Amosi 4:2 - Amazwi Yakwe Leza 2013

² Yawe Simwandalali mu muzilo wakwe ulya, walapa ati, “Cumi nkumunena ukuti insita iliza lino antu yalamukweta na maswelo wa nswi. Yalamuswela na maswelo wenga wenga mpaka nu wakusyalikizya.

Amosi 4:2 ပူးပေါင်းရင်းမြစ်များ

Masamu 89:35

Nemo nala nalaya umwi zina lyane lyamuzilo, ntalatumpoka Davidi foo.

Masamu 89:36

Navwanga ukuti wene alakwata amu mupanda mpaka umuyayaya, ni cilimba cakwe ica wene cilayelelela pee, ndi vino ilanzi likalilila pee apa manso yane.

Ezaya 37:29

Icaleka pano wemo wansokela, nu kuyuvwila nayuvwila nenga, kuno icilumba cako caticikutwala, ali cino nani namatala nkupezye. Namakutunga umu mpuno nu mukanwa, alino nkakupisye nu umu nzila kwene ino wemo wizile mwenemo, nkuwezezye nakuno wafumile.”

Yelemiya 16:16

Yawe walanda wati, “Ndatuma avuvi ya nswi nyanya, yano yalayalema wa nswi. Ndatuma na alumba avule, nga nayo yalayalunga mu myamba yonsi nu mu macele.

Ezekelo 29:4

Namakovya ivikonkoli mu mazaka yako, namafyantika ni nswi zyamuli Nailo mu vikooko, namakukwetela ukunzi nu kukufumya muli Nailo wako pamwi ni nswi zyamuli Nailo wako kwene, zino zyafyantama mu vikooko vyako.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Ezekelo 38:4

Ndakuseleula, nu kukuswela na maswelo mu vyamvu vyako, wewe pamwi ni mpuka yako ya vita ikulu, ni mfwalasi pamwi na yayo akakwelapo. Yonsi kwene yalasenda ivisyangu vyao ivikulu ni vinono, na malupanga yao.

Amosi 6:8

Yawe Simwandalali akulapa mwi zina lyakwe umwisikulu ati, “Nasoka icilumba ca ina Izlaeli nu kupata ivimang'anda vyao vikulu. Endi, ndapeela umusumba wao na vyonsi ivyayamo ku anisi yao.”

Amosi 8:7

Yawe, Leza wa ina Izlaeli, watalapa ati, “Endi, Nemo ntalatala nilile ivicitwa vyao iviipe.