Amosi 2:4 - Amazwi Yakwe Leza 2013

⁴ Yawe wavwanga wati, “Pamulandu wakuti antu aku Yuda yakutwalilila ukwifya, nemo ntalaposiwa ukuyavunuka. Yene yakapepusya amasunde yane ne Yawe, acino yasinguvwila muli vyonsi vino nkayasunda, nga na Tuleza twaufi utwa vikolwe vyao twayaponzya.

Amosi 2:4 ပူးပေါင်းရင်းမြစ်များ

2 Yamwene 17:19

Nga lelo nanti amu mutundu wakwe Yuda, nayo kwene yatalondile ivyeo vyakwe Yawe Leza wao. Yalondelile imisango ya kukopa ku ina Izlaeli.

2 Milandu 25:14

Lino Amaziya wawela ku kukoma aina Edomu, wene wawezile ala asenzile tuleza twa antu aku Seili. Alino atwika kuti tuye tuleza twakwe, nga atandika ukutupepa nu kutocela ubani.

2 Milandu 30:7

Mutezya ukuya wakwe yaso na ina inu, yao aluvyanyizye kuli Yawe Leza wa vikolwe vyao, nu kuyalovya wayalovizye. Nu kumanya mucimanyile ningo sana cico.

Neemiya 1:7

Swemo twakusangukila. Tutayela amalamulo yako, ni vipope pamwi na masunde yano wapile umuomvi wako Mose.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Ezaya 28:15

Mwemo mukuyuvwa ukuti mukauvwana ni mfwa, mukuti mwapangana ni mpanga ya afwe. Mwemo mwasininkizya ukuti lino icinkunka ciliza, mwemo citalamukuma foo. Pano mwikalilila sile ufi nu ucenjenzi apakuti ali vino vyamupokololako.

Ezaya 44:20

Umu cumi, icili conga nu kulya amakala. Amano yao auwelewele yayalozya kuze kuze sile. Yene yasiiluka foo, cakuti yavwanga yati, “Icintu cii cino ndemile icaufi nupya icaciwelewele.”

Yelemiya 16:11

Lyene uce uyanene vino Yawe wavwanga wati, ‘Apamulandu wakuti ivikolwe vinu vyantazyezile nu kulondelela tuleza tuze, yatutumikilanga nu kutupepa.’ Yene yantazyezile nupya yatawasile amasunde yane.

Yelemiya 16:12

Lelo mwemo mwifya ukuluta yaso. Si lolini vino cila wenga akulondelela ulukumbwa lwa mwenzo wakwe wiipe, ukwaula nu kunguvwa foo.

Yelemiya 17:27

Lelo ndi cakuti mwala mwakana kunjela, ukuwaka wanda wi Sabata nu muzilo, nu kukana ingila pa mpongolo zyakwe Yelusalemu ni civiya apa wanda wi Sabata, lyene mulaleka noce impongolo zizyo uku moto uno ulamalila amang'anda acindame amu Yelusalemu ukwaula kuti uzime.”

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Yelemiya 8:9

Antu inu aamano insonyi zilayalema. Yalazewana nu kulemwa mu lukose. Na yayo akasuula Yawe, ale lyene amano yao ivyani vino yakayatumbwila?

Yelemiya 9:14

Nemo yantalamila nupya yakupepa na tuleza utuluwi twakwe Baali, ndi muno ivikolwe vyao vyayasambilizye ukucita.

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.

Ezekelo 20:13

Lelo kwene nu mu lwanga kwene namo kwene yansangukile nupya yatapitanga nu kulondela amasunde yane, yasuulanga ni vipope vyane, vino yali nu kuwaka kuti yalolelemo uumi. Yene yasuulilila ne wamuzilo yonona na Masabata yane. Nani ali pakupanga kuyaponyezya ukali wane mu lwanga nu kuyalovya mumu kwene.

Ezekelo 20:16

Ee kwene, nalafile, pano yasuuzile ivipope vyane, yafuma nu mu masunde yane, yasuulila kumwi ni Sabata lyane lyamuzilo. Yatemilwe ukupepa tuluwi twao.

Ezekelo 20:18

Lelo mu lwanga kwene amuno nanenyile ana yao inti, ala mwemo mutalondela amasunde ya vikolwe vinu. Mutalondela imisango yao, mutaikowezya ku tuluwi twao.

Ezekelo 20:24

Na cino nacitile cico apamulandu wakuti yene yasuuzile vipope vyane, yasuula kumwi ni Sabata lyane lyamuzilo, yafukamila utuluwi kwene tutu twa vikolwe vyao.

Ezekelo 20:30

Lyene fwandi nena aina Izlaeli amazwi yane ne Yawe, uyanene ukuti uzye mwemo umulandu cii uno mukacitila iviipe vili vimwi na vino ivikolwe vinu vyacitanga? Uzye pacani cino mwemo mukapepa utuluwi twao?

Ezekelo 22:28

Yakasema yao nayo yasilandapo pa uyi uu, yakafisa kwati antu yano yakupawila cipau ku lung'umba. Ivilolwa vyao navyo ivyaufi sile, ni visowelo vyao navyo kwene ivyaufi sile. Yene yakailola ungati antu akalanda amazwi yane ne Yawe, fwandi ala ne Yawe ntayanenyile nanti kamwi.

Ezekelo 22:8

Wemo usicindika ivintu vyamuzilo nupya usicindika uwanda wi Sabata.

Oseya 12:2

Yawe akweti umulandu wakupeela aluko lwakwe Yuda. Wene alavunuka amu mutundu wakwe Yakobo pamulandu wa miyele yao, alayalambula ukulingana ni milimo yao iipe.

Oseya 12:3

Walanga acili mu ndilwa yakwe nyina, Yakobo wapilikisyinye nu mwina, nga lino wakuzile alwisyanya na Leza.

Oseya 6:11

“Mwe aluko lwakwe Yuda, namwe kwene ndamuvunuka, “pa vintu vino mukucita.”

Amosi 1:3

Yawe wavwanga wati, “Antu aku Damasiko yacili yakutwalilila ukwifya, acino nani ntalata ukuyavunuka. Yene yakazunya antu aku Gileadi ukaka ukaka.

Amosi 3:2

“Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Habakuku 2:18

“Uzye umulimo cii uno akaluwi kakwata? Kene kapangwa sile nu muntu, nupya katange kamunene icili consi suka intumpu. Uzye icani cingalenga ukuti kapanga wa kaluwi akataile? Utuluwi tuno wene akapanga tutangavwanga.

Loma 1:25

Yene yafutatila cumi ca pali Leza nu kutaila ufi. Yene yakapepa nu kutumikila viumbwa vino Leza waumba mu cifulo cakwe kaumba umwisikulu uwalinga kulumbanyiwa pe na pe! Ameni.

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

1 Petulo 1:18

Pano mwamanya malipilo yano apilwe pakuti muye antungwa kufuma ku wikazi uwa ciwelewele uno mwasambilile ku vikolwe vinu. Malipilo yaa yatakoline wakwe siluva nanti zaabu wino akaononeka.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.