Amosi 4:11 - Amazwi Yakwe Leza 2013

¹¹ “Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Amosi 4:11 ပူးပေါင်းရင်းမြစ်များ

Ezaya 13:19

Babiloni uwene wacindamisya ukuluta, uno waya icilumba nu lulumbi lwa mawene, yalaulwisya kuli Leza ndi vino cali kuli Sodoma na Gomola.

Ezaya 7:4

Uye ukamuceule, umunene ateke umwenzo, atuvwa intete nupya atasakamala. Pano icipyu ca mwene Lezini na antu yakwe aina Alamu, ni cipyu ca mwene Peka umwana wakwe Lemaliya vitange vicite umuntu nanti cimwi. Pano antu yayo yali sile wa cunsi icikufutumuka uku tusonsololo twili.

Ezaya 9:12

Aina Alamu yayelile lwaku ufumondaka. Aina Filisti nayo yayelile lwaku uwondaka, ala yatiyacenzela calimwi apa kuciola aina Izlaeli. Icipyu cakwe Yawe cicili, pano acili azunzwile ikasa lyakwe apakuyazangola.

Yelemiya 23:14

Lelo muli yakasema aku Yelusalemu mwene nindola mwenemo ulenzyo, intumpu, ukukomelezya antu ukucita iviipe, kuti kutaya uwakuzenzuka ku uyi wakwe. Yonsi pyu kunondi aipe wa ina Sodoma. Antu amu Yelusalemu yakoline wa ina Gomola.

Yelemiya 49:18

Yawe wavwanga wati, “Mutalikala umuntu nanti wenga. Mutalaya alacita icifulo munoli, ndi vino cali lino yawisizye Sodoma na Gomola, kumwi ni misumba yamu mbali.”

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Yelemiya 50:40

Ndivino cali lino nononyile Sodoma na Gomola, kumwi ni mizi ino yali umu mbali, ali vino namacitila Babiloni. Mutalatala mwikale umuntu nanti apa kasita akanono.” Ivyalanda ne Yawe.

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Oseya 11:5

“Acino antu yayo yalaswilila umu uzya ku Eguputo. Aina Asilya yalayateeka, pamulandu wakuti yene yakana ukuwela kunondi.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Amosi 4:6

Anene nemuno namuponyezizye ivipowe mu misumba inu yonsi. Anene naponyizye inzala konsi kuno mwikalanga. Lelo lyonsi kwene mutatontile nu kuwela kunondi. Avino Yawe wavwanga.

Hagai 2:17

Anene kwene nononyile imbezu zinu zyonsi ku tuzizi, uku munyezi alino nuku mvula ya mawe. Lelo pali vyonsi vi musikutala mwelenganya ukuti mungazenzuka. Kuli kuvwanga kwakwe Yawe.

Zakaliya 3:2

Alino umungeli wakwe Yawe anena Satana ati, “Si Yawe angala akupezye! Yawe uwasolwile Izlaeli, aliwe akukalipile! Uzye umuntu wiyo asi sile wa cisonsololwa cino yasompwile apa moto?”

Loma 9:29

Ezaya nupya wavwanzile ati, “Ndi mwene Wamaka yonsi wange alovye vizikulula vitu, twange tulowe wa misumba ya Sodoma na Gomola.”

1 Kolinto 3:15

Lelo ndi cilapya mu moto, ale lyene kakuula wakweco atalapokelela cilambu, lelo umwisikulu wene alatuulwa wa muntu akuutuka kufuma mu moto.

Malango 28:24

Mucifulo cakutuma imvula, Yawe alamutumila icimuza ca lukungu ni ca mucanga mpaka mukononwe.

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.

2 Petulo 2:6

Leza wavunwike antu amu misumba ii ku moto kuti ciye icilangililo ca cintu cino cilacitikila yakaifya.

Yuda 1:23

Tuulini nu kusompola yamwi yataponela mu moto. Na kuli yamwi Muye na mizu nga ni ntetepo. Lelo sokini miyele yao ni vizwalo vyao kwene ivyakoweziwa ni vya lunkumbwa lwao lwipe.

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.