Amosi 3:15 - Amazwi Yakwe Leza 2013

¹⁵ Indatamola amang'anda inu ansita zya pamwela, kumwi na mang'anda ansita zya cisiku. Amang'anda ayemviwa na mino ya nzovu yalononwa, ni vimang'anda vyonsi vikulu vilatamolwa.” Avino Yawe wavwanga.

Amosi 3:15 ပူးပေါင်းရင်းမြစ်များ

1 Yamwene 22:39

Ivintu vyuze vyonsi vino Aabu wacisile, ukwika penepo ni sano lyakwe ilya mino ya nzovu, lino wakuuzile pamwi ni misumba yonsi ino wakuuzile, vyalembwa mu lupapulo lwa Milandu yakwe Yamwene ya ina Izlaeli.

Masamu 45:8

Insalu zyako zikanunkila usaka, ku cinunu cisuma cakwe mule, aloe ni misisi na mafwa yauze acinunu cisuma. Yakalizya ya ngoma na yakimbila ya nyimbo, yakaiza kunuli uku kwimbila ukwi sano kuno ya kukuulila na mino ya nzovu.

Ezaya 5:9

Ali cino lyene Yawe Wamaka yonsi wasuka walapa, ala nkuyuvwila na matwi yane ati, “Amang'anda avule yalononeka. Yalaya amatongwa.

Yelemiya 36:22

Cali mu mwezi walenga fundimbali, ala nu mwene ali mwi sano lya kwikalamo mu nsita ya mapepo. Lilyo ala kuli nu moto uno umwene wotanga.

Amosi 2:5

Acino nemo ndaponyezya umoto mu Yuda, apakuti uce woce nu konona amalinga aku Yelusalemu.”

Amosi 3:11

Caleka Yawe Simwandalali wavwanga wati, “Anisi yalalizizya impanga ilya, nu kuongolola amalinga yakweyo, nu kupokolola vyonsi ivyaya mwenemo.”

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.

Amosi 6:11

Lino Yawe wapela ilamulo, amang'anda akulu yalaongololwa na anono nayo yalatamolwa.

Malaki 1:4

Limwi amu mupanda wakwe Edomu yangaiwanzya yati, “Silolini vino imisumba itu yononwa! Lelo tulaikuululula nupya.” Lyene Yawe Wamaka yonsi wavwanga wati, “Yatini yakuululule imisumba yao, lelo ndayonona nupya kwene. Antu yayo yalaamwa ukuti impanga yankota, iya antu yano insita zyonsi yaponelwa nu ukali wakwe Yawe.”

Yakapingula 3:20

Alino lyene Eudi aingila muno umwene Egiloni watenzi wenga sile, pa muputule wa papela pa kuumila kamuza. Lyene amunena ati, “Musambazi amazwi yano nkukwatile yafumile kuli Leza.” Umwene nawe akatuka pa cilimba.