Amosi 5:5 - Amazwi Yakwe Leza 2013

⁵ Lelo mutakongana ku Betele ku kupepa, nanti ukwingila mu Giligali ku kundonda, nanti ukuya pa lwendo ku Belisyeba. Cumi kwene aina Giligali yalasendwa umu uzya, nu musumba wa Betele ulaongolokela limwi.”

Amosi 5:5 ပူးပေါင်းရင်းမြစ်များ

Utandiko 21:31

Caleka cifula yacitemela izina yati Belisyeba, pamulandu wakuti apano antu oili yacitile umulapo.

Utandiko 21:33

Nga Abulaamu alema umuti wa tamalisiki pa Belisyeba, nu kupepa Yawe Leza, wape nape.

Utandiko 26:23

Isaki afuma kuku aya ku Belisyeba.

Utandiko 26:33

Alino atemela cifula cici izina ati, “Syiba. Uli mulandu uno nilelo cifulo cici cicili cikaamwa Belisyeba.”

1 Yamwene 12:28

Pacisila ca kwelenganya vivyo, umwene wilya ali pakupanga utwana twa ng'ombe twiili twakwe zaabu. Alino anena antu yakwe ati, “Palengela sana mwemo mwalamwaya ku Yelusalemu ku kupepa. Mwe ina Izlaeli mwe, ala tuleza twinu aetu, utwamufumizye mu mpanga ya Eguputo!”

1 Yamwene 12:29

Alino Yeloboamu atoola akaluwi konga nga akiika mu Betele, na kauze akiika mu Dani.

2 Yamwene 23:8

Yosiya ali pakuswilizya yasimapepo umu Yelusalemu, yao yonsi yano yali umu misumba yamu Yuda. Alino atamola ivintamba vyonsi ivyali umu ncende zya kupepela mwenemo utuluwi, ukutandikila ku Geba mpaka ukufika nu ku Belisyeba, kuko kuno yasimapepo yocelanga ubani. Atamola nu tuvuwa pano yocelanga imbuzi uku tuluwi, tuno twali umu pipi na pa wingililo wa mpongolo yakwe Yoswa, ino umulasi wa musumba wakuuzile, izyayelile lwa kwimani ya mpongolo ikalamba ya wingililo wa musumba.

Yobo 8:22

Alino yao akupata alayaletela insonyi. Na mang'anda yakwe yakacita ya viipe yalalowa.”

Masamu 33:10

Yawe akaonona nu kuvulunganya amapange ya ikala nsi. Akavulunganya nu kupasola amapange ya mitundu.

Ezaya 29:20

Antu yalukang'ansi na yano yasuula Leza yalalowa. Ala aipe yonsi yalalowa.

Ezaya 8:10

Muiteyanye vino muli nu kucita. Lelo kwene pasi cino mulacita. Mutake vyonsi vino mungataka, lelo mukuicuzya sile. Pano swemo Leza waya naswe.

Yelemiya 48:13

Alino lyene Moabu insonyi zilamulema pali Kemosyi, ndi vino zyalemile ang'anda yakwe Izlaeli lilyo lino yataile muli Betele, kaleza kaluzi.

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Oseya 12:11

“Lelo antu yakupepa utuluwi ku Gileadi. Yayo akapepa utuluwi tuto yalafwa. Yene yakapela impolelwa uku Giligali, lelo utuvuwa twao kuku tulaongololwa tuye wa mutumba wa mawe umu musonso.

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

Oseya 9:15

Yawe akuti, “Uyi wao onsi ulaloleka makamaka ku Giligali. Kuku akuno natandike ukuyapata. Ndayazinga mu mpanga yane, pamulandu wa vicitwa vyao iviipe. Ntalatala njatemwe nupya. Intunguluzi zyao zyonsi zyansangukila.

Amosi 1:5

Indonona impongolo zya misumba yakucingilila umusumba waku Damasiko. Indononela calimwi umwene wensi akateeka uku Cifoloma caku Aveni. Na wensi akulemelela intuwa ya wene uku Beti Edeni. Antu aku Alamu yalasendwa umu uzya ku mpanga yaku Kili.”

Amosi 3:14

Pa wanda uno ndavunuka aina Izlaeli pamulandu wa uyi wao, ndatamola utuvuwa twaku Betele, nga ni mpembe zyatuko zilavunolwa nu kupona pansi.

Amosi 4:4

“Yangini ku ncende yamuzilo ku Betele, mutandike nu kwifya kweneko. Yangini ku Giligali mulundulule nu kwifya. Letini amawila inu yonsi a cikumi cila manda yatatu.

Amosi 7:10

Ku Betele kwali simapepo umwi uwi zina lyakwe Amaziya. Wene watumile inkombe kuli Yeloboamu, umwene waku Izlaeli na mazwi akuti, “Amosi akukatusya intazi apa kutunkola antu amu Izlaeli kuti yakusangukile. Antu yatange yasuule sile amazwi yonsi yano akuvwanga.”

Amosi 7:13

Utakaswilizye kusema ku Betele pasi pano kuku uku ncende yamuzilo iya mwene nupya ukuli ni ng'anda ikulu yamu wene.”

Amosi 7:17

Caleka Yawe akuvwanga ati, “Umuci wako alaya cizelele mu musumba kwene uu. Alino ana yako aonsi na anaci kwene yalakomwa mu nkondo. Impanga yako alayankanya nu kuipeela ku antu yauze. Wemo wemwisikulu ulafwila ku mpanga ya antu atamanya Leza. Alino umucumi aina Izlaeli yalasendwa kuku umu uzya, ukutali ni mpanga ya kumwao.”

Amosi 7:9

Incende zya kupepelamo zya amu mupanda wakwe Isaki zilononwa. Incende zyakupepelamo zya ina Izlaeli zilatamolwa. Nupya ndawisya ang'anda yakwe Yeloboamu umu ulwi.”

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

1 Kolinto 1:28

Wene wasolwile cico cino antu amu nsi yatazyela nu kusuula, nga nu kwelenganya ukuti icasilesile pakuti aonone cico cino antu amu nsi yakaelenganya vino icampomvu.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

Malango 28:41

Mulavyala ana aonsi na anaci, lelo mulayaponzya, pamulandu wakuti yalayasenda mu uzya.

Yoswa 5:9

Lyene Yawe anena Yoswa ati, “Ilelo natimfumya ukunenola kwa ina Eguputo panomuli. Acino na pilelo kwene icifulo cici cikaamwa ukuti Giligali.”

Umbwilo 18:17

Lyene wataponzya vyuma vyakwe vyonsi muli aawa wenga!” Intunguluzi zyonsi zya mato akulu na alendo, yakapita amu mato nga na antu yauze yonsi yano yakalonka pali yemba, yonsi kwene iimilila patali,

1 Samueli 11:14

Alino Samueli ayanena ati, “Twendini twapita ku Giligali nga nupya kwene kuku akuno tukalande apaswe ukuti Saulo umwene witu.”

1 Samueli 7:16

Cila mwaka wayanga ku Betele, nga afuma kweneko aya ku Giligali nu ku Mizipa, ala akupingwila aina Izlaeli imilandu umu ncende zizi zyonsi.

1 Samueli 8:2

Izina lya mwana wakwe uwi yeli a Yowelo nga ni zina lya mwana wakwe cikonka iyeli a Abiya, nga yatumikilanga wakwe yakapingula ku Belisyeba.