Amosi 5:2 - Amazwi Yakwe Leza 2013

² “Izlaeli, umwanaci atamanya umonsi, nupya asi namikatukile awe. Wapona nu kwililika panonsi ponsi pano wikala. Pasi umuntu nanti wenga uwakumukatusya.”

Amosi 5:2 ပူးပေါင်းရင်းမြစ်များ

2 Yamwene 15:29

Mu manda yakwe Peka umwene waku Izlaeli, Tigilati Pilesa umwene wa ina Asilya, wizile apoka imisumba ya Iyoni, Abeli Beti Maaka, Yanowa, Kedesyi, na Hazoli. Apoka na Gileadi na Galile, ukwika penepo ni mpanga yonsi ya Nafutali. Nga azingila aikazi ya mwenemo ku mpanga ya Asilya.

2 Yamwene 17:16

Yonona amasunde yakwe Yawe Leza wao yonsi, yapanga ivimumbwa vya ng'ombe, yacipambasi yaili avyela, avino yamafukamila nu kupeela ntaizyo kuno vili. Yapanga nu unkolanya wakwe kaleza kanaci ka Asyela, nu kupepa intanda nu kuombela Baali.

Ezaya 14:21

Ukukomolwa kwange kule kutandike! Uleke ana yamwene yafwe apamulandu na maifyo ya vikolwe vyao. Cizipe kutakatale kuye uwakuti akateeke nupya, panonsi nanti mu misumba.”

Ezaya 24:20

Insi yonsi imapempezyokanga ungati umuntu wilya, wino watakoleka waini. Imasunkananga ungati akamusakuta kano icipunga cikupunganya. Insi yonsi yatiyinamila sile apa nsi pamulandu nu uyi wakwe iliyo, imaifwanta sile pansi icinzamba, icakuti nu kukatuka italatala ikatuke foo. Akasita kamwi kamafikila lino Yawe amapezya.

Ezaya 3:8

Ala umu cumi, Yelusalemu alaongoloka, Yuda alawa, pano imivwangile yao, ni vicitwa vyao vikacuzya Yawe, yakamutukola apaswe.

Ezaya 37:22

Na pakulanda pali aliwe, Yawe wavwanzile ati, “We Senakelibu we, ala mwine umusumba wa Yelusalemu watiukusuula wakwe cimwi nupya nu kukuwela ukukuwela.

Ezaya 43:17

Ali muno natungulwile ni umba lya vita ilikalambane, ilya maceleta ni mfwalasi, mpaka ndyonona, ndikunta na pansi ukwaula kukatuka, mpaka yazima wa utambi.

Yelemiya 14:17

Yawe wampile ilamulo lyakunena antu pamulandu nu ulanda uno nakweti nga nani inti, “Amanso yane yakwituluka sile aminsozi umusanya nu usiku ukwaula nu kuta. Cizipe ntata ukulila pamulandu wakuti antu yane yatiyaponelwa nu uzanzo umwi uwipisye. Yati yaciswa ivilonda iviipisye.

Yelemiya 18:13

Yawe akuti, “Mutale muzye imitundu yonsi ndi cakuti umuntu umwi wino uvwa cintu camusango ndi uu, cakuti umukazyana atatala wamanya umonsi, wacita icintu iciipisye!

Yelemiya 2:27

Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Yelemiya 4:20

Uzanzo walondela apa uzanzo uze. Ni mpanga yonsi yatiyononeka umu kasita sile akanono. Amataalu yane yatiyononeka umu kupumikizya, icifulo cane naco umu kasita kanono.

Yelemiya 50:32

Mwe antu amu mutundu wacilumba, mumatangananga sile nga nu kupona mumaponanga. Nu wakumukatusya kutalaya. Nemo namaoca imisumba yonsi ni vintu vyonsi, ivyaya umu mbali mbali navyo kwene vili nu kupya.

Yelemiya 51:64

Uvwange nu kuti, ‘Ali vino Babiloni alalowa. Atalatala nupya azyuke kwi syamo lino ndamuletela.’ ” Apa pelela amazwi yakwe Yelemiya.

Yelemiya 8:4

Yawe anena kuti nene antu yakwe inti, “Uzye lino umwi wapona atange akatuke nupya? Na wino waponga inzila, uzye atange aweluluke nupya?

Yelemiya 9:21

Imfwa yatitwingilila umu mawindo itu yatiingila nu mu mang'anda itu acindame. Yatikoma ana anono umu miseo na ance mu masokoni.

Yelemiya 9:9

Uzye kwene nemo ntalayavunuka apa vintu vivyo viipe? Uzye kwene umutundu wa musango ndi uo ntange ndandule? Ne Yawe natindanda.”

Nyimbo zya ndosya 2:13

Iye mwe Yelusalemu, we musumba uno natemwisya, uzye namalanda cani? Ningakutekezya ntuli? Kutatala kwaya uwacula ndi vii. Ucuzi wako umakulilangako sile ukwaula impela, nga kusi nu upaalilo.

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Oseya 6:2

Umu manda yaili nanti yatatu wene alatupuputula, nga naswe tulaya nu umi pa manso yakwe.

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.