Amosi 3:12 - Amazwi Yakwe Leza 2013

¹² Yawe wavwanga wati, “Ndi vino kacema akalombola imyendo iili sile, nanti ikutwi lya mfwele iyatiliika kuli cisama, vili vino aina Izlaeli yanono sile yalatuulwa, yayo aikala ku Samaliya pa vilimba vyao vyakupemwililako na pa miceka yao mu Damasiko.

Amosi 3:12 ပူးပေါင်းရင်းမြစ်များ

1 Yamwene 20:30

Aina Asilya yauze asyala, iyutukila ku musumba wa Afeki kuno amalinga ya musumba ulya yaponile antu amazimbi amakumi yaili na cinimbali. Beni Hadadi nawe kwene autukila mu musumba kwene ulya, aya afisama mu muputule uwa kukasi mu ng'anda imwi.

1 Yamwene 20:34

Beni Hadadi anena Aabu ati, “Nemo namakuwezezya imisumba yonsi ino tata wapokolwile so. Nupya ndi ukasi, uce ukuule ing'anda zikalamba zya kuculuzizya mwenemo mu musumba wa Damasiko, wakwe vino tata wacisile mu Samaliya.” Aabu nawe aasuka ati, “Apamulandu wa cipangano cii, namakuta uye umuntungwa.” Acino acita cipangano nawe, nga amuta apita.

1 Yamwene 22:25

Mikaya nawe amwaasuka ati, “Insita iyo ulaimanya lino ulaya ukafisame mu kafyototi kamwi ka mukasikasi.”

2 Yamwene 16:9

Umwene wa ina Asilya nawe amuuvwa. Akatuka aya azanza umusumba wa Damasiko nu kuupoka. Asenda antu aikalanga mwenemo wa afungwa, ayatwala uku Kili nga akoma na Lezini.

Esita 1:6

Umusolo onsi uwa mukasi kisano, yauyemvizye ni nsalu izitiswe ni zya cifungo. Yazinyepelelile ni myando uku ntambo izisuma iziyenzulukile. Yakulikila kweneko nu tumipeto twakwe siluva, tuno twali uku ncesi zya mawe atiswe nupya ayengese. Nga nupya umusolo kwene uwa walanga yaumilila nu tumawe ututiswe utuyengese. Kwali utumawe natuze utukoline wa lwili nga natuze utwa misango misango utwamutengo ukome. Nga ala yatiyateyanya nu kuluka ivilako ni vitala ivisuma ivyakulala nu kwikala penepo apa kulya. Ivintu vivyo vyali vyakwe zaabu na siluva.

Esita 7:8

Lino umwene akuwela azana Hamani watalambalala apa katala apatambalile Esita, apakuti amupapate. Walanga umwene walola vivyo, apunda nu kupunda ati, “Owe mwe, kalanda kasikolo! Uzye lyene umuntu wi akasi kulema namwene apa maka umwi sano lyane kwene?” Atatala wita ni zwi, antu iyavimbilikizya Hamani ni cisalu apa manso.

Masamu 132:3

“Cumi, nsikwingila umu ng'anda yane, insikuya nkalale pa musanzi wane,

Ezaya 17:7

Mu wanda ulya antu yalutukila kuli kaumba wao, nu kucevya amanso kuli Leza Wamuzilo uwa ina Izlaeli.

Ezaya 31:4

Yawe watanena ne Ezaya ati, “Vivi kwene vino cisama akang'anzila inyama, ino watalema, zino zikautuka icongo cakwe yakacema nanti yangamupundilila uli, ali vino nani kwene, ne Yawe Wamaka yonsi cilaya. Kusi nanti acimwi cilangofya apakutuula umwamba Zioni.

Ezaya 8:4

Pano alala mwana atacili wamanya ukwama ati, ‘Tata’ nanti ‘Mayo’, mwene waku Asilya ale wasenda mpiti ivyuma vyaku Damasiko ni visampwe vyonsi vyaku Samaliya.”

Amosi 6:4

Kalanda kuno muli mwemuno mukalala pa misanzi inu iyembe, ino yapangilwa ku mino ya nzomvu, mwemuno mukasalala pa mipando inu, nu kuipakizya iminyefu ya ana ya mfwele asuma na ana ya ng'ombe anone.

Amosi 9:8

“Cumi kwene, ne Yawe Simwandalali, nkulolekesya apa wene ulya umuzile amaifyo. Ndonona uwene uo apa mpanga ya pansi. Lelo ntalalovya ang'anda yakwe Yakobo. Avino Yawe wavwanga.