Amosi 4:9 - Amazwi Yakwe Leza 2013

⁹ “Anene nalenzile kuti imbezu zinu zyonsi zyume uku ndwala nga nu kuvuvuma, mu miyanda inu nga nu muvyalo vinu vyonsi vya matingi. Makanta ononyile imisamvu kumwi ni miolivi inu kwene. Lelo mwemo mutawezile kunondi. Avino Yawe wavwanga.

Amosi 4:9 ပူးပေါင်းရင်းမြစ်များ

1 Yamwene 8:37

“Ndi cakuti cipowe nanti impungo yatuponela, limwi ivyakulya vyononeka ku cilala nanti umuza wakukonkotanika amafwa, nanti vyavuvuma, nanti vyaliwa ku tuzizi nanti makanta, nanti antu yako yayazanza ku anisi yao, nanti yaponelwa nu ulwale umwi uwa musango uli onsi,

2 Milandu 6:28

“Na lino icipowe nanti impungo yapona umu mpanga ii, limwi nanti ivyakulya vyononeka uku mvuvuma, nanti makanta nanti ivikwe, nanti lino anisi yazanza antu yako mu musumba wao uli onsi, nanti yaponelwa nu uzanzo uli onsi nanti indwala ili yonsi,

Ezaya 1:5

Uzye apacani cino mwala mwakomapo ukumusangukila? Uzye manye mukulonda sile kuti acizye penepo uku mufulula? Pano uku mitwe inu kuziile ivilonda vitupu. Imyenzo inu nayo yatoteka.

Ezaya 50:11

Lelo mwemo mwensi, mwemuno mwakozya umoto, nu kusonkelezya ivisonsololwa, lyene ingilini mu cimbilimbili ca moto winu, uwa visonsololwa vino mupembelile. Vii ali vino ikasa lyane lilamucitila. Mulalambalala mu ucuzi utaikulila.

Ezaya 9:12

Aina Alamu yayelile lwaku ufumondaka. Aina Filisti nayo yayelile lwaku uwondaka, ala yatiyacenzela calimwi apa kuciola aina Izlaeli. Icipyu cakwe Yawe cicili, pano acili azunzwile ikasa lyakwe apakuyazangola.

Yelemiya 3:10

Vivyo vyonsi vitalenzile Yuda, kaci wakwe cizelele muze, ukuweluluka kunondi nu mwenzo wakwe onsi. Lelo wene wacitanga cico umwisyente.” Ivyalanda ne Yawe.

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Oseya 11:5

“Acino antu yayo yalaswilila umu uzya ku Eguputo. Aina Asilya yalayateeka, pamulandu wakuti yene yakana ukuwela kunondi.

Yowelo 1:4

Icintu consi cino ivikwe vyasile, makanta wizile alya. Na cino makanta wasile lulele nawe wizile alya, mpaka avivyo kwene kutali ni casile.

Yowelo 1:7

Wataonona umutingi wane, watavunola imisamvu yane. Wene watapandola imisambo yonsi nu kuvutulula imisisi nu kuisumbola. Imisambo yonsi wataisya ili mpee!

Yowelo 2:25

Umu musango uli umwi kwene, nemo indamuwezezya vyonsi sile ivyononeka kuli makanta, nu ku vikwe, na kuli lulele na manzombwe. Ikwene ili mpuka ya vita vyane, ino natumile ku kwiza mupezya.

Amosi 4:6

Anene nemuno namuponyezizye ivipowe mu misumba inu yonsi. Anene naponyizye inzala konsi kuno mwikalanga. Lelo lyonsi kwene mutatontile nu kuwela kunondi. Avino Yawe wavwanga.

Amosi 4:8

Caleka antu amu misumba iili nanti itatu ndi yakatuka ukuya ku musumba umwi, kuti yakamwe amanzi, ulusala lwao lutaputukanga awe. Lelo nalyo kwene mwemo mutawezile kunondi. Avino Yawe wavwanga.

Habakuku 3:17

Cingaya cemvya nanti umutingi utangaseeka ivizao, nu musamvu utangaya ni luwa nu kuseeka ivizao, ni cazi kwene citangaseeka, lelo umu vyalo vyao mutakatale mufume kamwi. Nga imfwele mu vitata ni ng'ombe zyao kwene mu nduwa zifwe zilukute zyonsi.

Hagai 2:17

Anene kwene nononyile imbezu zinu zyonsi ku tuzizi, uku munyezi alino nuku mvula ya mawe. Lelo pali vyonsi vi musikutala mwelenganya ukuti mungazenzuka. Kuli kuvwanga kwakwe Yawe.

Malaki 3:11

Ndalesya ivizizi kuti vitonona ivilimwa vinu, nga na matingi amu vyalo vinu vya matingi, yatalalukusya amatingi awe. Ne Yawe Wamaka yonsi natimvwanga.

Malango 28:22

Yawe alamuponyezya indwala izikaambukila, ni mvimba ni nzakaza, ni cilala ni miza ikaye kuti yonone ivyakulya vinu. Ivilumbelo vii vilasyala pano muli mpaka mukafwe.

Malango 28:42

Makanta alonona imiti ni vyakulya vyamu mpanga inu vyonsi.