Amosi 4:7 - Amazwi Yakwe Leza 2013

⁷ “Anene kwene nemuno nanyefile imvula lino kwalile kwasyala sile imyezi itatu kuti muzombole. Anene kwene nemuno naleetanga imvula apa musumba umwi, nu kulesya imvula ukutonya pa musumba uze. Indeka ukuti imvula itonye pa calo cimwi, lelo pa calo cuze pene foo, mpaka ipuuma paya na solokoto.

Amosi 4:7 ပူးပေါင်းရင်းမြစ်များ

Kufuma 10:22

Mose akatusya ikasa lyakwe mwi yulu, ni mfinzi iya mu Eguputo monsi pa manda yatatu.

Kufuma 10:23

Aina Eguputo yakwata kanda cakuti yatalolanga nanti umuntu wino ali pipi, nupya kutali umuntu nanti umwi uwatazile afuma pa ng'anda yakwe pa nsita ilya. Lelo aina Izlaeli kuno ikalanga kwene kwali uluswepo.

Kufuma 8:22

Lelo lino vizembele viliza vitalacuzya antu yane yano akaikala mu mpanga ya Gosyeni. Ndacita cii kuti usininkizye ukuti, Nene, ne Yawe, nkuomba mu mpanga ya Eguputo.

Kufuma 9:26

Ku mpanga ya Gosyeni, kuno aina Izlaeli ikalanga, ali cifulo sile cino kutali imvula ya mawe.

Kufuma 9:4

Lelo ndalenga kuti paye upusano pakasi ka nyama zya ina Izlaeli ni nyama zya ina Eguputo, nupya kusi inyama nanti yonga ya ina Izlaeli ino ilafwa.

Ezaya 5:6

Namaleka cisapilwe. Nemo nsikutungwilanga mwenemo nanti sile ukutukolela. Namaleka ukuti cimelelwe yankololo ni myunga. Namalesya ni mvula ukutonyelela mwenemo.”

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Yelemiya 14:3

Akama yakutuma aomvi yao ku kuyatapila amanzi, nayo akula yaya ku vifula, yazana mu vifula musi amanzi. Lyene nayo ali pakuweluluka kweneko ni nsembo umwaula amanzi. Cintu cii iciyatovola nu kuyavulunganya, cakuti yavimba insalu apa manso.

Yelemiya 14:4

Imisili yatiyumalala nu kulangoka pamulandu wakuti imvula kusi umu mpanga. Alimi nayo uku mwenzo kwatikufita nga yatiyavimba ni nsalu apa manso.

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Yowelo 2:23

“Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Zakaliya 14:17

Umutundu onsi uno ulakana ukuya ku Yelusalemu ku kupepa Yawe Leza Wamaka yonsi wa Mwene, utalasyukila imvula.

Yoane 4:35

Uzye mwemo musyavwanga muti, ‘Kwasyala myezi ini, ale insita ya uzombozi yafika?’ Lelo nkumunena ukuti lolekesyini ivyalo. Vizao vyati vica nupya vikulolela kuzombolwa.

1 Kolinto 4:7

Uzye aweni uwakwisile kuya mukulu kuluta pa auzo? Uzye Leza atakupile vyonsi vino wakwata? Uzye lyene ungaitumika uli kwati cino wakwata cisi uwila?

Malango 11:17

Ndi mwacita cico, ale lyene Yawe alamusokela. Wene alalesyanya imvula kuti itatonya pakuti umusili ukaye umalale na kuti ivyakulya vitakamele. Lyene namwe mulafwa zuwa mu mpanga isuma iyo ino Yawe akumupeela.

Yakobo 5:17

Eliya wali umuntu uwali wakwe sweswe. Wene wapefile nu mwenzo onsi kuti imvula itatonya, kulingana ni myaka itatu na citika imvula itatonyizye.

Umbwilo 11:6

Yakambone ya yali na maka akuyala iyulu kuti imvula itaca itonye mu nsita yakusema kwao. Nupya yakweti maka pa manzi kuyasenula yaye uwazi, nupya yakweti maka akuponyezya insi vilumbelo vya misango yonsi pa nsita yonsi ino yakasi.