Amosi 5:1 - Amazwi Yakwe Leza 2013

¹ Mwe luko lwakwe Izlaeli uvwini amazwi yaa, yano namamunena umukuilizyanya kunomuli.

Amosi 5:1 ပူးပေါင်းရင်းမြစ်များ

Yelemiya 18:13

Yawe akuti, “Mutale muzye imitundu yonsi ndi cakuti umuntu umwi wino uvwa cintu camusango ndi uu, cakuti umukazyana atatala wamanya umonsi, wacita icintu iciipisye!

Yelemiya 7:29

Losyini, mwe ina Yelusalemu. Pelini inyele zinu muzisumbe. Saulini ulwimbo lwa malanda pa tumpuke, apamulandu wakuti ne Yawe nene musoke, nupya natinkana antu yane.

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Yelemiya 9:17

Yawe Wamaka yonsi wavwanga wati, “Elenganyini pa vintu ivikucitika! Amini yamangu akulosya kuti yize. Tumini akuya aama yamangu amanyikisya ukwimbila inyimbo zya ndosya.”

Yelemiya 9:20

Alino nani imvwanga inti, “Mwe yamangu ala siuvwini vino Yawe wavwanga. Sumbini amano ku mazwi yakwe. Sundini ana inu yakaci umusango wakulosezyamo. Musunde na yacuza inu kwene vya kwimbila inyimbo zya ndosya.

Yelemiya 9:9

Uzye kwene nemo ntalayavunuka apa vintu vivyo viipe? Uzye kwene umutundu wa musango ndi uo ntange ndandule? Ne Yawe natindanda.”

Ezekelo 19:1

Yawe anena ati, “Ale lyene saula ulwimbo lwakulosya intunguluzi ziili zya ina Izlaeli uti,

Ezekelo 19:14

Nga alino mu cimuti kwene ca mutingi mufumamo umoto, nao wiza oca misambo yakweo kumwi ni viseekwa vyakweo. Awe imisambo iyo yakweo italatala ikome nupya, nupya italatala iye intuwa zyakwe yakateeka.’ Fwandi lulo ali lwimbo lwa ulanda, ulukaimbwa lili lili apa ndosya.”

Ezekelo 26:17

Apa kulosya zilati, ‘Owe mwe vino ononeka nu kulowelela muli yemba, we musumba wa lulumbi! Antu yako yali ali yeneco yakwe yemba, nupya aofyanga na antu yonsi aku mulundu.

Ezekelo 27:2

“We mwana wa muntu, imba ulwimbo lwa ulanda ulukumile Tuli.

Ezekelo 28:12

“We mwana wa muntu, saula ulwimbo lwakulosya umwene waku Tuli. Munene ukuti ne Yawe nkunena umwene waku Tuli inti, ‘Wemo wali icilangililo cimalilike, amano yako yazile tupu nu kuyemba kufumaluke.

Ezekelo 32:16

“Amazwi yane yaa yalaya ulwimbo lwa ndosya, nga akazyana ainamasi yalaimba, ukwimbilila Eguputo ni vita vyakwe. Ivyalanda ne Yawe Simwandalali.”

Ezekelo 32:2

“We mwana wa muntu, imbila Falao, umwene waku Eguputo, ulwimbo lwa ndosya. Umunene ilandwe lii uti, Wemo ukoline na cisama apakasi ka nko. Ukoline na mung'amba muli yemba wino akuitamola apa manzi

Amosi 3:1

Mwe uvwini amazwi yano Yawe wavwanzile, amazwi akumukalipila mwe ina Izlaeli. Kuli kuti uluko lonsi luno wafumizye mu mpanga ya Eguputo. Wene wavwanzile ati,

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Amosi 5:16

Uli mulandu uno Mwene, Yawe Wamaka yonsi akuvwanga ati, “Mu miseo yonsi ya misumba mulaya ukulila, nupya mu misolo yonsi antu yalakuuta impooma. Na alimi nayo kwene yalaamwa kuti yize yalosye na antu amanyikisya ukukuuta nayo yize yapoome.

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

Mika 2:4

Mu wanda ulya antu yalamutumfya. Yene yalamusoweka, mu lwimbo luu ulwa ndosya yati, ‘Twatitononwa ukumalilika. Impanga ino Yawe watwankanya, nayo kwene yatiyaipoka! Ivyalo vitu wavyankanya kuli yao atusenzile mu uzya.’