Amosi 4:13 - Amazwi Yakwe Leza 2013

¹³ Wiyo kwene wino akapanga imyamba, nu kupanga icipunga, nu kuumbula ukwelenganya kwakwe ku muntu, aliwe kwene akasenula umusanya iuya usiku, aliwe kwene akapita pa kansonsi ka panonsi. Izina lyakwe a Yawe Wamaka yonsi!

Amosi 4:13 ပူးပေါင်းရင်းမြစ်များ

Yobo 9:7

Leza angapeela ilamulo kwi lanzi kuti litatunka, nu kuvimba apa ntanda kuti zitawala.

Masamu 135:7

Akaleta amakumbi ukufuma uku mpela yonsi, alenga ni nkuwa ukupangalansya, nga aleta ni cimuza ukufuma umu nkoma zyakwe.

Masamu 139:2

Wamanya vyonsi vino nkacita. Ukamanya vino nkwelenganya, nanti uli akatalamukila uli.

Masamu 147:18

Lyene ndi cakuti wavwanga, nga imvula ya mawe isunguluka. Wene akakatusya cipupu, nga amanzi iyaapita!

Masamu 65:6

Awewe wakatwisye imyamba uku maka yako, pano amaka yako yakula.

Kufuma 10:22

Mose akatusya ikasa lyakwe mwi yulu, ni mfinzi iya mu Eguputo monsi pa manda yatatu.

Kufuma 14:20

Liya pakasi ka ina Eguputo na aina Izlaeli. Ikumbi ilipela imfinzi. Cii cilenga kuti vita vitalolana usiku onsi.

Ezaya 40:12

Uzye aweni wino watala wapima amanzi yamuli yemba api kufi lyakwe, nanti ukupima iyulu ku cizanza cakwe? Uzye kwatala kuloleka umuntu wakuti atoole ivu umu lupe longa, ilya pano nsi nanti ukupima imyamba ni milundu apa cipimilo?

Ezaya 45:7

“Anene napanga uluswepo ni mfinzi, nkaleta ulongo nga nu uzanzo. Ne Yawe nkacita vii vyonsi.

Ezaya 47:4

Wamuzilo wilya wakwe Izlaeli ali Mukuluzi witu, ni zina lyakwe a Yawe Wamaka yonsi.

Ezaya 48:2

Pano kwene mukayama mweisikulu ukuti mwemwe ikazi amu musumba wamuzilo. Nu kutaila sana muli Leza wakwe Izlaeli, wino izina lyakwe a Yawe Wamaka yonsi.

Ezaya 5:30

Mu wanda ulya wemo ulapamola aina Izlaeli wakwe vino yemba akacita. Lolekesyini impanga ino tuli mwenemo! Imfinzi sile na malanda ali vino vili mwenemo! Imfinzi aino yatiyandatila apa luswepo.

Yelemiya 10:13

Lino wene wapeela ilamulo, amanzi nayo yacita cilulumo kwiyulu. Wene akasensensya amakumbi ukufuma ku mpela ya nsi. Akamyantula inkuwa mu mvula, nu kutuma umuza ukufuma umu nkoma zyakwe.

Yelemiya 10:16

Leza wakwe Yakobo atakoline nato. Wene uwaumvile ivintu vyonsi. Nupya aliwe kwene wasolola aina Izlaeli kuti yaye antu yakwe kololo. Izina lyakwe a Yawe Wamaka yonsi.

Yelemiya 13:16

Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.

Yelemiya 46:18

Lino nene ndi wa umi, ivyalanda Yawe, wino izina lyakwe a Yawe Wamaka yonsi. Kuliza umwi wiyo akoline na Taboli umwamba uno watalimpisya pa myamba yuze, wiyo akoline nu mwamba wa Kalimeli, uwaya mu nkumba yakwe yemba.

Yelemiya 51:16

Ndi cakuti wapangalansya, ikuya icilulumo ca manzi umwiyulu. Aliwe akafumya amakumbi ku mpela zyonsi zya nsi. Aliwe akalenga inkuwa zimyansya umu mvula nu kutuma umuza ukufuma umu nkoma zyakwe.

