa mu viputulwa cinimbali. Umutundu wakwe Yuda uli nu kusyala mu muputule wa mpanga iyapeelwa kuno uli iyayela ku kaeya. Nu muputule wakwe Yosefu nao mu muputule wa mpanga iyayela ku katutu.