Amosi 5:14 - Amazwi Yakwe Leza 2013

¹⁴ Mwike imyenzo inu pa visuma asi pa viipe awe, kuti muye nu umi. Lyene Yawe Wamaka yonsi alikala namwe lyonsi, ndi vino mwavwanga ukuti avino waya.

Amosi 5:14 ပူးပေါင်းရင်းမြစ်များ

Utandiko 39:23

Kalinda wa anyepwe acefya nu kwangalila, nga vyonsi vyali mu makasa yakwe Yosefu pano Yawe wacingililanga Yosefu nu kulenga kuti vyonsi vino wacitanga vyamuzipila.

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 97:10

Yawe watemwa antu yano yapata iviipe, akasungilila imyenzo ya antu yakwe, nu kuyapususya umu minwe ya aipe.

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

Mapinda 11:27

Umuntu wa muzonda uku visuma wene akacindikwa, lelo wiyo akalondalonda iviipe aliwe kwene vilizila.

Ezaya 55:2

Icani cino mungasumbila impiya pali vino visi vilyo, na malipilo inu pa vintu vino visiikusya? Munguvwe, muntezye, nga muce mukakwate ivyakulya visuma nu kuipakizya vyakulya vilyompe.

Ezaya 8:10

Muiteyanye vino muli nu kucita. Lelo kwene pasi cino mulacita. Mutake vyonsi vino mungataka, lelo mukuicuzya sile. Pano swemo Leza waya naswe.

Amosi 3:3

Uzye antu yaili yangapitila pali pamwi ukwaula kuzumilizyanya?

Amosi 5:6

Mwemo muzye vino Yawe akulonda, pakuti muye nu umi. Ndi mutangacita vivyo, wene alakatukila amu mutundu wakwe Yosefu ndi vino umoto ukaoca, alino umoto uo ulakomola aina Betele yonsi pyu ukwaula nanti umwi uwakuuzimya.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Zefaniya 2:3

Zenzukini nu kwiza kuli Yawe, mwensi mwe ikazi ya mpanga, yano yakayela amalamulo yakwe. Citini ivyaololoke nu kuicefya pa manso yakwe Yawe. Limwi muluutuka ukuvunukwa apa wanda uno Yawe alasokolola ukali wakwe.

Mpendwa 16:3

Awe mukwai yonsi yao iyakonganila Mose na Aaloni iyayanena yati, “Awe lyene cafula! Antu yaa yonsi akwe Yawe, nupya Yawe ali naswe kwene swensi. Uzye lyene pacani cino wemo Mose ukuyuvwa nu kuika papeela ukucila umuntu wensi umwi uvi lii?”

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

2 Timoti 4:22

Mwene asunge umi wako. Cikuku cakwe Leza ciye namwe mwensi.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”