Yelemiya 51:19

Wiyo wino waya icuma cakwe Yakobo wene atakoline nato, awe. Pano wene ali kaumba wakwe vyonsi, ukwikapo nu mutundu wa Izlaeli, caupyanyi cakwe. Izina lyakwe a Yawe Wamaka yonsi.

Danieli 2:28

Lelo kwaya Leza umwiyulu, wino akasokolola vya nkama. Wene watakulanga we mwene Nebukadineza ivilacitika mu manda akwiza. Lyene kankunene iciloto, icilolwa cino wakweti lino wakaswile.

Danieli 2:30

Lyene inkama ii yatisokololwa kunondi, asi pamulandu wakucenjela ukuluta ali wensi, lelo apakuti we musambazi ungamanya muno iciloto ciile nu kwiluka vino vizile mu mutwe wako.

Oseya 12:6

Lelo mwe amu mupanda wakwe Yakobo, sintililini muli Leza nu kuwela kunoli. Mwatemwana nu kucita vya ulungi, muye acumi kunoli nu kuteeka imyenzo insita zyonsi.

Yowelo 2:2

Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.

Amosi 3:13

Uvwiini nu kupeela umulandu ku amu mupanda wakwe Yakobo, kuli kulanda kwakwe Yawe, Leza Wamaka yonsi.

Amosi 5:27

Caleka nemo ndamuzingila uku uzya, ukutali ukupuzya umusumba wa Damasiko.” Avino Yawe wavwanga, wino izina lyakwe a Leza Wamaka yonsi.

Amosi 5:8

Aliwe kwene uwapanzile intanda izikaamwa Pileyadi ni zikaamwa Olioni, aliwe kwene akaeletula akanda kuti kaye amacaca, akaeletula umusanya kuti uye usiku. Aliwe kwene akaama amanzi yapali yemba nu kuyapongolwela pa musili. Izina lyakwe a Yawe.

Amosi 6:8

Yawe Simwandalali akulapa mwi zina lyakwe umwisikulu ati, “Nasoka icilumba ca ina Izlaeli nu kupata ivimang'anda vyao vikulu. Endi, ndapeela umusumba wao na vyonsi ivyayamo ku anisi yao.”

Amosi 8:9

Yawe Simwandalali wavwanga wati, “Mu wanda ulya, apa nsita ya musanya umutwe pakasi, ndalenga kuti ilanzi liwe nu kuponya imfinzi apa mpanga ya pansi umu kasanya.

Amosi 9:6

Yawe aliwe waikuulila isano umwakwikala ukwiyulu, nupya wapanga ulwelele ungati umufula wa mpanga ya pano pansi. Wene akaama amanzi amuli yemba nu kuyapongolwela pa mpanga ya pano pansi. Wiyo kwene izina lyakwe a Yawe.

Mika 1:3

Lola! Yawe akwiza ukufuma ku Ng'anda yakwe ikulu ya mwiyulu. Wene akwika nga akulyatokela pa tunsonsi twa myamba.

Habakuku 3:19

Yawe Simwandalali aliwe akampeela amaka. Wene akakomya amakulu yane kuti naimilila wakwe mpombo, pakuti ningakwela na papela ya mwamba. Yakasaula ya nyimbo, si yale yimbile na mazeze.

Zakaliya 12:1

Ii imbila ya mazwi yakwe Yawe akumile Izlaeli. Yawe, wiyo uwanzika amayulu, uwaumba insi, aliwe akapeela umi ku muntu. Wene wavwanga wati,

Mateo 9:4

Lino Yesu wamanya vino yakwelenganya mu myenzo yao ayauzya ati, “Uzye pacani mukwelenganya viipe mu myenzo inu?

Yoane 2:25

Nupya atalondanga kuti umwi amunene vino antu yaya, pano umwisikulu wamanya vyonsi ivyaya mu myenzo yao.

Yoane 3:8

Umuza ukapungila kuno ukasi, nga nawe ukauvwa ciunda cauko, lelo utangamanya kuno ukufuma na kuno ukuya. Avino cikaya kuli wensi wino wavyalwa kuli Mupasi Wamuzilo.”

Malango 32:13

“Wene walesile yateeke impanga zya myamba, alino nu kuilyokezya ivyakulya vyamu vyalo vyao. Ali muno yapandanga uci mu mawe, ni miti yao iya miolivi nayo isapalala mu musili wa mawe.

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.