Amosi 5:13 - Amazwi Yakwe Leza 2013

¹³ Uli mulandu apa nsita yamusango uu, umuntu wa mano akaikala cele, pasi pano yene ili nsita imwi iipisye.

Amosi 5:13 ပူးပေါင်းရင်းမြစ်များ

2 Yamwene 18:36

Antu yonsi apakuvwa vivyo iyaya sile zii, pamwi nu mwene Hezekiya kwene, ndi muno wayanenyile. Yikala sile kututu.

Yobo 32:16

Nemo nali nkulolela sile. Lyene fwandi vino yamyalala, uzye nani kwene myalale?

Masamu 38:14

Indi sile wa muntu asiasuka, pamulandu wakuti atange auvwe.

Kasambilizya 3:7

Kwaya insita ya kulepola ni nsita ya kusuma, kwaya insita ya kwikala cele ni nsita ya kuvwanga.

Kasambilizya 9:12

Umuntu atange amanye lino insita yakwe iliza. Cili wakwe vino ivyunyi vikaiukila ivilemya mu lukose, wa nswi ikaiukila yatilemya mwi sumbo. Avino naswe kwene tukaponelwa na masyamo pa nsita ino tutenekile.

Ezaya 36:21

Awe cumi, lyene alino antu nayo yikala sika! Yikala cele ukwaula ni cakwasuka, pano umwene Hezekiya wayakonkomizye ukukana asukako.

Ezaya 37:3

Nayo ali pakuya mufisizya amazwi ya mwene iyati, “Uwanda uu, uwanda umwi uwa kuculamo. Uwanda umwi uwakusinkolwa nupya uwakuuvwamo ni nsonyi. Lyene swemo tuli sile wa mwanaci atakweti amaka yakupapa lino insita yakwe yamufikila.

Oseya 4:4

Yawe akuti, “Lelo mutaleka umuntu ali wensi asiike umulandu, ali wensi wakupeela umuze umulandu, pano umulandu uli pakasi kane nga namwe yasimapepo.

Amosi 6:10

Uwa kazi kakwe wiyo uwatafwa, wiyo alinzile kusunga indosya aliza nu kwizafumya icala umu ng'anda iyo. Alino aluzya ali wensi uwatasyala afisime umu ng'anda kwene ilya ati, “Uzye mumo muli umuntu namuze umupuma wino muli nawe?” Nga nawe alaasuka ati, “Awe, musi nanti wenga.” Alino uwakazi wilya alavwanga ati, “Ikala sile myaa! Tutezya ukulumbula izina lyakwe Yawe.”

Mika 2:3

Caleka Yawe wavwanga wati, “Inkwelenganya ukumuponyezya imipamba, nupya mutalutuka awe. Muliukila sile ukuti muli umu ntazi, nupya mutalatala mupite cilumba cilumba, pano ilaya insita ya viipe.

Habakuku 3:16

Ndi nuvwa vyonsi vii, awe Mwene nkuvwa intete. Ni milomo yane izakaza nu kulumanya incecete pamulandu wa congo. Umwili wane onsi iuma uti kwililili. Alino ni ngazo zyane izipumika pansi.

Efeso 6:13

Caleka ndakai muipangasye vyanzo vyakwe Leza. Lyene lino uwanda uwa uwipe uliza, mwemo mulaya na maka akuipokolola mukulolenkana nu mwanisi. Alino pacisila cakulwisya kufika nu kumpela, mulazyansya.

2 Timoti 3:1

Iusya ukuti mu manda akusyalikizya mulaya tusita tutale.